Hechos 9:10 - Sinia' Jlamtis 1994

¹⁰ Pope ja i'nio' jle' iyo'ate Ananías yi'i jlajak isi', Sinia' jlas. Jaka'ne siojo Saka'niona ini'wenkijna'm ti iyo'ate: —¡Ananías! Isiujlie ti iyo'ate: —A 'neye, 'Yaka'niona.

Hechos 9:10 ပူးပေါင်းရင်းမြစ်များ

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 11:5

—Ti a 'niji yi'i jlaja ajnat Jope, awo 'yejlayeja', sek a'yi'ne ti po' kia si'wenkinaja. Siunie a'we'en iyo'ate ni lotakinie ti isaja, ti tits'ijwana'ak'i niwa jik'iote ijniujlits'i, ti na'm ajnat'e, paj ti yiyeyi siojo a'yi.

Hechos 12:9

Pedro t'asayik'i'ni pa injlojwanik poli jlele ti iniuyek'i kisie'e. Ka kia'iwo ka jlosikie pa ka ijiatak'i ni'ne ka jeye siupa injlojwanik poli jlele iyoyi, 'wenajliyi ti ijwilta ka ijwejlikie jiwekie'e.

Hechos 16:10

Ti kasts'ajanayi ki iyo ki Pablo jijwejlik, jlam awokiek'i'ni 'ate ti aniwakajlanitie ti jajiok Macedóniaja, lapakawo ti jlam je awoki ti kassetia'n pa Sinia' ka iyok samtikie' ka ijwila niwa jlamtis ti isis.

Hechos 16:9

Ti ajnaja Pablo jijwejlik poye, i'wi'in pa Macedonia jlele ti takasiti'n ape'e ti iyone'ate, ti inip'elisini ti ijialas'ni: —Ká akamna'a sitipe'e ti awak Macedóniaja, noyijts'e'm wata'a.

Hechos 18:9

Yi'i pa ajnaj Pablo Sinia' ini'wenkijna'm ti iyone'ate: —'Otale t'onit, katate ti jiwo amtikie', ká ak'iu'wate.

Hechos 2:17

“Siunie jawo, siuniwa jlomas jantome jlaja, iyo pi Sinia', jasia'yi ape'e wikie'eyi napo i'nio' jana isimet ti 'es. Siunapo asles ayijnies, asles asejnia, siunie janamtiyisi ya'm ti jantalk'i. Siunapo aska jwemik japoye siunie ja ti'wenkinaja'm ti janeyis jitieyija'm. Jijwejlikis ja tiwenaja'm pet napo kijilas.

Hechos 22:12

“Sekyiye'epe siojo i'nio' jle' iyo'ate Ananías yi'i jlajak isi', ijiate jla'am ti iyoyi ki inamtik, jla'yi ti 'yotat ki Moisés jika'neyasajnaye. Wikie'eyi siojopo Judíojos yiji jlaja Damasco ijiunitis ti 'es.

Hechos 9:12

Po' siunie ti'wenkinaja, i'nio' pa Ananías ijioyi, sekyi'i jikio' yi'n ape'e. Yikiajlayi'iji ti i'wijne'n, iyo ni ti'wenkinaja.

Hechos 9:9

Jika jlomas najape puwa yiji ti je i'wijne'n, jla'yi ti je ti'yekiu'n, jla'yi ti je i'ya i'niati.

2 Corintios 11:32

Siuti ayepe Damáscojo, siojo anechiyas iniuyeje'nijpe jak anechiyas Aretas, jika tokis itijwits'i siojowa 'najia jlajak isi' ti inijijwiyisi'n its'ioye, iyotaja ka ts'otis a'laja'm.

Gálatas 1:17

Ka jakayeyi ka ijio Jerusalenne ka ts'iuyi siojopo inia'an ti injlojwajnas, ya'am ti je awojli'ijyi injlojwanikie'. 'Wenajliyi siukia awoyi jla'm awonayi'ni 'ate ti ajo 'niji Arábiaja, sekyi'i ti apilie'eje 'niji Damáscojo.