Hechos 6:14 - Sinia' Jlamtis 1994

¹⁴ Ape'yakpe ti ijwi'il pa Jesús Nazaret jlele je ijiat ka je inetiajnate'n siujlie'e ji'wuk pa Sinia', jla'yi ti janetiajnat siunie iyo pet ni Moisés jika'neyasajnaye, ti ja ink'ieye siupa janwone.

Hechos 6:14 ပူးပေါင်းရင်းမြစ်များ

Mateo 26:61

japoka'ne japo ti iyo'ate: —Iyope 'ate 'nak i'nio', “Ts'ajane pa awone ka yikial pijia'm siujlie'e Sinia' ji'wuk, siuti janitiajnate'n, jlomas janajapeja ja neyi ka wakajlana'a.”

Marcos 14:58

—Sa'am ti ape'yakpe ti iyo'ate, “Ja initiajnate'n siojona 'najla'wet ti i'nio' jilisanki, 'yina jlomas ja najapeja niwa janejyi ka ijyijlitayijna'aja ka ilisane siojona jikiechaye, 'yina janak i'nio' ja ke jilisankiye'ne.”

Lucas 21:24

Ja poye siunapo sijnatis jitio' ja tikienaja ti ja tilianaja'n, ja poye napo ja tiwoki inkipijnasa', ti ja tikiniejeje siunapo i'nio' yiji jana ajnat 'wenayi. Siunapo i'nio' je Judíojos int'asak'i'nina'a jana Jerusalén, ijiatjliyijna'a ka inetiejenie'e siojona jloma tenaja ka Sinia' inwota 'ate, “¡'Esiji, leyi!””

Lucas 21:6

—'Yejne'n, wikie'eyi siuniwa ji'wena', je tojwa'a siojona jloma siuniwa sisajas ja lajak'i japa ka 'wanjliye ape'e japa jikiechaye. Jano'we ti janetiajne'n.

Juan 2:19

Iyo'ne 'ate ti isiujlie japo: —Siuti janetiajnatajyi'n siujlie'e 'najla'wet, jlomas ja najapeja ka yikiajlana'aja pijia'm.

Juan 4:21

Jesús isiujlie ti iyo'ate: —Jli i'nioki, ke sakakiu siunie jajwi'la'm. Yiyeyi siojona jloma ti ja ke asetiana ka ajoyeyi'ni janak tikijnaki, ka janakaye 'neje wek jana Jerusalén, ka wunitie pi Sinia'.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 21:21

Jla'yi ti pajk'i ti t'ijieyisi ti jit'iyasajne'n papo si'lijwas Judíojos yi'i puwa ajnatis ijia kanleyisi kan'yenis siunie iyo ka tiwoki. Ijwilis ka impe'ya ka awo'ate, “Je 'esiji ka kiak awonayi napo asles ayijnies, ka ewaja'yi ni t'isie'n jlas ni kia'le. Leyeyi siuniwa jiniwonayi.”

Hechos 25:8

Pablo iyo'ne 'ate: —Ya'am laj itisa'. Ka itis poye pa, ti je ata'yi ilia'm ni Moisés jika'neyasajnaye, tiwet'ianaja ka itie 'neje jiwek ilia'm jana 'najla'wet yi' Jerusalenne, ni'ne ka nakaye ni saka anechiyas ni Roma jlele ka itie'yi ilia'm, jeyi kat'aja.

Hechos 26:3

Intant'iejayi wikie'eyi siuniwa jikeyis napo Judíojos, siu'neje niwa wask'i'nelaja ti anitajlataja. It'imina ti anip'elisi'na ka anilayiti kiuwata'a ka k'iuk'i'm siuti jayamti.

Hechos 28:17

Jlampa jlomas najapeja kiwa tomk'i ti Pablo 'nes Rómaja, takajlunieyi siojopo Judíojos jlamt'iyijpe ti anechiyasas, ti sek ji'wet'e. Initaj jiwekie'e ti Pablo iyonayi 'ate: —Ja 'najanayi pet ti lajatak'iyi paka iyo ka je 'esie ilia'm napo si'lijwas Judíojos, ni'ne ka niwakaye 'neje siupa iyot'iyipi papo saka kijilas mases, ka itie'yi ilia'm. Ti a Jerusalenne, sek senisi'i ti isimayisk'i'm, ti sekiajlisi japo Románojos.

Gálatas 3:19

'Yina ¿tempa tejeye nak Moisés jika'neyasajnaye? 'Yaka ti je jla'am ka na'an ka poye, jlam t'opijietaja wek siunie ijiate ti inia'an, ka 'nakajanit pet ape'e ni siunie inke'. 'Yina jijweye po', jak je iyoyiji paj ti yiyeyi siojona jloma ti 'nesa pet ni siunie tajla'm pi Abraham jika kia'lis, jla'am ti tijna'yi siupa Sinia' ijwil t'ipi. Pak inka'neyasajnaye t'ipi papok tijna'yi pet papo injlojwajnas poli jlele ti ijwijla'm pa Moisés, sekyi'i Moisés ijwilayi pit papo i'nio'.

Gálatas 3:23

Siuti sakakiujnieye pojliyi'ijyi pi Sijwajieti Jesús siunie inka'neyasajnaye iyo jikipijnasats'e'm paj ti yiyeyi siojona jloma ti 'yakaja siunie já akakiunieje.