Hechos 9:39 - Sinia' Jlamtis 1994

³⁹ Sekyi'i ja Pedro yamk'i'ne siupapo i'nio' name. 'Nesat'i'nijpe tokieyiji siojopa 'wuk tomi pijia'm, yi'i jlaja i'nioki masa, jlam'ne papo ijia asejnia ti ask'ilieki nojwisiji ti yapits'i ape'e. Iyoyet'iyispe 'ate: —Lotakijnies siu'niwa ilisane'nijpe jakia i'nioki masa, ti 'wasanjli kiu.

Hechos 9:39 ပူးပေါင်းရင်းမြစ်များ

Mateo 17:17

Jesús ipi'ya wek ti kia'iyo, sekyi'i ti kia'iyoyeyi: —¡I'nio' jiniliaja, ti laj jitienkiujnieyeja'! ¿Tepat'e ja nojwaja'm puwa jlomas ti jayi'asap? ¿Tepat'e ja nojwaja'm puwa jlomas ti janilayit'iase? ¡Namayi'ne pa jwemik!

Mateo 26:11

Napoka siunapo p'ijliusis jlajma kiak jawo ti jane'ni aska kiowe'e. Jlampet ti ya'am je itioyeyi'i its'ioye ti a'yasap.

Marcos 14:8

Siujlie'e asejnia iyo siunie ti 'yakajli siunie iyo kawo. 'Yilini ta'a ijyik'i siunie jini inkajk'i, lapakawo ti iyo ta'a ka wakajla siu'nie 'yajwes ka titijikta k'iye ka inetiejenie'e ka kiak iyo.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 12:8

Siunapo p'ijliusis jlam kiak janwo ja ke intal aska kiowe'e, jlampet ti ya'am ja ke yikiajle'e ka yi' aska kiowe'e.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Hechos 1:13

Ti yiyisiet'iyipi jlaja isi', yamitat'iyisipi siupi yiyits'i'ni siojopa 'wuk toj pijia'm. Pedrojimpe, jla'yi ja Juan, siu'neje pa Santiago, jla'yi ja Andrés, siu'neje ja Felipe, siu'neje ja Tomás, jla'yi ja Bartolomé, siu'neje ja Mateo, siu'neje ja Alfeo jlas jle' iyo'ate Santiago, siu'neje ja Simón tajla'm pet papo celote, siu'neje ja Santiago 'neje jlas siupi jle' iyo'ate Judas.

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

Hechos 6:1

Japak jloma jlampa 'lojwat'ipi papo i'nio' iyoyi pa inamtik. Siupapo tijnats'i pet pa Griego 'lij ti iyo, sek jantaj'le ti iyoyeyi siupi iyo ti iwit'ianayi pa jikijmaye iyone siupapo tijnats'i pet pa Arameo 'lij. Iyoyet'iyispe 'ate: —Je 'esiji siu'napo i'yena ni inak, je ijiate ka 'yenis ilia'm napo ask'ilieki tal pet siwa'm.

Hechos 9:41

Pedro isim'ne kio'yi japa i'nioki, sekyi'i ti 'yakasitienat'ipi. Sekyi'i jiwekie'ejat'ipi ti i'yase papo Sinia' jilis, siu'neje papo ask'ilieki, i'winkina papo ti 'wasa'n jlaja Dorcas.

2 Corintios 8:12

Jak je iyoyiji siuti ijiatk'i siunie jiwoyeyi siojopa jak'ieye japa jlenayi ti jlekiajle pa Sinia', 'yina janaka pet siojona i'wine'ni ilia'm. Ja ke in'yaseje'n siojona je 'we'en.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 4:13

I'lijwas, jlampet siukiapo pajk'i ti 'yajle'n, awoktajank'iye ka 'najanayi pet paka wonayi, 'nakayi ti astankiujnieyi ja ke inlanayi, ka woye 'ate siunapo ijia lajk'iyi paka iwo ka nejejwijyink'iye pet.

1 Timoteo 5:3

'Esiji ka noyeje siunapo ask'ilieki, siunapo ti lajk'iyipa ka inoyeje.

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.