Hechos 9:6 - Sinia' Jlamtis 1994

⁶ Neppijia'm, maj jojwa'm jana isi'. Sek ja a'yi ka tijwelajamna'a siunie jawoyi.

Hechos 9:6 ပူးပေါင်းရင်းမြစ်များ

Mateo 19:30

Awo'ate, ja 'lojwa siunapo iniant'i'nijpe ja 'wanjliyek'i isia'm. Ja 'lojwa 'neje siunapo 'wanjlik'i isia'm, ti janan'ni.

Lucas 3:10

Sekyi'i papo i'nio' i'yasisin'ne pa Juan ti iyo'ate: —¿Tepat'e janiwonaja?

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 10:32

'Yen papo ka ajlok'i ja Simón, siojo tiwonaja'ni 'neje 'ate Pedro, yi' Jópeje. Yi 'wet'e ja jlejwa jla'am Simón, siojo 'nejes jiwo, ji'wet yi' kiuts'i ni i'niat lajlik'i.”

Hechos 10:6

Yi 'wet'e ja jlejwa jla'am Simón, 'nejes jiwo, ji'wet yi' kiuts'i ni i'niat lajlik'i.

Hechos 2:37

Siupapo nojweje, ti ipi'yayeyis ti kia'iyo, je jlase' pi iyo ti iyo jijliak'aliye. Ijioyisi'ne ja Pedro, siu'neje japo injlojwajnas, ti i'yase'n ti iyo'ate: —I'lijwas, ¿tepat'e ka iniwonataja?

Hechos 22:10

Sekyi'i ti a'yasaja'n ti awo'ate, “¿Ten siupa jayo, 'Yaka'niona?” 'Yina isiulk'im'ne ti iyo'ate, “Neppijia'm, maj, jo Damáscojo. Sek ja ajyi ka tijwelaja'amna'a siupa janiwone.”

Hechos 26:16

Je'é, kasit, lapakawo ti awojonk'iye ka kiak iyo'na, ka iyo ikawoye'a'm, ti jajwele napo i'nio' siunie iyo na ji'we'en, siu'neje niwa kapajatana'a ka yikialta'ana'aja ka ini'wenki'nam'ni.

Hechos 9:5

Saulo isiujlie ti iyo'ate: —'Ni 'yaka anechiyas, ¿te'na'm? Iyo'ate siupa ina'lap ti isiujlie pet: —Ya'am Jesúsk'i'm, ti jiniajmen'ni ijyik'i ti jiwo atajiejwayek'i'm.

Romanos 10:20

Sekyi'i pa Isaías ji'lij je jnechi pijia'm ti iyo'ate: “Siunapo ti je siwojyi'n, napokaye'eje jla'am ti si'wenis, iyo ni Saka'niona. 'Yina jlampet siunapo ti je ti'yasank'i, napokaye'eje pet ti anikajanitia'm.”

Romanos 10:3

Jlam'ne nakata jla'am ni Sinia' ti ilisajne'n napo i'nio', 'yina ti Israel jika kia'lis je 'yijene paka wonisi naka, sekyi'i ijwilayis ka niwakaye ka 'esieyisi siuniwa iyoyi, jak je iyoyiji ka iwoyisi ka ininekiaj'lisi ni Sinia' ti nakaye ti ja 'esieyisi.

Romanos 5:20

Ti yiyemet pet kiak Moisés jika'neyasajnaye, sekyi'i ti kat'ajayi pet ni siunie je 'es ti yajme'n, sekyi'i Sinia' ijiatayi pet ti 'yakajanit ni jikap'ijliuskiye iyoyi.

Romanos 7:9

Po' jakia jloma je ts'ajanjli'ijyi paka iyone niwak inamtis, i'wiesankiye pope. Siuti yimet niwaka inamtis, sekyi'i siunie inke' jijweye poye'eje pet,

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

Santiago 4:6

Ijiate siunie Sinia' iwints'e'm ti kasp'elisijne'n 'yaka'm ape'e naka. Iyo jlam niwa jlamtis ti iyo'ate, “Sinia' teje'yi ilia'm siunapo i'nio' initoniti'n, jlampet siunapo ti je initoniti'n napok wuj ti ip'ilisi'n pet”.