Hechos 7:8 - Sinia' Jlamtis 1994

⁸ “Sinia' ijliuye'ne pa Abraham ka woyi siupa ti k'iejli yiyetaja'n pa kia'le, ka t'isie'n jlase' tejwak'i, kajeyepa ti wakal siupa iyo ti inipe'yayis. Abraham iyoyi'ni pa Sinia' iyone, it'imina ti kiak iyone pa jlas Isaac ti k'iejli yiyeje'n ti ijwien sikio' itij'we najape tom'niji puwa jlomas. Siupa jlas pet Jacob kiak iyojliyi, kiak iyone Jacob siupapo jilis itijwa'm niwa sikioye times tom'niji, siupapo sitise'l t'ipi pet, 'wena je iyone.

Hechos 7:8 ပူးပေါင်းရင်းမြစ်များ

Mateo 1:2

pa Abraham paka Isaac jinia' t'ipi pet, 'yina Isaac paka pa Jacob jinia' t'ipi pet, sekyi'i Jacob paka pet pa Judá jinia' siu'neje papo ji'niayi ijwienjliyik'i ti jiniayis pa Jacob.

Juan 7:22

'Yejne'n siu'nie jayoyi, siupa Moisés t'ipi ijiate ti 'yijie'na'm ka woyeyi siunie ti jiwa tejwak'i pa, (jlam'ne ki iyo ti je jla'am ka intajle, 'wenajlit'iyijpe jla'am ti papok tajle siupapo aska kijilas t'ipi jike' iyont'iyisijpe). 'Wanjliyi ka janakaye siojona jloma ti i'nio 'wanjlijyi'n, je woyejliyi ti jlenayiji ti kiak jiwonayi napo kia'lis ti t'isie'n jiwa jlewajak'i.

Hechos 2:29

'Napo i'lijwas, ijiatk'i siunie jayo ti jajwi'il pa sitis t'ipi David, jla'am je k'iejets'i'ni ti 'ya'al. Jleli yik'i 'na siu'nie awak'i.

Romanos 4:10

Siuti Sinia' kiak iyonayiji pa Abraham, ¿pakat'iyijpe ti kiak tiwonajayi ti t'isie'n jiwa tejwak'i, ni'ne ka pakayeyi ti je kiak tiwonajliyi'ijyi? Ijiate pakayi ti je yijliyi'ijyi siupa tiwonaja. 'Yina Sinia' iniajnat pa Abraham ti ilisajne'n.

Gálatas 3:15

I'lijwas, siunie jayoyi ti jayamti, jayijnape'ni wek siunie awoki ti i'niolts'e'm: Siuti po' ni iyo'ate, “Kiak awo ka yoyi”, sekyi'i jle' yinajap pi iyo pi jip'esinik ti ilisane. 'Yina yi'i ti yi'i, lajk'ipa ka wo ka inkajyi'n ka netiajnat, jla'yi ti lajk'ipa ka inene ape'e paka ink'ieye ka jlamtisie'.

Gálatas 3:17

Siunie ajwel'ni sek ijio'weyi, ti Sinia' yikiajle pi ji'lij ti jlam pak je iyone wek ilisaniji, sekatajak'i kajeyepa ti 'yakajk'i. 'Yina sektaj'leyi paj ti cuatrocientos tréintaja (430) kiwa najkapis kiwa tijwajyi jiwekie'eja t'ipi ti po' ki Moisés jika'neyasajnaye, 'yina kapakayet'iyijpe ka into'm ape'e ka inetiajnat siunie Sinia' iyont'iyijipi pa Abraham ti ijwijla'm, ka 'nakayeyi pet ka 'wina ka laja lajaye.

Hebreos 7:4

Ataj kiam kiu' enayi 'ateje paka Melquisedec t'ipi ti ijiate ti i'nioyi, 'yakajlitieje pet paka siupa ti ijiate pet ti sitise Abraham, 'yina iwijna'm pa Melquisedec siojopa itijwa'm niwa sikioye ti tajlaja'm siojopa 'yakajli ti inila'an ti iyo ji'wajieta'.