Juan 13:19 - Sinia' Jlamtis 1994

¹⁹ Ajwe'lase'm ta'a, janakayeyi ti ja 'najanayi ta'a, 'wanjliyijna'ape ka'wina siuti kiak jawo, lapajawo ti ijiate ja'najanayi ti je 'wenayi pi kiechaye ti ya'am.

Juan 13:19 ပူးပေါင်းရင်းမြစ်များ

Mateo 11:3

kan'yasisi kanwonisi 'ate: —¿Mi amt'e siupa tinijijwiyijenk'iye ti ja'nes? ¿Ent'a japoye'eje siupi jikiecha ti ja'nes?

Mateo 24:25

¡'Yejne'n, ajwe'lase'm ta'a, ti je yijliyi'ijyi janak jloma ti kiak jawo!

Lucas 21:13

Siuti kiak janwo, ka jla'm awonayijna'a 'ate ti jawoye asamtikie' ti ja sijwela'.

Juan 1:15

Juan 'yakets'ijiap siunie jika'niye ti iyo'ate ti ijwile pijia'm: —'Naka siu'nie ajwel'nijpe ti awo'ate, “Po'o ni i'nio 'wanjli isia'm ti 'yaka'm itipe'e, nak siunie i'nio' ti po ta'a ti 'nelanjiejat'ipi, ti ya'am siliejlik'iji.”

Juan 14:29

Jlam ajwe'lase'm ta'a niwaka, ja'nakayeyijna'a siuti ja'wena, ja ke sakakiuye.

Juan 16:4

Ajwe'lasem ta'a, 'nakayi 'wanjliyina'ajpe ka neyi janak jloma, siunie iyo niwa ajwe'lase'm ja ke inesi'lieta ka ataj enayeyijpe 'ate siunie janwo ni ajnat. “Jla'am je ajwe'lase'm ta'a naka ti 'nelanjie'e, lapawo ti je sitiana' ka kia'awo, ts'etsaka ti a'yasap.

Juan 4:26

Jesús isiujlie'ne ti iyo'ate: —Siupi jijwel'ni, ¡siu'nie jikamtijniene, 'naka!

Juan 8:28

It'imina'ne ti iyo'ate: —Ijiatjliyijna'a ka tenata pijia'm ni I'nio' Jlas, jiwekie'ejana'a ka intant'iejayi ti jla'am siunie ti iyo'ate “ya'am”, jla'yi ti ja intant'iejayi ti je awo ka iyo ka itiajlatk'i siunie awo. Je'e, 'wenajliyi siunie Inia' ts'eyasane ti ajwel pet.

Juan 8:58

Jesús isiujlie'ne pet ti iyo'ate: —Ijiate, ijiatk'i siunie awo, ti ya'am pajk'i ta'a ti sipo', ti siupi Abraham lajlik'ijipa.