Juan 1:15 - Sinia' Jlamtis 1994

¹⁵ Juan 'yakets'ijiap siunie jika'niye ti iyo'ate ti ijwile pijia'm: —'Naka siu'nie ajwel'nijpe ti awo'ate, “Po'o ni i'nio 'wanjli isia'm ti 'yaka'm itipe'e, nak siunie i'nio' ti po ta'a ti 'nelanjiejat'ipi, ti ya'am siliejlik'iji.”

Juan 1:15 ပူးပေါင်းရင်းမြစ်များ

Mateo 3:11

Ya'am ti anajiena anajienajyi ni i'niat, in'yenajiap jiwek ti jiwo ajosik ink'iejyisa'. 'Yina po 'neje siunie 'wanjli isia'm ti jana'ajme, nak ja inajienajyi pet ki iyo jana Sinia' jikimet ti 'es siu'neje ni jwat. Jla'm ijiate jla'am ti jijweye poyi ti 'yaka'm itipe'e, ijiate ti je akajli ka yikiji niwa jisieti.

Marcos 1:7

'Yina iyo'ate siupa jika'niye: —Po' ni i'nio' 'wanjli isia'm ti ja'nejts'eje, 'yina nak jla'm ijiate jla'am ti jijweye po'. 'Yaka'm itipe'e, ti tiwet'ianaja ka 'yakajli ka jisieti t'aka iliejnits'i.

Lucas 3:16

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Juan 1:27

ti 'wanjli isia'm. 'Yina tiwet'ianaja ka nakataja wek ka 'yakajli ka iliejnits'i niwa jisieti t'aka'.

Juan 17:5

'Nakayi, 'ni Inia', ti jayapi'lia, wenk'i'm siunie ijwiye, ijwiye iyopi ti je ataj'lajap, ti 'nelanjie'e je wakaljli'ijyi 'ni ajnat.

Juan 8:58

Jesús isiujlie'ne pet ti iyo'ate: —Ijiate, ijiatk'i siunie awo, ti ya'am pajk'i ta'a ti sipo', ti siupi Abraham lajlik'ijipa.

Colosenses 1:17

Sijwajieti ti 'nelanjie'e ti lajlik'iji puwa niwaka wask'i'nelaja, ta'a jla'am ti po', 'yina jla'am 'neje ti isie'e niwaka wask'i'nelaja ka inlesank'i.

Hebreos 13:8

Sijwajieti Jesús paka siupa ti pajt'ik'ipe, siu'neje ti 'nakayi, siu'neje ti jajnok'i'ni.

Apocalipsis 1:11

ti iyonk'i 'ate: —'Ete'e siuniwa ji'we'en, 'yina e'ne pa imp'esinikie. Sek jane'yi ka jloyeyinie'e siunapo Sinia' jilis yiyits'i siuniwa ji'wetis ijwienjli sikio' itij'we times tom'niji yiji janaka ajnat Asia: Sinia' jilis yiji jana Éfeso, siunapo yiji jana Esmirna, siu'neje jana Pérgamo, siojona Tiatira, siojona Sardis, siu'neje jana Filadelfia, janaka 'neje jla'am siojona Laodicea.

Apocalipsis 2:8

Iyonat'iyi'iji 'ate: —Lesane kiu'ujwe siu'nie ti jajloyi pet siunie jijliujwanik siunapo Sinia' jilis yiji jana isi' Esmirna: “Ni siunie inia'an siu'neje ni jlaj, siunie ti 'yalpe sekyi'i ti yikiajlayi'i ti 'wasa'n, ji'lij jla'am siu'nie,