Juan 14:31 - Sinia' Jlamtis 1994

³¹ lapawo ti jlam kia'iyo, siunie ajnat ja'najanayijna'a paka wone ti emi'n ni Inia', jla'yi ti ja'najanayijna'a paka wone ti awo siunie Inia' ijliuyijk'i'm. “Kasitiets'i, naja'ni.”

Juan 14:31 ပူးပေါင်းရင်းမြစ်များ

Mateo 26:39

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

Mateo 26:46

Neyets'i pijia'm, naja'ni. 'Nes ni siunie i'nio' ti ja siwe'en.

Lucas 12:50

Ka pajatana'a jayiyi siunie ti ja ijiatayi ti ja ke 'esie, 'naka 'ni siu'nie silia'an, jla'yi ti akjliyi.

Juan 10:18

Ijiate, ja ke pakaye siupi jasitiajnat ti ja silia'an, lapakawo ti yam ya'am ti talk'i. Siunie awo ti kia'awo. Lapakawo ti nak tijniejietak'i'm pet, siunie ti je e'n jana i'wiesankiye jla'yi siunie ti janapik'i ka netieje siojona jloma, 'yina nak iyotaja ka iyo ni Inia'.”

Juan 12:27

—“¡Wuj ti ijliak'ali po' 'nakayi! ¿Tepat'e jayo? ¿Jot'e kayo'ate, “Inia', sijwajiete ni janwo ni iwit'iaye”? ¡Ajwel'ni ja jeye, lapakawo ti 'nak it'imina ti ana'am!

Juan 12:49

Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 13:1

Jlampa ijwienjliye jakia jloma tomk'iye ka neyi siojokia inlakijnieye Pascua, Jesús pajk'i ta'a ti 'yijene pi iyone ti yiyi japak jloma ti janek ti jantaj'le 'ni ajnat, ti jani'wene pi Jinia' poliyi. Jesús yamjliyi ti 'namaja japok, siojopo tijna'yi pet, yi' ajnat'e, tajlap'e ti 'nelanjie'e, paj ti yiyeyi pi jlaj yi'i.

Juan 15:9

Wuj ti ts'ama'ase, iyoye pet 'ate siunie Inia' ti 'namak'i. Je pajana'a ka leyeyi siunie yimijnaye ti e'nase'm, ka woyeyi.

Juan 18:11

Jesús iyone'ne 'ate ja Pedro: —¡Ekialk'i ni atesajnat tiok! Siuti Inia' si'yayijni 'naka siu'nie pajyi, ¿yot'iyi'ni ka je i'yaje?

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Filipenses 2:8

Inijlasat isia'm, ka kia'iwo ka initonit'ni, je iyo ka inka'm ape'e siupi iyo pi tijliukieje ka iwoyi, it'imina'ne ti 'ya'al. Paj ti tenaja'a pijia'm japa cruz t'ipi.