Hechos 9:2 - Sinia' Jlamtis 1994

² ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.

Hechos 9:2 ပူးပေါင်းရင်းမြစ်များ

Mateo 10:17

Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Hechos 18:25

Jlam pajk'i ta'a ti ini'neyasane ni inamtik, ats'ilkaja ti yameje'n niwa Sinia' jlamtis, ti ijwi'il pa Jesús. Ejlo'o wekie'e ti pakata pi iyot'iyipi pa Juan ti iniejiejne'n papo ti 'yijene pi iyone, 'yina 'es ti taka'neyasa'n.

Hechos 19:23

Wujwe pi iyo papo Éfeso jlele ti initajlatisi siunie 'Nayi Ink'ie'.

Hechos 19:9

Po' siupapo t'ojnine, 'wenajliyi ti 'yakakiuyis, ti ijwilis ka je 'esie siunie 'Nayi Ink'ie' siunie Pablo yamk'i, ti yine jitieyi'i papo i'nio' ti ijwi'il. Pablo tajla'ne, tane'ni siupapo Sinia' jilis, ti ijioyiji japa inka'neyasajnaye 'wet, i'nio' siupa jle' iyo'ate Tiranno jika'neyasajnaye 'wet. Sek yiniji'ni wikie'eyi puwa jlomas ti sek ininenisi'i'ni ti takamtijniejne'n.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 24:22

Félix ti 'yijenayiji pi iyone siukia 'NAYI INK'IE' ti ipi'yaye ja Pablo, ti 'loj napo i'nio' yamk'i, jla'yi ti je takakiunisi, sekyi'i iyo'ne 'ate: —'Nak jaliki'i kiu' wekie'e, jla'm ijiate ka 'nestana'a ja tokis jika anechiyas Lisias, siupa janwoyi. Sek jane'yi ka ts'esieyiji'nejna'a pet siunie jiwoyeyi.

Hechos 26:10

Naka siunie awoyipi ti a' Jerusalenne. Siojopo pa'yijis jika anechiyasas siojopo jlamt'iyijpe, japok atajlijipi ki ip'isinik ti isio' jlele ti 'ajla its'ioye ti 'otiek'i a'laja'm japo Sinia' jilispe. Jak je iyoyiji'ni ti a'wenata ti tilianaja'n, awoyepe 'ate, “'Esiji naka.”

Hechos 26:12

“Nak it'iminape ti ajoyeja'm siujlieja isi' jle' iyo'ate Damasco, ka lajak'ipe japo pa'yijis jika anechiyasas ti iyo i'niayija' ti awoyeyi ka yik'i'ni japo Sinia' jilispe.

Hechos 6:9

Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Hechos 7:19

Paka siupa anechiyas ti wuj ti iliaki papo sitiselt'ipi ti isie'yik'i; sekyi'i wuj ti 'yijijie'nik'i papo sitise'l ka leyi'ni papo jilis sajmela'aja'n, ti iyo ka netiajnat.

Hechos 9:14

'Nakp'an pa yiye'e, lapakawo ti pa'yijis jika anechiyasas 'yajlinit k'iye, jla'yi ti tijliukie kanki'mek'i wikie'eyi siunapo inwunit, ka tikinieje'ni Jerusalenne.

Hechos 9:21

Jlam jnots'inijits'i'ni siupapo ipi'ya, iyoyisie t'ipi 'ate: —¿Ma 'wena 'na tijwela'nijpe, yamk'i'ni japo i'nio' Sinia' jilis yi'i jlaja Jerusalén, iyo ni inamtik? 'Wena ja ke iwonts'e ti 'nes'ne, ti ja kassekiajle napo pa'yijis jika anechiyasas.

2 Corintios 11:32

Siuti ayepe Damáscojo, siojo anechiyas iniuyeje'nijpe jak anechiyas Aretas, jika tokis itijwits'i siojowa 'najia jlajak isi' ti inijijwiyisi'n its'ioye, iyotaja ka ts'otis a'laja'm.

Gálatas 1:17

Ka jakayeyi ka ijio Jerusalenne ka ts'iuyi siojopo inia'an ti injlojwajnas, ya'am ti je awojli'ijyi injlojwanikie'. 'Wenajliyi siukia awoyi jla'm awonayi'ni 'ate ti ajo 'niji Arábiaja, sekyi'i ti apilie'eje 'niji Damáscojo.