Juan 14:12 - Sinia' Jlamtis 1994

¹² Ijiatk'i siunie jajwi'il ti siunie i'nio' ja ke sakakiu, jikijmaye jawo'ate iyo ni isijmaye, siupi jawo puwa jan'wenki'n. Ja jlam ijiatayi jla'am siupi jikijmaye jawo, lapajawo ti jayik, jajioyi ni yi'i ni Inia'.

Juan 14:12 ပူးပေါင်းရင်းမြစ်များ

Mateo 21:21

Jesús isiujlie ti iyo'ate: —Ijiate siu'nie jayo'nase, siuti ja lajk'ipa ka askakiujnieyeja', astankiujnieye japoye, ja akajlajyi siunie awone jana higok. Ja ke 'najataja ka 'najanayi paka awonayi, siu'neje ti jawone'ate jana tikijnaki ti ja amtiye'yi, “¡Taj'le ni jle'yi, ma isia'm yi'i ni i'niat!” Ijiatjliyi ka kiak iwoyeyinie'e.

Marcos 11:13

Tojwe pa k'iejliyiji pa yi'i japak higok ti i'wine. Jak je iyo ti yiyeyi, i'yent'itiejpe ka jla' poye wat, 'yina ji'wole 'nejie'e ti yiyeyi ti i'yentaja'm. Kajeyepa ti je yiyi siupa k'ie'ni ti iyoyeta jlaye puwa higok.

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Juan 14:28

'Yina sipe'yaye ti awo'ate, “Jayik, 'yina jayapimet'eje ti jayi'iji aska kiowe'e.” Siuti ja ijiatayi ka semina, ka kiak iwoyeyijna'a ka apeniyeyi'inna'a ti jayik ti jajioyi pi Inia', ti jla'am ti 'yaka'm itipe'e.

Juan 16:7

Ijiatk'i siunie jayo ti jajwi'lase'm, ti siunie ti jayik nak ja'nesieyi. Jlam ti kiak jawo, ja ke iyik, ja ke inamana'a pet siojona asp'ota ka ne'yasap. Jlam ti jayik, sekjane'yi ka namana'a janaka siojona ajwe'el, ti jajliu'.

Juan 4:37

Ijiatk'i siunie ti iyo'ate, “Siunie i'nio' takawijna'n je naka ka inla'ne ni inwomik, 'wenayi pet ni siunie ilie'ne.”

Juan 5:20

Siunie Jinia' yimi'n ni Jlas, i'winkina siunie iyo. Ja ke ja'nakatajayik'i japoye'eje siojona jloma ti ja ijiatayiji ti janka'm ape'e siunie iyo 'nakayi, ti ja inesi'lieta.

Juan 7:33

Sekyi'i ja Jesús iyone'ne 'ate japoka: — Ja ke sipaj asap, jayik'iji ti jayapili siunie i'nio' sijliu'.

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

Hechos 10:46

jla'yi ti ipi'yayis ti ji'lija 'wenayi siupuwa iyoyi, jla'yi ti iyunitis pa Sinia'.

Hechos 16:18

Je ijwienjliyiji ka kiak je iwo'ni, ti nam'ni sek'i, paj ti Pablo 'netajayi. Sekyi'i ti tejeye ilia'm, iyone'ne 'ate siupa imosik pa yiji: —Etijnape pa Saka'niona Jesús jle' ti Sijwajieti, ¡tajli siujlie'e asejnia! Ka pajayi wata'a ti iniuye kisie'e siupa yiji, jlajaka asejnia.

Hechos 19:12

Jak je iyoyiji'ni 'wanjliyi ti ijnetik p'ot jlas pa, ni'ne ti lotakiniewa pa, siupa ti isie'ne jawa t'ajwes ja Pablo, ti tikiniejejataja siupapo je isis, sekyi'i tijwayet'ijyipi pi jiliaye pa i'nio' ti kiak tiwonaja. Jak je iyoyiji siupuwa imose'l iniuk'i kisie'e.

Hechos 2:33

Jak je iyoyiji'ni paj ti Sinia' yamayi pijia'm, ti yi'neje'n ni ji'wet, ti itiujmat jijweyeje, 'yina yikiajle jana jikimet ti 'es. Sekyi'i ti isiaye sitipe'e, yame ki iyo niwa jlamtis, 'naka'ne siunie ji'wena' jla'yi ti jipe'yaye.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 4:16

ti iyo'ate: —¿Tepat'e jayonaja siu'napo i'nio'? Siu'napo Jerusalén jlele 'yijene pi iyonisi, siuniwa iyo niwa ilisanisi ti Sinia' iniuyeje, ti yisi'lietk'i ti i'winatajas. Lajk'ipa ka iniwonaja ka ijwila ka 'yakakiuk.

Hechos 4:33

Kat'ajat'iyijpe japo injlojwajnas ti jijweye po' ti iyoyetajas jika'niyeja' pa Jesús ti iniu kisie'e ti tajli pa a'no', jla'yi ti je jlase' pi iyo ti Sinia' iniuyeje.

Hechos 4:4

Je iwit'iane 'loj papo i'nio' siupapo its'iuye siupa ijwi'il, papok je 'yakakiu. Japak tajlap'e siojopa jloma jle' Pentecostés ti po' papo iyo Sinia' jilisa', siupa nojt'ijiampe papok i'nio', ti 'najli papo ayijnies ti 'yakaj, ti tetina cinco mil.

Hechos 5:15

Siupapo je isis titionajak'i kisie'e ti tenajats'i puwa jika'wulis japa isi', jlam 'wenajliyi siupapo tiniayejek'i ape'e puwa jlo'witis, kajeyepa ti iyoyits'i 'ate: —Ka Pedro inotiena'a 'ne k'emna'a ka jipela jiwekie'e ka ne'yi ape'e, ja ne'yi siunapo je isis, pak janjwa'.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

Hechos 8:7

'Loj siupapo imose'l yijits'i tijwajyi siupa jiwet'ia iyo, tajwiyek'i wita'm ti iniuyetak'i kisie'e. Kia'iyojliyi siupapo inlaye siupa je t'onk'i ti yi'i, siu'neje papo je t'ojni'n.

Hechos 9:34

Pedro iyone'ne 'ate: —Eneas, Sijwajieti Jesús injwajiet. Neppijia'm, jot wita'm na ajotik. Kapajat'iyijpe wata'a pa Eneas ti 'es.

Hechos 9:40

Pedro iyone'ne 'ate papo, ti ijliuk'i kisie'e: —¡Noyek'i kiu kisie'e! Sekyi'i pa Pedro t'akosjlete'l itiyyiji'n, iyoyet'ipi t'ajlayeja'. Jitiej itieteje'ni siujlieja i'nioki masa, ti iyo'ate: —¡Tabita, neppijia'm! I'yenat'ipi kisie'e, i'win jiwekie'e ja Pedro, ti ijialasat'ipi ka ineppijia'm.

Romanos 15:19

siu'neje niwa ti 'yakelitk'i'ni napo i'nio' ti i'winatajas, siu'neje niwa 'yaka ti i'wi'n ilia'm puwa k'iejliyi, ti janaka jla'am siojona Sinia' jikimet ti 'es ti jijweye po'. Ti atajlap 'niji yi'i jlaja Jerusalén, ti atejwits'i niwa ji'wetis napo i'nio', paj ti ayeyi siujlieja ajnat Iliria. 'Yina atejwits'i siuniwa ajnatis ti ajoyits'i ti awo yamtikie' ti amtiyi ni Sinia' jika'niye ti ijwi'il pa Sijwajieti.