Hechos 4:36 - Sinia' Jlamtis 1994

³⁶ Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

Hechos 4:36 ပူးပေါင်းရင်းမြစ်များ

Marcos 3:17

Santiago siu'neje ja ji'yini Juan, Zebedeo jilis, ti iyojinijpe 'ate Boanerges (ti iyo 'ate: “Isiumtijni jilis”),

Hechos 12:25

Bernabé jla'yi ja Saulo itimisi siupa jikijmaye, tajlis Jerusalenne, ya'asiyis ja Juan Marcos.

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

Hechos 13:15

Ti itimat'iyisijpe ti yamtijienis puwa Sinia' jlamtis yi'i pa Moisés jika'neyasajnaye. Sekyi'i siupapo i'yena japa 'najla'wet i'yasat'iyipi ka poye paka injwele ape'e pet papo.

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 15:12

Itime ti tamti japoka, ti takasitie t'ipi pet ja Pablo jla'yi ja Bernabé. Ijwil pet pa Sinia' iyone, ti 'yakajli ti ilisane siupuwa a'tisk'iji'n wask'i'nelaja, siu'neje puwa iniank'iye siupuwa ja'nakaj ts'ijiye, jitieyi'i papo i'nio' je Judíojos. Ti yiyeyi puwaka yaka jla'm iwo japo i'nio' 'yakamaja ti its'iuyisie.

Hechos 15:2

Pablo siu'neje ja Bernabé wuj ti iniewiteje'n papo i'nio', jak je iyoyiji'ni yiyits'ijiye, jlamayis ti tikima'ak'i siu'neje papo ijia ka ijnoyi japo injlojwajnas siu'neje papo ti ijiatt'iyijipe ti Sinia' jilis yiji jlaja Jerusalén, kan'yenis pak siupa iyoyisi ti initajlatisi.

Hechos 15:37

Bernabé iyotaja jla'am ka ina'asi ja Juan Marcos,

Hechos 15:39

Wuj wata'a siupa iyoyisi ti je ijniul wita'm japo Pablo, paj ti ini'wenakitiet'iyispe. Bernabé jla'yi pet ja Marcos ti yamisk'i japa kasejkana ti ijio Chípreje,

Hechos 21:16

'Nak nojwaja'm japo si'lijwas tal Cesaréaja 'yuninsek'i. A'nesa'ni ti kassokiejayiji ja sikiecha Mnasón, tajle jlaja ajnat jle' iyo'ate Chipre, inamtik jiwo paj t'ipi. Awakiap'ne kajeyepa ti iyo si'weta'.

Hechos 21:3

A'wenaja'ni jiwekie'e jlaja Chipre. Ti akinieja'ni, alekieyi 'niji si'lieme, ti atayeja 'nijiye siujlieja isi' jle' iyo'ate Tiro, ajnat ti yiji jlaja Siria. Sek tijwosa'aja'n siojowa wask'i'nelaja yiji jlaja kasejkana.

Hechos 27:4

Sek atajla'a ti akinieja'ni ti atajla Sidone, ti awak kasejkanaja'. 'Yina ti ataye ilia'm ki jlajwu, kas'manit 'ne jlaja Chipre, ajnat siujlieja i'niat itijwape'n, ti je 'yejents'e'm wata'a ki jlajwu.

Hechos 9:27

Bernabé yamk'i'ne ti iniank'iye ti ijioyi japo injlojwajnas, iyoyet'ipi 'ate: —I'lijwas, 'yejne'n siu'nie i'nio', 'nak sikiechaye'eje. Yit'i'yipe pa jloma ti yiji pa ji'niayi, Saka'niona Jesús ini'wenkijna'm, jla'yi ti ji'lij iwijna'm. 'Yina ti yiyet'iyipi siojopa isi' wuj ti ini'net ti ijwi'il pa Jesús.

1 Corintios 14:3

'Yina jla'am je iyoyeyi wek jla'am siunie jikijmaye iyoyi ti poyeta pi k'iejliyi pi iyo siojopa Sinia' jikimet, 'yina pak yamayi pet ti ijwijla'm papo ijia. Nak ijiate wek jla'am ti iniuyeje napo ijia siunie iniwonisi ti je 'yakaj, kajeyepa ti 'yijie'ne ka woyi ni siunie 'es, jla'yi ti injloyik'ijin'ni ti k'iejlitieje pa jiwet'ia iyo.

1 Corintios 9:6

'Yina, ¿ijiatt'iyi ti samkata, ti ya'yi ni Bernabé, ka je 'esieyiji ka poye japa ka inwents'e'm napo i'nio' pa ka k'iejliyeyi ka kasts'isisi pet?

Gálatas 2:1

Najkapis times sikio' itij'we ijniujlits'i tom'niji kiwa yam'niji, ekiajlayi'iji ti ajo Jerusalenne, ti ya'yi ja Bernabé, sekyi'i ti ane ja Tito ka 'nonin sek'i.

Gálatas 2:13

Jak je iyoyiji siojopo ijia Judíojos ti i'winayis ja Pedro ti kiak iniwone, sekyi'i ti kia'iyoyeyisi iniuyeyisi pet. 'Yina Bernabé kia'iyojliyi ti ikajlis siunie iyonisi ti ik'emijietis.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”

Colosenses 4:10

Aristarco, siu'nie iliaye iniuyi wita'm ti awaki jla'a insat jiwe, itijwi'lase pit. Marcos kia'iyojliyi, siojo Bernabé jikilia jlas. 'Yina je int'ayeyiji'n siunie awotaja ka wonayi ni sikiecha, siuti kiak jawo ti jajno'wase 'esiji ka 'yena'yi ilia'm.