Hechos 6:7 - Sinia' Jlamtis 1994

⁷ Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

Hechos 6:7 ပူးပေါင်းရင်းမြစ်များ

Mateo 19:30

Awo'ate, ja 'lojwa siunapo iniant'i'nijpe ja 'wanjliyek'i isia'm. Ja 'lojwa 'neje siunapo 'wanjlik'i isia'm, ti janan'ni.

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Juan 12:42

'Wanjliyi, siojopo Judíojos je pini' japo its'iuye ti jla'am, kia'iyojliyi japo i'nio' anechiyasas, yameje ti je 'yakakiuyis ja Jesús. 'Yina je iyo'ni ka intanisi'ni ti kia'iyo, lapawo ti je ijwiye japo Fariséojos kajeyepa ka 'nijieyisi sek intajlata'a ka totiek'i kisie'e yi'i jawa 'najla'wetis.

Hechos 12:24

Sinia' jlamtis jlam yamjlijyi'n ape'e pa ajnat, lapakawo ti tikiniejeje'n.

Hechos 13:8

'Yina siupa i'nio' aye'wu, (Griego ji'lij pet ti iyo'ate Elimas), je yine'ate pa anechiyas, tomik'i'ni ti iyotaja ka ijiatayiji ka intankiuni pa Sinia'.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 19:20

Je jlase' pi jijweye puwa Saka'niona jlamtis, jak je iyoyiji itijwaja'n ape'e pi ajnat ti yajme'n ape'e.

Hechos 2:47

Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

Hechos 6:1

Japak jloma jlampa 'lojwat'ipi papo i'nio' iyoyi pa inamtik. Siupapo tijnats'i pet pa Griego 'lij ti iyo, sek jantaj'le ti iyoyeyi siupi iyo ti iwit'ianayi pa jikijmaye iyone siupapo tijnats'i pet pa Arameo 'lij. Iyoyet'iyispe 'ate: —Je 'esiji siu'napo i'yena ni inak, je ijiate ka 'yenis ilia'm napo ask'ilieki tal pet siwa'm.

Romanos 1:5

Siuti ya'am ka lajak'i pet ni iyo ni Sijwajieti Jesús, lapakawo ti jla'am pa Sinia' ti sip'elisi'n, sekyi'i ijniejietk'i'm pet ka iyo Sijwajieti jijliujwanikie', ka ijwile napo i'nio' ka 'yakajanit'i ape'e ni iyo ti jla'am. Ja'nakayeyi ti ja wikie'eyeyi napo i'nio' yi' ape'e 'ni ajnat ja ke inkakiuyis, siu'neje ti jank'iuye siunie jlamtik jawoyi.

Gálatas 1:23

'Najata jla'am ti t'ijieyisk'i ti sijwelis ti iyo'ate, “Siunie i'nio' ti tejepe selia'm kiwak siukiwa jlomas yam'niji, 'nakayi yamtiyeyi pit siu'nie 'es ti iyo'otiejepi ka inetiajnate'n, 'naka intankiujnieye ti 'es.”

Gálatas 6:10

Jak je iyoyiji ti kiak awoyi ti awo'ate, ti akajlaja ti awoki, 'esiji ka iniukieje napo si'lijwas ka winaja'm siunie 'es. Ja kat'ajayipe ti ja 'wina siunapo si'lijwas 'neje ti itienkiuni pi Sijwajieti Jesús ti je 'yakakiuyis.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

Hebreos 11:8

Siupa Abraham ti je 'yakakiu pa Sinia', jak je iyo ka t'onieyi'i pet k'iye ti tanayi, sekyi'i iwise'ni siupa ajnat Sinia' pajk'i ti ijwijla'm ti yikiajle ka ne'yi. Jak je iyoyi siuti yamat'ipi ti janjlase japak ajnat tijwelaja'm, 'yina jlam ya'am jiwekie'e ti je 'yijene paka intajyi.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

Judas 1:20

Siuti asa'am, i'lijwas ti yimijna', 'esiji ka nit'onitieyi pijia'm siunie astankiujnieye ti ijiate jlam ti 'es ti janaka ti 'notatak'i, naka ni siunie ti je kakiuye ni Sinia'. Woye asts'ajlayeja' janaka ti astaj jawomayi Sinia' jikimet ti 'es ti jawe'nase'm ni as'nayija'.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.