Hechos 4:34 - Sinia' Jlamtis 1994

³⁴ Lajk'ipa ka ne'yi paka insetia'n paka k'iejliyeyi, kajeyepa ti iwin'ni puwa jika ajnatis jla'yi puwa ji'wuki'l, siojopa laja

Hechos 4:34 ပူးပေါင်းရင်းမြစ်များ

Mateo 19:21

Jesús isiujlie ti iyo'ate: —Siuti jiwojonk'iye ka i'nes, maj wen'ni wikie'eyi siuniwa wask'i'nelaja ji'we'en, wejnamk'i napo p'ijliusis, kajeyepa jane ts'iji poliyi niwa akijmatisie'. Sekyi'i jiwekie'ajana'a ka ana'm ijyik'i.

Marcos 10:21

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Lucas 22:35

Iyonat'iyi'iji 'ate japo t'eyasajnas: —Siuti ajloye'nijpe ti awo'nase 'ate, “Ká awoye eliye, ni'ne ka aka wikiniet'aweja', ni'ne ka awoye asatiye”, ¿ma po' t'ipi pa jisitiana'? Iyo'ate ti isiujlisie: —Lajk'ipa.

Hechos 2:45

Iyot'iyipi pa iwi'in pa jika ajnat, wikie'eyi siupuwa i'wi'in jikijmatis iwin'ni, japak iwijnamk'i siupapo jwajla'a je i'win pet.

Hechos 4:37

Jak i'nio' iwi'in pa jika ajnat, sekyi'i ti yikiajlayi japo injlojwajnas ka in'ye'en.

2 Corintios 8:14

Siunie ajwe'el naka ti, 'esiji ka ijnol wita'm napo i'nio'. 'Nakayi lajk'iyi pet paka in'wenis siuti asa'am ji'wena' ni jwamjla'a wenayi pit napo as'lejwas 'yina ti nak isitia'n ni yi'ase. 'Yina jane'yi japa jloma ja asama pet ti ja lajak'ipa ka 'wena, sek jane'yi ka inoyeye'asemna'a pet pi k'iejliyi pet pi jan'wenis. Siuti kiak jawo jajnol wita'm napo i'nio'.

1 Tesalonicenses 4:12

ja 'nakayeyi siunapo i'nio' Sinia' je jilis jank'iu'wase'm, jla'yi ti ja ke inetia'nase pi k'iejliyi.

1 Timoteo 6:19

'Yina ti jawoyi naka, 'yiniye ka iwoyi jijwetisila' niwa iyoyi siuniwa jikijmatis ts'iji, sekjane'yi ka i'yakanana'a jana ijiatk'i ti ji'wasankiye.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.