Juan 14:27 - Sinia' Jlamtis 1994

²⁷ “Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Juan 14:27 ပူးပေါင်းရင်းမြစ်များ

Mateo 10:26

“Ja ke napokaye napo i'nio' ti ja joskiyeyi, kajeyepa siunie ti tip'ona ape'e ja tiliena pet ape'e, jlampet siuniwa ti tijwekieta'ni ja'nakajak'iji ape'e.

Lucas 1:79

ka inkajanitk'i ape'e, i'nio' siunapo ti je t'ekijyi na ajnatiok, na jipe'el na siliaye, ka inajne'n k'iye siuniwa sisietis awonaja siunie jano'we, ti ja kassokiji jana inkamankiye.”

Lucas 10:5

'Wukpe japa ja 'oye kiajwe ti jleyeyetaja, ka kiak awoyeyipi 'ate ti janajnata ti jatejwila' ask'ioye, “Inkamankiye ja ine'yipe siujlie'e 'wuk.”

Lucas 12:4

“I'lijwas, jajwi'lase'm ti ja ke ijnots'inayi siunapo i'nio' ti ijiate ti 'yijene ti ila'an pa, 'najata wek jla'am ti 'yijene pi iyone ti iliajne'n papo.

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 20:19

Siukia jloma ti tajlaja'm, ti ajnaj, siupapo t'eyasajnas initaj'ne seka'a yi'i siujlieja 'wuk yiyis kiajwe, ti ip'ionisiamk'i jawa jika 'wuk kiwitawa, ti je ijwiyisink'iye siojopo Judíojos jika anechiyasas. Sekyi'i ti Jesús inikajanitie jikiowe'e japo t'eyasajnas, iyo'ne 'ate: —¡Kamaja!

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Hechos 18:9

Yi'i pa ajnaj Pablo Sinia' ini'wenkijna'm ti iyone'ate: —'Otale t'onit, katate ti jiwo amtikie', ká ak'iu'wate.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

Romanos 5:10

Tankiuniek'i ti pajk'i, jlam'ne je alekiji ti ataye ilia'm pa Sinia', je iyojliyi ti iyo ka kasts'isisi wita'm ti jla'm pakayik'i ti tiliana pa jlas Sijwajieti Jesús ti kasts'isisi. 'Nakayi tepa jawo ka kiak je iwoyi ti ja kasts'isisi ti jajwieye ti jatiajlajaja ni jlas Sijwajieti Jesús ti jla'am ti 'wasa'n, siuti ti je atayeja ilia'm.

Romanos 8:6

Jlampet ti 'o'we' siuniwa ti ya'am emink'i ka iyoyi, niwak soyiji jana 'najlati. Jlampet ti janiwakaye siuniwa ti tajle janak Sinia' jikimet ti jayoyi itienkiujnieyeja', nak iyo i'wiesankiyeja', jla'yi ti iyo ikamankiyeja'.

1 Corintios 1:3

'Esiji ka Sinia', jla'yi pa Saka'niona Jesús ti Sijwajieti, ka wujwa ka imp'elisinapi, jla'yi ka inoye'ase'm ka akamaja.

Gálatas 1:3

'Esiji ka Sinia', jla'yi pi Saka'niona Jesús ti Sijwajieti, ka imp'elisinape, jla'yi ka inwe'nase'm ni askamankiye.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Gálatas 6:16

Yi'i papo, siupapo ti ilisa'n naka siunie ajwe'el, siu'neje ni iyo napo ti ijiate ti Sinia' jilis, napok 'esiji ka inkamajaspe, jla'yi ka Sinia' imp'elisijnempe.

Filipenses 4:7

Ja 'nakayeyijna'a siunie inkamankiye, ti lajk'ipa ka ijnojliji, ti 'yaka'm ape'e ni siunie iyo ni i'nio' ti 'yije'en, jane'yasap ti janoye'ase'm siunie jiwonayi ni asosik jla'yi ni jiwonayi ni astankiujnieye, kajeyepa ti jini'nopijietayiji pa Sijwajieti Jesús.

Colosenses 1:20

'yina Sijwajieti naka 'neje ti it'imina ti jla'am ni ti iyo ka 'esieyi kiu'ujwe wita'm 'ni ajnat. Wikie'eyi siuniwa yi' poliyi siu'neje niwa yi' ape'e 'ni ajnat, jant'emina ti jankama, 'yina ti 'esi siupa Sijwajieti ji'woyis ti tisa'ni ti yi' ape'e japa cruz.

Colosenses 3:15

'Yina siunie inkamankiye ti tajle ni Sijwajieti 'esiji ka iwo anechiyasajats'i niwa asosikis. Kajeyepa ti nak tanajap'ase ni Sinia', ka ts'ijiye injwanjliyek'i 'yiniyijna'a siunie 'najwes ti ijwienjli. 'Yina woyepe asnikanitieyija'.

2 Tesalonicenses 1:2

'Esiji pa Sinia', jla'yi pa Saka'niona Jesús ti Sijwajieti, ka imp'elisinape, jla'yi ka i'notata.

2 Tesalonicenses 3:16

'Esiji pi Saka'niona ti tajle ni inkamankiye jlomasak'i kanwe'nase'm ni siunie 'es. Sekjane'yi ti ja akamaja ti ja k'iejliyeyipe pa jawoyeyi, 'esiji ka inoye'ase'm. 'Esiji ka inwikie'eyeyi ka kiak inwo'nase ka ne'yasap.

2 Timoteo 1:7

'Yina Sinia' je naka ka inekialts'e ka je kasjwe'e, 'wenajliyi ti iwints'e'm ni sijweye, jla'yi ni semijnaye, siu'neje ti wuj ti a'yena siunie aniwonaja.

Hebreos 13:20

'Esiji ka Sinia' siunie inkamankiye tajle ka noye'asempe pet, ka we'nase'm ni siunie 'es 'nakayi ti jawoyeyi siunie iyo ka woyi. 'Esiji ka woyi siupa iyo ka wonts'e jla'am, 'yina jawoyeyipe ji'niayi siupa Sijwajieti Jesús iyo. Sinia' siunie ti kia'iyo iniujwa'n kisie'e ti tajli pi a'no' ti yikial pijia'm pi Saka'niona Jesús, siunie ti ijiate ti sontas jiwo, ti iyoyi pet ji'niayija' ti 'yakajk'i ti jla'am ti iniwe'n siupa iyo pi jiwet'ia ti 'ya'al. Sekyi'i siupa ji'woyis ti tisa'ni paka'ne ti 'yakajanitk'i ti jlam je iyoyi siupa iyone pi ji'lij ti iliyi ti iwiets'ilati siupa iyo ti pajk'i, 'yina siuti ink'ie' ni iyoyi nak laj'ne jlaja. ¡'Esiji ka laja jlaja siunie jiwunitieye ti tena'a! Amén.

Apocalipsis 1:4

Ya'am Juank'i'm, ya'am ti ajloyi siu'nie imp'esinik siojopo Sinia' jilis yiyits'i ni ji'wetis ijwienjli sikio' itij'we times tom'niji, yiji pet siojona ajnat Asia. Siunie Sinia' jikap'ijliuskiye siu'neje na askamankiye ti jitiajlayiji siunie ti jla'am jane'yasap, siu'neje na ti 'nelanjie'e t'ipi ti po' ta'a, siu'neje na ti ja'nejts'eje, tajle 'neje jla'am napok ijwienjli sikio' itij'we times tom'niji Sinia' jikimet ti 'es ti initaj ti ijniul wita'm ti teje'yi siupa yi'iji'n ti jla'am ti anechiyas.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.