Hechos 5:26 - Sinia' Jlamtis 1994

²⁶ Yamat'i'nijpe papo tokis, jla'yis papo jika anechiyasas, ti yamisi japo injlojwajnas. 'Yina lajk'ipa ka iwonisi ka insayits'i lapakawo ti je ijwiye papo i'nio' ka sisajas intatisiji'n.

Hechos 5:26 ပူးပေါင်းရင်းမြစ်များ

Mateo 14:5

Herodes iyoyetaja ka ila'an pa Juan, 'yina papoka jla'am papo i'nio' ti je ijwiye, kajeyepa ti ijiate ti tiwunitie ti Sinia' jijwejlanik jiwo.

Mateo 21:26

Je 'esiji ka yok'iate, “Tajle napo i'nio'”, 'napok je 'es jla'am napo i'nio', kajeyepa ti wikie'eyi ti je 'yakakiuyis pak Juan ti jla'am ti Sinia' jijwejlanik jiwo.

Mateo 26:5

Iyoyis'ne 'ate: —Je 'esiji ka iyinajaje janak siliakijnieye jana Pascua, 'lojwinie'e ka jlampak iwots'i'ni napo i'nio'.

Mateo 26:58

Pedro je iyo ka inkienik'i ti ijwil ka inekk'i, paj ti yamitayi ja jika aj'leje'n ja pa'yijis jika anechiyas ti wuj. Ti iyojonk'iye ka in'wenaja siupa janwo ts'iji jlaja, it'imina ti 'yuyeyi yijin'ni ts'e yi'i napo tokis ti i'yena jlaja 'najla'wet.

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Lucas 20:6

Je 'es ka yok'iate, “Tajle napo i'nio'”, 'lojwinie'e ka int'ekits'i, ka sisajas inkients'e, kajeyepa wikie'eyi napo i'nio' ti 'yijene pi iyone ti Juan ijiate ti jla'am ti injwejlanik jiwo ti tal Siniayi.

Lucas 22:2

Siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, iyoyet'iyisijyimpe siupa janwonisi ka tiliana pa Jesús, lapakawo ti je ijwiyisie papo i'nio', it'imina'ne ti inijwekisi siupi iyoyisi.

Lucas 22:4

Yam'ne ti ijioyi papo pa'yijis jika anechiyasas, siu'neje papo jika ijiawos pet siojopa 'najla'wet, ti iyone'ate: —Ana'am ti awo ka yikiaj'lase ni Jesús. ¿Ten siupa janiwonaja?

Hechos 4:21

Siupapo anechiyasas, ti ipi'yayis ti kia'iyo, iyoyis'ne 'ate, “Leyeyi siunie jiniwonayi, 'lojwinie'e ka tisiejek'iase'm.” 'Yina je i'winis'ne paka intajlatisie ka je 'esie, it'imina'ne ti inkio' tiliena'ak'i. Kajeyepa ti i'wi'in papo i'nio' ti iyunitis pi Sinia', lapakawo ti i'winis siupa i'nio' ti tijwa'a,

Hechos 5:13

Ijia siupapo i'nio' isipe ka ijnoyisi, 'yina tonitie japo injlojwajnas.

Hechos 5:22

Yiyet'iyisijpe, 'yina je i'winis 'ne, yapiliet'iyis'nijpe wekie'e ti takajwejlane papo jika anechiyasas, ti iyo'ate:

Hechos 5:24

Siupa pa'yijis jika anechiyas, siu'neje pa tokis jika anechiyas ti tijna'yi ti i'yena japa Sinia' ji'wuk, siu'neje papo pa'yijis ti kia'iyo anechiyasas, ininekiajlat'iyisijpe ti ini'yasis, ti iyoyits'i 'ate: —Ijiate wata'a, ¿majmat'e wata'a ka nojwi siu'niwa wask'i'nelaja kia'iyo?

Hechos 5:25

Jlampa iyoyet'ipi 'ate siupa takajwejlane, ti iyo'ate: —Siojopo i'nio' jit'iutietak'i'ne a'laja'm, siojopo yits'e Sinia' ji'wuk jana yi'i, 'yiyasajne'n japo i'nio'.