Hechos 5:42 - Sinia' Jlamtis 1994

⁴² Jlomask'i ti ijioyisi japa Sinia' ji'wuk ti taka'neyasajne'n, jla'yi ti ijioyits'i puwa ji'wuki'l papo i'nio', ti iyo ka'niyeja' pa Jesús ti jla'am ti Injwajietiwo ti Sinia' jijliujwanik.

Hechos 5:42 ပူးပေါင်းရင်းမြစ်များ

Lucas 21:37

Siupi iyot'iyipi pa Jesús, ti jlomayeta ti ijioyi'ni jlaja 'najla'wet ti taka'neyasa'n, jlampet ti ajnajata ijiojwen'ni tikijnakija'm yi'i siojopa tikijnaki jle' iyo'ate Olivokiet.

Lucas 22:53

Jlomasatak'i ti a'ni ts'e jla'a 'najla'wet, tiwet'iana ka akienak'i'm. Lapakawo ti aska jloma'yasa'm, kajeyepa yiyi ni jijweye na ajnatiok.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 13:32

“'Nak anamaja'a siunie Sinia' jika'niye ti 'es, ti iyo'ate: Sinia' iyonat'iyipi papo sitise'l, ti ijwijla'm, ijiatp'aneje siuti je pete, siunie iyo ti iniujwa'n kisie'e ni jlas Jesús, ti tajli na a'no'. Siunie iyo niwa inamtis ti yi'i na salmo jijwukis timejts'i, ti iyo'ate: “A'am ti yajts'a'm. Siu'niwa jlomas yam ti Anak'i'm.” 'Yina kasts'isisi ti atomajak'i pijia'm.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 20:20

'Yina ka pakayeyi ka inip'elisin'ni, je awojliyi ti akatate, akjliyi ti ajwe'lase'm niwak siuniwa ja insisieyi, siuniwa awoyi yamtikie' jitieyi'i napo i'nio', jla'yi ti akijits'i ti yi' 'wetits'ik'i.

Hechos 4:20

Jeyi kat'aja, je kasts'ajane paka iyonaja ka iliki ti awoki saka'niyeja', 'yaka a'wena jla'yi ti ape'yak.

Hechos 4:29

'Nakayi 'Yaka'niona, 'yejne'n siunapo ti iyo ka je inwents'e'm ka iyoki siunie taj'la. Wents'e'm, ti akawosts'e'm, ka ts'otale t'onieyi ka ijwila niwa amtis.

Hechos 8:35

Felipe itiajlate siupuwa Sinia' jlamtis ti yamtijie'n pa i'nio' Etiopía jlele, jla'm iyonayi 'ate ti yamtiyi k'iye puwa inamtis ti ijwi'il pa Jesús.

Hechos 8:5

Ijwienjli'ne siojo jle' iyo'ate Felipe jak tijna 'niji yi'i jlaja Samaria, isi' siujlieja jlamt'iyijpe, ti iyoyi jika'niyeja' siupa Injwajieti Sinia' jijliujwanik, paka Sijwajieti.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

1 Corintios 2:2

Siuti a' aska kiowe'e, je k'iejliyi paka ijiatayiji paka 'ye'en, najatape jla'am ni siunie ti Sijwajieti Jesús ti tik'iejwata'a pijia'm japa cruz.

Gálatas 1:16

sekyi'i naka'ne ti iyo ti sitiant'ieje jla'yi ti i'winkink'i'm pi jlas, sekyi'i ka yoyi pet yamtikieyi siunapo je Judíojos ka ijwi'il pi jlas. Sek taj'leyi siunie awoyi ti je ajoyi paka i'nioye ka 'yaseje'n siupi jayoyi iyo ni awoyi.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.