Hechos 8:29 - Sinia' Jlamtis 1994

²⁹ Sinia' jikimet iyone'ne 'ate: —Maj ka esitk'iye siojona kaleta.

Hechos 8:29 ပူးပေါင်းရင်းမြစ်များ

Hechos 10:19

Jlam'ne je ilitieje'eje ja Pedro ti jitiej yini'ni 'ate siupa iyo pa i'wi'in, Sinia' jikimet takajwejlanat'ijiampe ti iyo'ate: —'Yejne'n, najape napo i'nio' iwojyin'ni.

Hechos 11:12

Sinia' jikimet takajwejlank'i'm ti iyo'ate, “Pedro, ke int'o'nina'a k'iye siunapo i'nio' na'ma. Majk'ina'a.” “Ijiatjliyi akk'i'ne, ijwienjli sikio' itij'we ijwienjli tom'niji japo si'lijwas 'yunin'n ijyik'i sek ji'wet'e. Ayi ja ji'wet siojo i'nio' takajlunk'i, “'Oyeyi”.

Hechos 21:11

Ijiots'e yi'i siojo awak'i, isimayi ja Pablo jika'wak ti inits'ejwane jikioye, jisietis, itij'we ti inits'ejwa'n jla'am, sekyi'i iyo'ne 'ate: —Siojona Sinia' jikimet ti 'es iyo'ate ti ijwi'l, siunie jika'wak ni aki'meje, ti kiak ja tiwonaja siuka aniwoniji'ijyi ka netiena'a Jerusalenne. Siunapo Judíojos janekiajle napo i'nio' 'wenayi.

Hechos 28:25

'Yina ti je ijniul wita'm, jlampa iniuyeyis kisie'e. Pablo iyo'ne 'ate: —Ijiatp'anejepe ti jlam je iyo siojopa Sinia' jikimet ti 'es ti iyo'ate, siupuwa jlamtis ti Sinia' jijwejlanik jiwo Isaías ti ijwilt'ijiampe pet papo astese'l, ti iyo'ate:

Hechos 8:26

Jlampa yamat'ipi 'niji paka, Saka'niona jijliujwanik poli jlele iyona 'ate ja Felipe: —Kasit, majna'a, tanie'e 'nijiye iniwuki, sekjane'yi ka noyek'ina'a siunie 'nayi tal Jerusalenne, ti ijio pet Gázaja, 'nayi ti iniu 'nijiye ajnat laj i'nioye'e.

Hechos 8:28

Jika kaleta japa yiji ti yapi, yamtijien'ni pa namk'i'ni siupuwa inamtis yi'i pa imp'esinik, Sinia' jijwejlanik jiwo Isaías 'yit'jini'ipe.

Hechos 8:30

Felipe jla'm iyoni'ni 'ate ti ya'am. 'Yina yi' k'iye i'wi'in pa i'nio' ti yamtijie'n siupa injwejlanik jiwo Isaías ilisant'iyijpe, i'yasen'ne ti iyo'ate: —¿'Najane siupa ijwi'il siunie jlamtijie'n?

Hechos 8:39

'Yina ti tajlat'iyisiampe pa i'niat, Sinia' jikimet yame'ne ja Felipe. Sekyi'i pakatajayijk'i ti i'wi'in siupa Etiopía jlele. Yama jla'am siupa Etiopía jlele siupa tejejyi, wuj ti inkaj'ni.

1 Corintios 12:11

'Yina wikie'eyi niwaka, ti je ijwienjli paka k'iejliyeyi paka jikijmaye kanwone, jlam'ne ijwienjli jla'am siojona Sinia' jikimet ti tajle, ti iwijna'm pi iyo ka iwejna'm.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.

Hebreos 3:7

Jak je iyoyiji ka je iwoyi 'ate siojona Sinia' jikimet ti 'es ti yi'i niwa inamtis t'ipi: “Ka pe'yayeyi 'nakayi pa Sinia' siupa jawo,