Hechos 9:41 - Sinia' Jlamtis 1994

⁴¹ Pedro isim'ne kio'yi japa i'nioki, sekyi'i ti 'yakasitienat'ipi. Sekyi'i jiwekie'ejat'ipi ti i'yase papo Sinia' jilis, siu'neje papo ask'ilieki, i'winkina papo ti 'wasa'n jlaja Dorcas.

Hechos 9:41 ပူးပေါင်းရင်းမြစ်များ

Marcos 1:31

'Yina yam'ne ti ijioyi siupa yi'i, yiyi ti isimajampe jikio'yi ti inijien pijia'm, tiwet'ianaja ka jlomas 'nak nojwaja'm puwa ka inejyi ti netiana siupi iyo'ni ti kio'yok'i. Jla'm iyonayi'ni 'ate ti jlak iwijna'm papo ti ijioyi ti iniye pijia'm japaka.

Lucas 7:12

Ti majleyet'iyipi jlaja isi', i'winat'iyispe ilia'm papo i'nio' ti yamisi siupa i'nio masa, ti k'iejli yamistaja a'noyi ti jantejesk'iye. Pakajampe pa jlas ijwienjli siojopa asejnia ti ask'ilieki. 'Yina 'loj papo i'nio' sek ji'wet'e yamisk'i ti yapisi.

Lucas 7:15

Yiyet'ijyimpe pak jwemik, tamtiye. Sekyi'i Jesús yikiajli'ne japa jlet.

Hechos 20:12

Ti 'wasa'n ja jwemik, kiaka'ne ti it'imina ti je jlase' ki iyo japo i'nio' ti inkase'n.

Hechos 3:7

Pedro yiyik'i wekie'e ti kia'iyo, isimat'ipi kio'yi ti itiujmat jijweye, inijienat'ipi pijia'm. 'Yina je paj wata'a ti t'oniet'ik'i puwa jisietis, jisiet ji'wo'l kia'iyojliyi.

Hechos 6:1

Japak jloma jlampa 'lojwat'ipi papo i'nio' iyoyi pa inamtik. Siupapo tijnats'i pet pa Griego 'lij ti iyo, sek jantaj'le ti iyoyeyi siupi iyo ti iwit'ianayi pa jikijmaye iyone siupapo tijnats'i pet pa Arameo 'lij. Iyoyet'iyispe 'ate: —Je 'esiji siu'napo i'yena ni inak, je ijiate ka 'yenis ilia'm napo ask'ilieki tal pet siwa'm.

Hechos 9:13

Ananías ipi'ya ti kia'iyo, iyo'ne 'ate: —'Yaka'niona, 'loj japo i'nio' ape'ya ti jitiej ijiutisie pak i'nio', jla'yi siunie iyo ti wuj ti je 'es, iyone napo aka kia'lis ti isis ti yiji jana Jerusalén.

Hechos 9:32

Japaka siojopa jloma ti Pedro t'iskiujni'n, ijioyits'i japo ijia Sinia' jilis, ijioyet'iyipi papo Sinia' jilis yi'i jlaja isi' Lida.

1 Timoteo 5:3

'Esiji ka noyeje siunapo ask'ilieki, siunapo ti lajk'iyipa ka inoyeje.

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.