Hechos 9:4 - Sinia' Jlamtis 1994

⁴ Saulo iniuyet'ijyimpe ti taj'l ape'e pa jiliajwa, ipi'yayi'ni siupa ina'lap tom poliyi, ti iyo'ate: —Saulo, Saulo, ¿yot'iyi'ni ti jiniajme'n ijyik'i ti salas kawo atajiejwayek'i'm?

Hechos 9:4 ပူးပေါင်းရင်းမြစ်များ

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Lucas 10:41

Jesús isiujlie ti iyo'ate: —Marta, Marta, wuj ti jiwo ajlak'aliye siuniwa wask'i'nelaja.

Juan 18:6

Jesús ti iyoye 'ate, “Ya'am”, jiwe ijliasatayik'iji'n japo i'nio', sekyi'i ti yamak'i isia'm.

Juan 20:16

Jesús tamti ti iyone'ate jlaja María: —¡María! María i'yejnen'ne ti ipi'yaye, iyo'ne 'ate: —¡Rabuni! (Hebréojos ji'lij ti iyo'ate, 'Yaka'neyasajnawo.)

Juan 21:15

Ti itimayisi ti ti'yekiujni'n, Jesús i'yase'n Simón Pedro ti iyo'ate: —Simón, Juan jlas, ¿mi ijiatt'iyi ti jika'm ape'e napo a'lejwas ti semi'n? Pedro isiujlie ti iyo'ate: —Ji'yu, 'najane ti emi'n. Jesús iyone'ne 'ate: —Ijiatp'ane, kojniejnenna'a niwa iliajwas 'wolepo' lis.

Hechos 5:10

Ijiatjliyi je pajtaja Safira iniuyet'iyijimpe kiajwe ja Pedro, jiliaye iyoye'eje 'ate pa jik'iemjla masa ti 'ya'al. Siupapo jwemik ti 'yuyet'ispe 'wuk kiajwe, sekyi'i i'winis'ne japa i'nioki masa ti sek iniuyi'iji'n, yamat'i'nijne ti itijisk'iye, yinisiap pa jik'iemjla masa t'o'.

Hechos 9:5

Saulo isiujlie ti iyo'ate: —'Ni 'yaka anechiyas, ¿te'na'm? Iyo'ate siupa ina'lap ti isiujlie pet: —Ya'am Jesúsk'i'm, ti jiniajmen'ni ijyik'i ti jiwo atajiejwayek'i'm.

Romanos 11:22

Ijiate a'wena ti wuj ti takap'ijliuski, jla'yi ti a'tiek'i siunie iyoyi. 'Yina 'nesieyi siunie jikap'ijliuskiye iyoyi ti yi'nase'm, jlampet siunapo ti yamk'i isia'm ti t'opits'i isia'm, nak a'tiek'i pet siunie iyone. 'Yina awo'ate, ja ke paja ka atajli ni siunie jikap'ijliuski iyo, 'lojwinie'e ka inlana ilia'm siojona a'la' ti ijiate ti olivok jana jitisiuk.

1 Corintios 12:12

Siuti sa'am ti i'niolts'e'm, ijwienjli ni ts'ajwes, ijiate ti poyeta siuniwa sijwa'al 'neje, 'yina 'wena je taj'le. 'Yina Sijwajieti kia'iyo 'neje pet, siunapo jika kia'lis.

1 Corintios 4:7

¿Ent'a jijwel ka 'a'n ape'e napo a'lejwas? ¿Ten siupa yi'a siupa ti je tajle pa Sinia'? Jlam'ne jla'am ni Sinia' ti iwi'na'm wikie'eyi niwa wask'i'nelaja, 'yina ¿yot'iyi'ni ti jinijnoniti jlam'ne a'wajiet?

Efesios 5:30

Lapakawo ti napoka ti t'ajwes, 'yina ti sa'am nak atajlaja pit.