Juan 14:6 - Sinia' Jlamtis 1994

⁶ Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 14:6 ပူးပေါင်းရင်းမြစ်များ

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 1:4

Naka'ne ni siunie in'wasankiye tajle; janaka'ne siojona 'esi' napo i'nio' iyoyisi jika katesa'.

Juan 10:28

Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja.

Juan 10:7

Jesús yikiajlayi'iji ti iyone'ate japo i'nio': —Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas.

Juan 10:9

Ijiate, ya'm 'wuk kiwetk'i'm. Siunie i'nio' ni ja'noyi nak 'wuk kiwet, nak janjwayepe. Janwoyena'a 'ate jana 'wolepo' ti ijiojwa'm, ni'ne ti iniu kisie'e, jan'we'en niwa jop siunie jlak.

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Juan 15:1

Jesús jlam yinjliyi ape'e ti iyo'ate: —Ya'am siojona ti ijiate jla'am ti ts'ejniek jit'io, jlam pet ni Inia' nak i'yena pet.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 5:21

Iyoye'ate ni Jinia' ti i'nisatk'i pijia'm napo 'yajle'n, 'yina kiak iyo'ni pet ni Jlas, iwijna'm napo iyo kanwejna'm jana ji'wasankiye.

Juan 6:33

Siojona woye ti Sinia' je yi'n janaka siunie I'nio' ti tal poliyi, ti iwijnamk'i jana in'wasankiye napo i'nio' yi'i ape'e 'ni ajnat.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Juan 6:68

Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Juan 8:32

Ja intant'iejayi ki iyo ni ijiatk'i, siuni ijiatk'i 'yiniyijna'a ka inlanajyits'i.

Juan 8:51

'Yina awo'ate, jla'am je awo siunie ti awo'ate, i'nio' ni janwo niwa yamtis ja ke inetia'n.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Hechos 4:12

'yina naka ti kasts'isisi, kajeyepa ti lajk'ipa ape'e 'ni ajnat ka jikiechaye ka ineye paka Sinia' injlots'e ka pakaye ka kasjwajiete'n.

Hechos 9:2

ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.

Romanos 15:16

siunie ti siwojwa'n Sijwajieti jikawoyek'i'm, 'nakayi ti janiuyeje siunapo i'nio' ti je Judíojos. Awoye 'ate siunie pa'yi ti ajwe'el siunie Sinia' jika'niye, 'nakayi ti janiwojwa'nate siunie Sinia' ji'wajiet ti ikanit'ni, siu'neje ti siojona Sinia' jikimet ti 'es ja'notat.

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

Romanos 5:21

Iyoyi pet 'ate siunie je 'es ti yi' ape'e napo ti ijioyiji jana 'najlati, 'yina kiak iyoyiyi pet siunie Sinia' jikap'ijliuskiye ti yi' ape'e pet napo i'nio', jla'yi ti ijioyi ni siunie ti tilisanaja'n, 'nakayi ti ja kassoyija'm janak si'wasankiye ti laj jlaja, ka lajak'i pet ni Saka'niona Jesús ti Sijwajieti ti kasts'esi.

1 Corintios 15:45

Siuniwa Sinia' jlamtis ti yi'i ni ji'wet iyo'ate, “Siupa i'nio' ti 'nelanjie'ajat'ipi, pi Adán, pak inlesanik ti ji'wasankiye po'”. Jlampet siupa Adán siupa 'wanjli isia'm, pak tajle pet siojopa Sinia' jikimet, ti iyo in'wasankiyeja'.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Colosenses 2:17

'Yina awo'ate, wikie'eyi siuniwa ti t'ijieye ilia'm ti janam'ni, jipelis jiwekie'e, 'yina jlam'ne siunie ja jlamayi paka pi Sijwajieti.

Colosenses 2:9

Kajeyepa ti siupa k'iejliyi pa Sinia', pajlata'm pa Sijwajieti ti iyo 'weta', ti siuti i'nio',

Colosenses 3:4

Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

Hebreos 7:25

It'imina 'neje ti kia'iyo ti laj jlaja ti 'yijene pi iyone ti ijwiejiete'n siunapo i'nio' ka iyo ka ijnoyi ni Sinia', 'yina je lajk'i ti jla'am ti iyo ji'niayija'. 'Yina ti jla'am ti 'najlati je ikalk'i, siu'neje ti pok'iye napo i'nio' ti 'yejlani'ni pa Sinia'.

Hebreos 9:8

'Yina kiaka'ne pet, siojopa Sinia' jikimet ti 'es, ti 'yiniye ka iwoyi ji'niayija' ti 'yakajanitk'i sik'ioye ti siojopa Sinia' ji'wuk siupa jitiowe inia'ne je tilikjli'ijyi ti tikijmanaja'n 'yina jlampet siupa ti ijiatt'iyijpe ti t'otata je 'aljli'ijyi k'iye paka 'noyi.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Pedro 2:4

Ká atonitiejyi'n ni Sijwajieti, ti jla'am siojona sisaj ti iyo'ate ni i'nio' ti ji'wasankiye po'. Siojona sisaj ti tiwet'ianaja, jlam'ne ki iyo Sinia' jlam ti isi'me, lapakawo ti i'wi'in ti wuj ni laja.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 1:8

Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 2:23

I'nio' ni 'yakakiu ni Sinia' jlas, tepa janwo ka Sinia' inejiap pet. Jlampet ni i'nio' ni ijiate ti je 'yakakiu ni Sinia' jlas, tepa janwo pet ka Sinia' je inejiap.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:6

Siuniwa 'yakajanit pi Jesús ti 'nes ajnat'e, naka i'niat ti tiniejienaje, siu'neje pi ji'woyis ti tisa'ni. Je pakata i'niat, ji'woyis 'neje. Siojopa Sinia' jikimet japak ikajanit'ne naka, 'yina ti japaka Sinia' jikimet ti ijiatk'i.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 19:11

Sekyi'i ti a'wena ni poli ti inilajna'm, 'yakaja 'ni a'lenta lemits'i, jle' iyo'ate siojo i'nio' yi' ape'e ‘Ijiatk'i jla'yi ti Je Tak'emisie'n’, kajeyepa ti tijnajyi siunie ti 'yakajanit'i ape'e ni i'nio', siu'neje ti inila'an.

Apocalipsis 20:15

'Yina sek titietaja'a wikie'eyi siunapo i'nio' jleyis je yi'i siunie imp'esinik ni jleyis ji'wet napoka ji'wasankiye po' ti t'o'n.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:17

Siojona Sinia' jikimet ti 'es, siu'neje napo Sinia' jilis ti ti'yenajap japa i'nioki ti janeyi siunie 'wolepo 'woma, iyoyits'i 'ate: —¡Jomet! Siunie jampe'ya, ka kiak iwoyenie'e pet 'ate: —¡Jomet! Siunie ti janki'im, ka inamayinie'e siunie i'niat ti i'wasankiye, sekjane'yi ka i'yayejenie'e, 'yina ja ke tiwok lajaye.

Apocalipsis 3:14

Jla'm iyojli 'ate: —'Ete'e kiu'ujwe siunie ti jajloyi ni jijliujwanik napo Sinia' jilis yi'i jana isi' Laodicea: “Iyo naka ni siunie ti 'yakajanit ti jlam je iyo ni siunie iyo ni Sinia', siunie Sinia' jikawo ti inka'niyewo ti je tiwonaja, naka 'neje ni siunie ti ijiatk'i, jitis 'neje wikie'eyi siuniwa Sinia' jilisajna'.

Apocalipsis 3:7

'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.