Juan 18:28 - Sinia' Jlamtis 1994

²⁸ Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Juan 18:28 ပူးပေါင်းရင်းမြစ်များ

Mateo 27:27

Ijiawos yamisi'ne ja Jesús ti ijioyisi 'wet'e ja anechiyas, 'yina wikie'eyi siojopo ijia tokis tijwayisiap.

Marcos 15:16

Tokis yamayisi ja Jesús ti ijioyisi siojo aj'leje'n yi'i ja anechiyas ji'wet, 'yina siojopo tokis 'loj 'neje ikapajlayisi.

Lucas 22:66

Jlampa jloma 'yakajaja'n, initotk'i'ne wita'm siupapo kijilas jle' po', siu'neje papo pa'yijis jika anechiyasas, siu'neje papo taka'neyasane pet pa Moisés jika'neyasajnaye. Jesús tikiniejeje'ni papo Judíojos jlosikis jiwos, sekyi'i ti i'yasat'iyisimpe ti iyonisi 'ate:

Juan 11:55

Jlampa je tojwa'a siojokia jiliakijnieye japo Judíojos Pascua 'loj japo i'nio' tajlits'i jawa ajnatis ijioyisi yi'i jlaja Jerusalén. Jike' iyonisiji'ni ti yiyetaja, ti inilej siupi iyo pi jike', ti iyoyis jitienkiujnieye ink'iejyisa'.

Juan 18:13

Iniajnatis ti ijioyisiji ja Anás, siojo Caifás jikant'ek, ti jak jlameje ti jika anechiyasis japo pa'yijis siukia najkap.

Juan 18:15

Simón Pedro jla'yi siojo Jesús t'eyasanik jikiecha 'wanjlejap'ni isia'm ja jika'niona ti tokiji jlaja pa'yijis jika anechiyas ji'wuk. Siojo Jesús t'eyasanik jikiecha ti pa'yijis jika anechiyas itiant'ieje, it'imina ti t'ajlinitie k'iye ti 'yuyijk'i ja Jesús.

Juan 18:33

Pilato yapilie'eje kiajwe jlaja 'wuk, sekyi'i ti tanayi ja Jesús. I'yasen'ne ti iyo'ate: —¿Mi a'am Judíojos jika anechiyasts'a'm?

Juan 18:39

Siuti asa'am po' ni aske', ti jiwayetaja siojona aslakijnieye Pascua anojwa'n kisie'e pi inkipinik ijwienjli. ¿Mi jlemina' ka iniujwa'n kisie'e ti asa'am Judíojosts'ase'm ni aska anechiyas?

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Juan 19:14

Jakiak siojokia jloma ti je toj'we siujlie'e Pascua, siukia ti 'najlikisie. Pilato iyone'ne 'ate japo Judíojos: —¡'Yenajyi'n ni aska anechiyas!

Juan 19:9

Yapi'ne 'wuk kiajwe, i'yasen'ne ja Jesús ti iyo'ate: —¿Tepi jitiajli? Jesús je iyo ka inkiujlie.

Hechos 10:28

Pedro iyonat'iyijpe 'ate papo i'nio': —Mejla'ala ka je 'najanayi ti je 'esiji napo Judíojos ka 'nojia'm papo i'nio' 'wenayeyi. Je int'ayeyiji'n 'neje siunie ti je 'esiji ka 'wenayeyi ka 'no ji'wuk kiajwe. 'Yina Sinia' ts'eyasane ka je ts'achiye paka ne'yi pa.

Hechos 10:32

'Yen papo ka ajlok'i ja Simón, siojo tiwonaja'ni 'neje 'ate Pedro, yi' Jópeje. Yi 'wet'e ja jlejwa jla'am Simón, siojo 'nejes jiwo, ji'wet yi' kiuts'i ni i'niat lajlik'i.”

Hechos 11:3

ti iyoyits'i 'ate: —¿Yot'iyi'ni ti jloyi'ni, jla'yi ti jikijwane'ni, siunapo je Judíojos?

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.