Hechos 6:9 - Sinia' Jlamtis 1994

⁹ Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Hechos 6:9 ပူးပေါင်းရင်းမြစ်များ

Mateo 10:17

Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi.

Mateo 23:34

Kiaka'ne siukia ti jant'emina ti jajliu'wase napok injwejlanawosa', siu'neje napok siunapo i'nio' ti 'yijejne'n, siu'neje napo inka'neyasajnawosa'. Napoka'ne siunapo ti jalanajyi'n, ijia napo ja k'iejwata'yi jana cruz, ijia napo ja k'ajajyi'n ka inetie kiajwe niwa 'najla'wetis ti askimita. Ja jotieyi'ni niwa isi'il ti ja ataye'yi ilia'm.

Mateo 27:32

Jlampa yama'ni ti yamisk'i, 'nayiji sek isiutieyisi'i ni i'nio', siojo jle' iyo'ate Simón, Cirene jlele. Jaka'ne ti its'iuyeje ti itijlia jlajak Jesús jika cruz, kajeyepa ti tijliukieje.

Marcos 13:9

“'Yina siunie jiwoyeyi asa'am ti jijnieye pet ijyik'i, kajeyepa ti siunie ja tiwona'ase, ja inekiajlayi napo ijnosikis jiwos, ja inenajayits'i niwa 'najla'wetis ti ja inajakiejyi'n, siu'neje ti jajnoyeyiji napo anechiyasas wus, siu'neje napo t'as jitieyi'i. Siuti sek ja awaye'yi ja nisiamaye'nina'a ti awoye asamtikie' ti ja sijwela', ti ja enayi jitieyi'i.

Lucas 21:12

“Siuti ja ke inejliyi'ijyi kiu' niwaka siunapo i'nio' janki'mase'm, jantaye aselia'm, ka inekiajliyinie'e napo jlosikis jiwos, ti ja'notiets'i a'laja'm. Ti asa'am ti jlekieyi siunie awo, ja ijnokieyiji napo i'nio' anechiyasas, siu'neje napo anechiyasas wus.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

Hechos 13:45

Siupapo Judíojos ti i'wina papo i'nio' ti 'loj, sekyi'i jiwak yi'ne'ne japo Pablo, kajeyepa ti ijiulsinaja'm papo. Iliakiyis'ne japo Pablo, jla'yi ti tejeyits'i ilia'm siupa ijwi'il.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:41

Iniuyis 'niji yi'i jlaja Siria, ijiuti ape'e jlaja Cilicia, wuj ti iniuyeje japo i'nio' Sinia' jilis.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 18:24

Japaka siojopa jloma ti 'nes Éfesojo siojo Judío jle' iyo'ate Apolos, ji'wet japa Alejandría, i'nio' ti wuj ti 'yijen ji'liji, itiant'ieje puwa Sinia' jlamtis yi'i ni ji'wet.

Hechos 19:10

Paj ti jika najkapis timesie ti kiak iyoyi, jak je iyoyiji siupapo i'nio' siupapo tajle japa ajnat Asia, siu'neje papo Judíojos siu'neje papo je Judíojos, tipechiyeyi puwa Sinia' jlamtis.

Hechos 19:26

Mejla'ala ka je a'wena siunie i'nio' jle' iyo'ate Pablo, jla'yi ti jipe'yaye 'nakayi siunie ijwi'il, siuniwa diosis ti i'nio' lisajna' je ijiat ka diosisayi. It'imina napo i'nio' ti jitienkiujnieye 'wena iyone, kajeyepa ti isimis ilia'm siunie ijwi'il, jla'yi ti je 'yakakiuyis. Je 'najata'a 'naka'a, siu'napo yi'ne Éfesojo, itijwits'i siuniwa isi'il jilis yiji jana Asia.

Hechos 21:27

Jlampa majleyeyi ka nets'i siojokia i'nio 'wanjlijyi'n, 'nesa'nijpe siojopo Judíojos tal Ásiaja, i'wi'in ja Pablo yi'i jlaja 'najla'wet. Ijwisin'ne japo i'nio', sekyi'i t'ekiyejayi ja Pablo, ti isimits'i.

Hechos 21:39

Pablo isiujlie pet ti iyo'ate: —Je ya'am. Ijiatataja jiwekie'e ti yam Judíok'i'm, 'yina je japaka ka tiajle siojopa ajnat jijwel'ni, atajla'm pet jana ajnat Tarso, siojona yiji pet jana Cilicia, janak i'wit. Siojona isi' atajla'm wuj ti jle' po'. ¡Wenk'i'm kiu wata'a ka yamti'yi ape'e napo i'nio'!

Hechos 22:19

“Sekyi'i akiujlie ti awo'ate, “Jla'm ijiattaja ka je 'najanisi paka wonk'i, ti ajoyits'i niwa Judíojos t'ajla'wetis ti awojyin'ni siunapo i'nio' iyoyi ni amtik, ti ajoyi'ni insat jiweje, ti tajaki'n.

Hechos 22:3

—Judíok'i'm, ajyijyi'n jana Tarso, yiji jana Cilicia, sikijliyeje siujlie'e Jerusalén, ti ani'neyasa'n. Gamaliel t'eyasanikk'i'm, atej'weje'n ti ani'neyasane ki iyo ki Moisés jika'neyasajnaye, siupapo sitise'l t'ipi isi'me naka. Wuj ti ajalas ka iyoyi naka siunie iyo pa Sinia', anipejlanit ki iyo ni ijiusik, iyoye'ateye jiwoyeyi siu'nie jloma.

Hechos 26:11

Je ijwienjliyipi ka je 'yak'aja'n ti yi 'najla'wet'e, ti ajalaskintaja ka inleyisi ti iyoyisi siukia 'es ti iyoyisi. Wuj ti se'wajamk'i. Paj ti ayeyi siuniwa ajnatis ijia, siuniwa 'wenayiji, ti akk'i'ni ti a'yikisanits'i, kajeyepa ti se'wajamk'i.

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

1 Corintios 1:20

'Yina, ¿tepi iyo jiat'eje siunie 'yije'en, siu'neje ni inka'neyasajnayewo, siu'neje ni initonit ti ijwi'il ka ijiatayiji ka 'naja'an 'ne ajnat'e? 'Yejne'n, ¡Sinia' initiajnat naka, iyonayiji ni iyone ti je tiwok lajaye ape'e 'ni ajnat!

Gálatas 1:21

Sekyi'i ti ataye'eje 'niji siojowa ajnatis jle' iyo'ate Siria, siu'neje jlaja Cilicia.