Hechos 6:8 - Sinia' Jlamtis 1994

⁸ Esteban jla'am wuj ti Sinia' iniuyeje, jla'yi ti iyo jweyeja', it'imina ti 'yakajli siupa iyo ti i'winki'n siupuwa k'iejliyi ti yisi'lietk'i papo i'nio', siu'neje puwa inia'an k'iye siupuwa ja'nakaj ts'ijiye.

Hechos 6:8 ပူးပေါင်းရင်းမြစ်များ

Juan 4:48

Jesús isiujlie ti iyo'ate: —Siuti je 'wena niwa wask'i'nelaja ka ti'wenkina'ase'm, siu'neje niwa ti inesi'lieta, jikakiunieyi.

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

Hechos 6:15

Wikie'eyi siupapo ijnosikis jiwos, ti i'yenis'ni pa Esteban, i'winis pa jloniye iyo, ti iyo'ate pa injlojwanik poli jlele jloniye.

Hechos 6:3

Jak je iyoyiji'ni, 'napo i'lijwas, 'esiji ka ani'yenanie'e, 'yenayijyi'n papo ijwien sikio' itij'we times tom'niji ka akima'yi, ka jlosikis poye, jwajla'a janwoyits'i'ni, jla'yi ti ja Sinia' jikimet ti 'es jampoyijits'i. Papok ajotkinayijna'a ka jikijmayeja'.

Hechos 6:5

'Yina inikiul'ne papo i'nio'. I'nio' pa jle' iyo 'ate Esteban pak isimits'i, i'nio' ti 'es, ti yame pa inamtik ti iyo, jla'yi ti Sinia' jikimet ti 'es tipoyiji. Siojopo jla'yis jleyis iyo'ate Felipe, Prócoro, Nicanor, Timón, Parmenas, siu'neje ja Nicolás Antioquía jlele siojo ti pajk'i ti iniwojwa'n Judíoja'.

Hechos 7:55

'Yina Esteban Sinia' jikimet ti 'es tipoyiji pet, i'yenat'ipi poliyi, sekyi'i i'wine pa jloniye iyo ti 'es, i'wine pa Jesús ti takasiti'n jijweyeje pa Sinia'.

Hechos 8:6

'Loj papo i'nio' nojweje, 'yina its'iuyisie siupa iyo siupa ijwi'il, i'winis siupuwa iyo puwa i'winki'n.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

1 Timoteo 3:13

Siuti 'es pi jikijmaye ti iyoyi napoka, siunapo ijia Sinia' jilis ijiunitieyisi pet, 'yina ijiatayi pet ti jijweye po' ti iyoyisi jlamtikie' pa Sijwajieti Jesús.