Hechos 8:5 - Sinia' Jlamtis 1994

⁵ Ijwienjli'ne siojo jle' iyo'ate Felipe jak tijna 'niji yi'i jlaja Samaria, isi' siujlieja jlamt'iyijpe, ti iyoyi jika'niyeja' siupa Injwajieti Sinia' jijliujwanik, paka Sijwajieti.

Hechos 8:5 ပူးပေါင်းရင်းမြစ်များ

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 21:8

Jloma kiecha ti akinieja'ni ti ajok Cesaréaja. Ajok ji'wete ja Felipe ti inka'niye ti 'es jiwo, tajla'm siojopo ijwienjli sikio' itij'we times tom'niji iniuyeje'ni japo injlojwajnas, jak awakiap'ne.

Hechos 5:42

Jlomask'i ti ijioyisi japa Sinia' ji'wuk ti taka'neyasajne'n, jla'yi ti ijioyits'i puwa ji'wuki'l papo i'nio', ti iyo ka'niyeja' pa Jesús ti jla'am ti Injwajietiwo ti Sinia' jijliujwanik.

Hechos 6:5

'Yina inikiul'ne papo i'nio'. I'nio' pa jle' iyo 'ate Esteban pak isimits'i, i'nio' ti 'es, ti yame pa inamtik ti iyo, jla'yi ti Sinia' jikimet ti 'es tipoyiji. Siojopo jla'yis jleyis iyo'ate Felipe, Prócoro, Nicanor, Timón, Parmenas, siu'neje ja Nicolás Antioquía jlele siojo ti pajk'i ti iniwojwa'n Judíoja'.

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

Hechos 8:26

Jlampa yamat'ipi 'niji paka, Saka'niona jijliujwanik poli jlele iyona 'ate ja Felipe: —Kasit, majna'a, tanie'e 'nijiye iniwuki, sekjane'yi ka noyek'ina'a siunie 'nayi tal Jerusalenne, ti ijio pet Gázaja, 'nayi ti iniu 'nijiye ajnat laj i'nioye'e.

Hechos 8:30

Felipe jla'm iyoni'ni 'ate ti ya'am. 'Yina yi' k'iye i'wi'in pa i'nio' ti yamtijie'n siupa injwejlanik jiwo Isaías ilisant'iyijpe, i'yasen'ne ti iyo'ate: —¿'Najane siupa ijwi'il siunie jlamtijie'n?

Hechos 8:40

Felipe yiyet'iyi'iji siojopa ajnat jle' iyo'ate Azoto. Itijwits'i puwa isi'il jilis ti ijioyits'i ti iyo jlamtikie', ti ijwil puwa Sinia' jlamtis, paj ti yiyet'iyisipi jlaja ajnat Cesarea.

Hechos 8:6

'Loj papo i'nio' nojweje, 'yina its'iuyisie siupa iyo siupa ijwi'il, i'winis siupuwa iyo puwa i'winki'n.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

1 Corintios 2:2

Siuti a' aska kiowe'e, je k'iejliyi paka ijiatayiji paka 'ye'en, najatape jla'am ni siunie ti Sijwajieti Jesús ti tik'iejwata'a pijia'm japa cruz.

1 Corintios 3:11

'Yina ja lajak'ipa ka injwe'el ka ine'n ape'e siunie ti pajk'i ti wakal, siunie ti to'm isiamk'iye, naka ni Sijwajieti Jesús.