Hechos 5:14 - Sinia' Jlamtis 1994

¹⁴ Je jlase' papo i'nio' siupapo je 'yakakiu pa Saka'niona, ayijnies asejnia kia'iyojliyi.

Hechos 5:14 ပူးပေါင်းရင်းမြစ်များ

Hechos 11:24

Bernabé ijiate jla'am ti itienkiuni pa Sinia', jla'yi ti Sinia' jikimet ti 'es tipoyiji, it'imina ti 'loj papo i'nio' ti isieneje pa Saka'niona.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 2:47

Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Hechos 22:4

Ti pajk'i ata'yi ilia'm siunapo iniuk'i siunie 'Nayi Ink'ie', paj ti awoyeyi ka iliajne'n ayijnies, asejnia ti aki'mik'i ti ajoyi'ni insat jiweje.

Hechos 4:4

Je iwit'iane 'loj papo i'nio' siupapo its'iuye siupa ijwi'il, papok je 'yakakiu. Japak tajlap'e siojopa jloma jle' Pentecostés ti po' papo iyo Sinia' jilisa', siupa nojt'ijiampe papok i'nio', ti 'najli papo ayijnies ti 'yakaj, ti tetina cinco mil.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

Hechos 8:12

Je 'esiji ti poye pet siupa iyo ti je takakiunisi siojo Felipe iyoyi jika'niyeja' pa Sinia' jika anechijiayas iyo siu'neje pa Sijwajieti Jsús, 'yina tiniejienajan'ne, asejnia kia'iyojliyi wikie'eyi.

Hechos 8:3

Saulo wuj ti ini'net ti t'ekijiam'ni papo Sinia' jilis, 'yuyits'i sekyi'i itionk'i kisie'e ti tajlijk'i kiajwe puwa ji'wuki'l, ayijnies asejnia ti ijios insat jiweje.

Hechos 9:2

ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

Hechos 9:35

It'imina'ne ti wikie'eyi siupapo ji'wet jlaja Lida, siu'neje papo ji'wet jlaja Sarón, ti i'winis ti 'es pa i'nio', iyoyis jlosikis ink'iejyisa'.

Hechos 9:42

Siupapo ji'wet jlaja Jope ti 'yijenayisi pi iyone, it'imina ti je pini' papo i'nio' iyo jlosikis ink'iejyisa', ti je 'yakakiuyis pa Saka'niona.

2 Corintios 6:15

Ja ke inets'e ka ti'wena pa Sijwajieti ka inteliak'i siunie iyo pit ni imosik. Siunie imosik kia'iyojliyi pit je yimi'n siunie iyo pit ni Sijwajieti. Siunie iyoyi ki inamtik je ti'wena pet ka inteliaja siunie iyoyi pit ni kakiujnieta, je itiliaja siunie iyo pit naka ti iyoyi ki inamtik.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.