Hechos 6:1 - Sinia' Jlamtis 1994

¹ Japak jloma jlampa 'lojwat'ipi papo i'nio' iyoyi pa inamtik. Siupapo tijnats'i pet pa Griego 'lij ti iyo, sek jantaj'le ti iyoyeyi siupi iyo ti iwit'ianayi pa jikijmaye iyone siupapo tijnats'i pet pa Arameo 'lij. Iyoyet'iyispe 'ate: —Je 'esiji siu'napo i'yena ni inak, je ijiate ka 'yenis ilia'm napo ask'ilieki tal pet siwa'm.

Hechos 6:1 ပူးပေါင်းရင်းမြစ်များ

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 11:26

I'win'ne ti yamat'iyijpe ti ijioyi Antioquíaja. Ijwienjli pa najkap ti itij'wisia'm ti yiyisiap papo Sinia' jilis, 'loj papo ini'neyasajne'n. Pakayik'i'ne papo i'nio' yi' Antioquíaja ti 'nelanjie'e iyo jleye papo Sinia' jilis ti iyone 'ate “Sijwajieti jika kia'lis”.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 2:45

Iyot'iyipi pa iwi'in pa jika ajnat, wikie'eyi siupuwa i'wi'in jikijmatis iwin'ni, japak iwijnamk'i siupapo jwajla'a je i'win pet.

Hechos 2:47

Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Hechos 4:35

yikiajlisi japo injlojwajnas, ti iwijnamk'i pet siupapo jwajla'a je i'win pet.

Hechos 4:4

Je iwit'iane 'loj papo i'nio' siupapo its'iuye siupa ijwi'il, papok je 'yakakiu. Japak tajlap'e siojopa jloma jle' Pentecostés ti po' papo iyo Sinia' jilisa', siupa nojt'ijiampe papok i'nio', ti 'najli papo ayijnies ti 'yakaj, ti tetina cinco mil.

Hechos 5:14

Je jlase' papo i'nio' siupapo je 'yakakiu pa Saka'niona, ayijnies asejnia kia'iyojliyi.

Hechos 5:28

—Je awenata'asempe ka woye jleye pa Jesús, jla'yi ti jit'iyasajnayi napo i'nio'. ¿Ten na siunie jiwoyeyi? Siunie jiwoyeyi jit'iyasanayi napo i'nio' itijwi'ni jana Jerusalén, siu'neje ti jlotkints'e ti jijwela' ka sama ka liana siupa i'nio' jijwela'.

Hechos 6:2

Sekyi'i japo itij'we niwa sikioye times tom'niji injlojwajnas ijiut'nek'i wita'm wikie'eyi papo Sinia' jilis. Iyone'ne 'ate: —Ajwel'ni je 'esiji ka iliki ti awok'ni samtikie', sikio' je ijioyi ka iyoki kajeyepa ti sa'am ti awena siu'nie inak.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

Hechos 9:29

Takamtijniene papo Judíojos, jla'yi ti iniewitiji'n, siupapo iyo pa Griego 'lij, it'imina'ne ti t'olanaja ka tiliana.

Hechos 9:39

Sekyi'i ja Pedro yamk'i'ne siupapo i'nio' name. 'Nesat'i'nijpe tokieyiji siojopa 'wuk tomi pijia'm, yi'i jlaja i'nioki masa, jlam'ne papo ijia asejnia ti ask'ilieki nojwisiji ti yapits'i ape'e. Iyoyet'iyispe 'ate: —Lotakijnies siu'niwa ilisane'nijpe jakia i'nioki masa, ti 'wasanjli kiu.

Hechos 9:41

Pedro isim'ne kio'yi japa i'nioki, sekyi'i ti 'yakasitienat'ipi. Sekyi'i jiwekie'ejat'ipi ti i'yase papo Sinia' jilis, siu'neje papo ask'ilieki, i'winkina papo ti 'wasa'n jlaja Dorcas.

Romanos 12:7

Siuti a'm ti jiniuyeje'ni napo a'lejwas, 'esiji ká aleyi ti jiniuyeje. Siupet ti a'm ti jit'iyasajne'n napo a'lejwas, 'esiji ká aleyi ti jit'iyasajnen'ni.

1 Corintios 10:10

Ke injwesiejayi ni Sinia', iyot'iyipi papo i'nio' ti jwesiejesi pi Sinia', 'yina siupa injlojwanik poli jlele kalankijieta Sinia' ijliuyi ka intej'we ka inlajne'n.

2 Corintios 11:22

Hebréojos napoka, 'yina kia'awo pet. Israel jika kia'lis napoka, 'yina kia'awo pet. Pak tajlisia'm pa Abraham, kiak awo pit.

Filipenses 3:5

Jlampa sipajat'i'nijpe kisie'e ti ayet'ijyimpe, najape tom'nijiye puwa jlomas ajyi ti kiak t'ipa tiwonajat'ik'ipi ti 'isie'n jiwa tejwak'i. Israel jika kia'lek'i'm, papok atajla'm papo Benjamín jika kia'list'ipi pet. Je jlam tiliakikk'im'ni jiwek ti sijwela, Hebreok'i'm, 'yina ijiate kajeyepa ti iniewot napo Hebréojos. Jla'yi ti ajyipi napo Fariséojos, it'imina ti wuj ti ts'ajane ni iyo ni jika'neyasajnaye, siunie iyo napo Judíojos, naka pet ti ajonit.

1 Timoteo 5:3

'Esiji ka noyeje siunapo ask'ilieki, siunapo ti lajk'iyipa ka inoyeje.

1 Timoteo 5:9

Ja ke akimajiam'ni jiwek siuti po' jana ask'ilieki ti iyo ka tenaje' jle' papo ijia, je 'esiji ka je inka'm ape'e puwa sesenta jika najkapis, jla'yi ti ijwienkit siupa jik'iemjla masa t'ipi;

Hebreos 13:1

Siuti as'nayi ijwienjliyik'i ape'e pi Sijwajieti, jlomas ti jakinieyi siunie asemijnaye ti jlena'yi napo as'lejwas.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

Santiago 4:5

Jak p'an je iyoyiji niwa Sinia' jlamtis ti kia'iyo: “Siunie sosik ti Sinia' yin siwa'm, nak wuj ti je iwi'in, 'yina ti 'namaja”.

Santiago 5:9

I'lijwas, ká aninamtiye, 'nakayi ti astes ja ke poyena'a. Sinia', ti jlam ti jan'ye'en napo i'nio' pi jitis iyo, je tojwa kisie'e.