Juan 17:11 - Sinia' Jlamtis 1994

¹¹ “Ti ya'am jayapi'lia, 'nak ja ke yi'i 'ne ajnat'e, jlajma ijiatayi ti jlamis ja ke intajlis 'ne ajnat'e. Inia' ti i'nes, 'esiji ka 'yena, ki iyo ni ajweye siunie ti jiwenk'impe, 'nakayeyijna'a ka injwanjli ino'we, ka iwoyena'a 'ate awoki ti sa'am.

Juan 17:11 ပူးပေါင်းရင်းမြစ်များ

Mateo 10:16

“¡'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo.

Mateo 5:48

Siunie iyo ni Asna' yi' poliyi ti 'es, kiak niwonayi pet.

Mateo 6:9

Siuti jit'iejlaye, woye'ate: Sinia' ti jle poliyi, 'esiji ka t'otata ni e'.

Juan 13:1

Jlampa ijwienjliye jakia jloma tomk'iye ka neyi siojokia inlakijnieye Pascua, Jesús pajk'i ta'a ti 'yijene pi iyone ti yiyi japak jloma ti janek ti jantaj'le 'ni ajnat, ti jani'wene pi Jinia' poliyi. Jesús yamjliyi ti 'namaja japok, siojopo tijna'yi pet, yi' ajnat'e, tajlap'e ti 'nelanjie'e, paj ti yiyeyi pi jlaj yi'i.

Juan 14:20

Janak siojona jloma ti ja'najanayi pa jawonayi ti ya'am ajyi ni Inia', jlam pet ti asa'am jleye iwia'm, 'yina ya'am aye pet aswa'm.

Juan 16:28

Ti anamape atajla kiu jitieyi'i ni Inia', ti ana'me 'ni ajnat. 'Nakayi jatiaj'leje 'ni ajnat ti jayapili ni Inia'.”

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

Juan 17:25

“Ji'yu, 'ni Inia' ti i'nes, siunapo yi' ape'e 'ni ajnat je itiant'ie'a, jlam pet ti ya'am sitiant'ie'a. Kia'iyojliyi pet siunapo jlekialk'i 'yijene pi iyone ti a'am ti sijliu'.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Juan 7:33

Sekyi'i ja Jesús iyone'ne 'ate japoka: — Ja ke sipaj asap, jayik'iji ti jayapili siunie i'nio' sijliu'.

Hechos 3:21

'Nakayi lapakawo ti 'esiji siunie tiwonaja ka nekiu poliyi, jlampa ka Sinia' intemayijna'a siunie iyo ti ilisank'i siuniwa wask'i'nelaja. 'Yina jlam pak je iyo jiwekie'e ti kia'iyo, kajeyepa ti iyo jla'am niwa jlamtis ti yi'i ni ji'wet iyot'iyipi papo Sinia' jijwejlanawos ti isis ti ijwi'il.

Romanos 12:5

Sam pet ti Sinia' jilists'e'm kiak awoki. 'Wanjliyi kas'lojwata, 'yina ani'nopijietak'i wita'm, sekyi'i ti kasjwanjliyek'i.

Romanos 9:17

Siuniwa inamtis ijwil'neje siupa anechiyas t'ipi ti yiji japa ajnat Egipto, ti Sinia' kiak iyone ti ijwijla'm, “Ya'am ti awojwa'n anechiyasa'a'm, lapakawo ti awotajank'iye ka ti'wena siunie ijwiye naka ni siunie ekiaj'la, siu'neje ti awo ka intant'iejak'i wikie'eyi napo i'nio' yi' ape'e 'ni ajnat.”

1 Corintios 1:10

I'lijwas, etijnape pa Saka'niona Jesús ti Sijwajieti ti wuj ti anip'elisi'niase, ka ijnojlie wita'm siunie jiwoyeyi. Je 'esiji ka ani'wenakitie, 'esiji ka ajwankita siunie jawoyeyi. Siunie asosik kiak jawojliyi janjwanjlik'i, astankiujnieye kia'iyojliyi janjwanjlik'i.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Efesios 4:4

Kajeyepa napo Sinia' jilis ti iyoyi niwa jlamtis, ts'ajwes ijwienjlik'i, ijwienjli 'neje siojona Sinia' jikimet, siunie sinijijwiye kia'iyo ijwienjli ni it'imina ti Sinia' tants'e.

Filipenses 2:9

It'imina ti Sinia' yikiajle pet naka jle', ti iyo anechiyasa' ti 'yaka'm ape'e napo i'nio'. Yi'ni'ne siupi jle' ti 'yaka'm ape'e napo ijia anechiyasas jleyis iyo.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.

1 Jn 3:12

'Esiji ka je iyok'iate pi Caín ti ilia'an pi ji'yini, 'yina ti jla'am ti tajle pi imosik. ¿Tempi itiajlata? Lajk'ipa ka intajlata ti i'wi'in siupi iniwone pi ji'yini, i'yejne'n ti wuj ti 'es siupi iyo. Jlampet ti jla'am wuj ti je 'es siupi jikijmaye iyo.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 15:4

¿Tent'ipa i'nio' kanjwe'ya'm, Saka'niona? ¿Tent'ipa i'nio' ja ke ijnonit? Lajk'ipa jikiechaye ka wo'ate jiwoyi ti i'nes, injwanjli a'm. 'Yina jankapaj'la wikie'eyi napo i'nio' yijits'i 'niwa ajnatis, ti jant'opiyi akiajwe ti janwunit, lapakawo ti 'yaka ti tijnajyi siunie jiwoyi ti ji'ye'en ni iyo ni i'nio'.”

Apocalipsis 19:12

Siojowa jitiete iyot'e 'ate ni jla'al ni jwat ti yat'e, 'loj siojowa tena jletik'i siujlie'e 'yakajanit ti t'an pijia'm pa'a. Poyeta ja jle' ti yi' ape'e, 'yina lapakawo ti lajk'ipa ka 'najane siupi iyoyi, ijwienjli jla'am ti 'yijene pi iyone.

Apocalipsis 4:8

Siojowa ijniujlits'i pini' Sinia' jilisajna', kiajatak'i ti kia'iyo ti ijwienjli sikio' itij'we ijwienjli tom'niji 'niwa jijwesis, 'yina siojowa jitiete'l itijwk'i, po' jawa ti yi' kisie'e, po'neje jawa ti yi' jitiowaja'm. Jlomas itijwe ajnaj kia'iyojliyi ti je mamiyisie ti takelisiejne'n, ti iyoyis'ni 'ate: “¡'Es, 'es, ijiate ti jlam 'es, 'ni Saka'niona, ti lajk'ipa ka ijnojli, siunie ti po' ta'a ti 'nelanjie'e, siu'neje na ti jla'am siunie 'naka, siu'neje na ti ja 'nejts'eje!”