Juan 11:53 - Sinia' Jlamtis 1994

⁵³ Jakayi'ne ti tiwokieyi ka tiliana, iyoyis'ne 'ate, “'Esiji ka tiliana 'ni Jesús.”

Juan 11:53 ပူးပေါင်းရင်းမြစ်များ

Mateo 12:14

Siojopo Fariséojos ti iniuyek'i kisie'e, inijlok'ijin'ni'ne ti iyoyisijyi'n siupa ka wonisi, ti iyo ka ilanis ja Jesús.

Mateo 16:21

Sektaj'le ti Jesús inijwelaja'm japo t'eyasajnas ti iyo'ate: —'Yejne'n, je 'esiji ka je ijio Jerusalenne kajeyepa ti sek ja senaja'a siunie ja tiwonak'i ti ja wujwa ti janilayiti, ni janwonk'i napo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye. Napok ja silia'an, 'yina jlomas janajapeja janiu kisie'e ti jatiajla'm ni a'no'.

Mateo 22:46

Tiwet'ianaja ka poye paka inkiujlie ja Jesús. Jakayik'i ti lajk'ipa ka ji'lij injweyi'i ka in'yas'ni ka k'iejliyeyi paka in'yasane.

Mateo 26:4

Iniwakajlanitis ta'a ti inijlok'ijin'ni siunie janwoyisi ti jankimits'i ja Jesús ti iyo ka inlanis.

Mateo 26:59

'Yina siojopo pa'yijis jika anechiyasas, siu'neje japo ijnosikis jiwos, wikie'eyi ijyijlitayisi ti i'yasis'ni pi k'iejliyi pi ijiutkinisi ape'e, ti iyoyisink'iye ka poye pa ka intajlatisie, ka inlanisie.

Marcos 14:1

Jlomas times puwa tomk'iye ka ineyi siojopa jiliakijnieye papo Judíojos jle' iyo'ate Pascua, japak siojopa jloma ti itiuwis puwa woyejes laj jijlinkitajets'i. Siojopo pa'yijis jika anechiyasas, siu'neje japo taka'neyasane pet pi Moisés jika'neyasajnaye, jakayipe ti iyoyeyisijyi'n paka iwonisi ja Jesús ka k'iejliyeyi paka jlam intajlatisie wek jlam'ne je ijiatk'i, ti iyo ka inkimits'i ti janlanis.

Marcos 3:6

Sekyi'i ti yama'ni papok Fariséojos, jla'yis papok Herodes siupa anechiyas jikawos pet, ti iyoyisijyi'n siupa janwonisi ti iyo kanlanis ja Jesús.

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 12:10

Iyoyis'ne 'ate siojopo pa'yijis jika anechiyasas: —'Esiji ka kia'awo ja Lázaro ka tiliana.

Juan 7:1

Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.

Hechos 5:33

Siupapo ijnosikis jiwos, ti ipi'yayeyis ti kia'iyo, jwesis'ne. Iyoyet'itiejespe ka inlajne'n japo injlojwajnas.

Hechos 9:23

'Loj puwa jlomas yam'nijiye. Inikiujlie papo Judíojos ti iyo ka ilanis ja Saulo