Hechos 5:39 - Sinia' Jlamtis 1994

³⁹ Jlajma ijiatayi jla'am ka intajle pa Sinia', ja ke atoma'yi ilia'm. Joskiyeyi 'lojwinie'e ka taye ilia'm pa Sinia'. Ijia its'iuye'ne pa Gamaliel,

Hechos 5:39 ပူးပေါင်းရင်းမြစ်များ

Mateo 16:18

Awo'naja 'ate ti a'am ti Pedro'a'm. A'm siojona sisaj ti jayi'na ape'e napo ika kia'lis Inia' jilis. Siunie jijweye iyo pit ni inlaye ja ke inkajli.

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Hechos 11:17

“Siuti Sinia' jla'am ti iwijna'm naka, iyoye pet 'ate ti sa'am ti je akakiuk ti iwints'e'm, ¿tent'ik'i'm ka itiumik'i'ni pa Sinia' siupa iyo kawo?”

Hechos 23:9

Wikie'eyi japo i'nio' ti tamtits'iji'n. Po' siojopo sekyi'i ti taka'neyasane kia Moisés jika'neyasajnaye, ti tajla'm japo Fariséojos, takasitk'i'ne ti iyonisi 'ate japo i'nio': —Siu'nie i'nio' lajk'ipa ka je 'esie, ka k'iejliyeyi kawoyi ka 'winaja. Ajwel'ni insak'aljle pa takamtijniene, ni'ne ka injlojwanik poli jleliye pa.

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

Hechos 7:51

Esteban jlam yinjliyi ape'e ti iyo'ate: —¡Wuj wata'a ti int'onie! ¡Ask'iote poyeta ti je wo ka k'iuyeyi pa Sinia'! ¡Asosik iyo'ate siunapo i'nio' je itiant'ieje pa Sinia'! ¡Jitieye'yi ilia'm japa Sinia' jikimet ti 'es, 'wena je jloye'yi papo asnawot t'ipi!

Hechos 9:5

Saulo isiujlie ti iyo'ate: —'Ni 'yaka anechiyas, ¿te'na'm? Iyo'ate siupa ina'lap ti isiujlie pet: —Ya'am Jesúsk'i'm, ti jiniajmen'ni ijyik'i ti jiwo atajiejwayek'i'm.

1 Corintios 1:25

Siunie iyo pit ni Sinia', ti po' siunie ti 'yiniye ka laja lajaye, nak jla'm ijiate ti 'yaka'm ape'e ni iyo ni jika 'najankijnieye ni i'nio'. Siu'neje ni iyo ni Sinia', ti 'yiniye ka laja jijweyeja', jlam'ne ni iyo ti 'yaka'm ape'e ni jijweye ni i'nio'.

1 Corintios 10:22

¿Awokt'ijyinme k'iye ka iliakik pi Saka'niona, ja'nakayeyi ti ja jiwak inents'e'm? ¿Sijweyet'imi 'yaka'm ape'e pi Sinia'?