Hechos 4:1 - Sinia' Jlamtis 1994

¹ Pedro jla'yi ja Juan jet'i ilitajasipe ti takamtijniene papo i'nio' ti 'nesat'i'nijpe papo pa'yijis jika anechiyasas, siu'neje papo Saducéojos, siu'neje pa tokis jika anechiyas tijna'yi japa Sinia' ji'wuk.

Hechos 4:1 ပူးပေါင်းရင်းမြစ်များ

Mateo 16:12

Sekyi'i ti jiwekie'aja ti itinisisk'i ti je nak woye ijliasat pijia'm ti tiwomaja'ni na inwakiwa mak ka injwel'ni ka Jesús ijnoskijiete, 'wenajliyi jla'am siupa ijwi'il siupa t'eyasajnaye iyo napo Fariséojos, siu'neje napo Saducéojos.

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Mateo 27:20

Lapakawo ti 'yakajle'n japo i'nio' ti iyo ka inojwanis kisie'e jak Jesús Barrabás, siojopo pa'yijis jika anechiyasas siu'neje japo kijilas, jlampet ja Jesús 'yaka ti iyo ka ilanis.

Mateo 27:41

Jlam'ne pet siojopo pa'yijis jika anechiyasas siu'neje japo jiwos pet ni Moisés jika'neyasajnaye, siu'neje japo kijilas, kia'iyojliyisi ti iliakiyis iyo japo ijia, ti iyoyits'i 'ate:

Mateo 3:7

Je 'es jlam ti Juan i'wina ti 'loj papo Fariséojos, siu'neje papo Saducéojos ti kia'iyo iyo ka tiniejienaja'n. Sekyi'i iyonat'iyijpe 'ate: —¡Jiwoye'ate niwa injlajas! ¿Tempa i'neyasajnajyi'n ti ijwi'lase'm ti ja'yiltana k'iye ni Sinia' jiwak ni jana'm?

Lucas 20:1

Yit'iyipe japa jloma, Jesús yits'e yi'i jlaja 'najla'wet ti taka'neyasa'n, ti 'yiyasajne'n papo i'nio', ka 'najane paka wone pa Sinia' jika'niye ti 'es. 'Nesat'i'nijpe papo pa'yijis jika anechiyasas, siu'neje papo taka'neyasane pet pa Moisés jika'neyasajnaye, jla'yisik'i siupapo kijilas jle' po',

Lucas 22:4

Yam'ne ti ijioyi papo pa'yijis jika anechiyasas, siu'neje papo jika ijiawos pet siojopa 'najla'wet, ti iyone'ate: —Ana'am ti awo ka yikiaj'lase ni Jesús. ¿Ten siupa janiwonaja?

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Juan 18:3

'Yina 'nes'ne ja Judas ti ajnaj jla'yis japo ijiawos siu'neje japo i'yena jlaja 'najla'wet. Siojopo pa'yijis jika anechiyasas japok ijliuk'i, japoka 'neje jla'am japo Fariséojos, ti iyoyis jikio' jleliye, jla'yi ti iyoyis jika katesila.

Hechos 4:6

'Yina Anás sekyi'i, pa'yijis jika anechiyas ti wuj, siu'neje pa Caifás, siu'neje papo ijia jleyis iyo'ate Juan jla'yi pa Alejandro, wikie'eyi papo ijia papo pa'yijis jika anechiyasis ti wus.

Hechos 5:17

Siupa pa'yijis jika anechiyas ti wuj, ti 'yijenat'iyijpe pi iyone, siu'neje papo Saducéojos sekyi'i ti yijap, je jlase' pi iyo ti a'tiejesiam'ni japo injlojwajnas.

Hechos 5:24

Siupa pa'yijis jika anechiyas, siu'neje pa tokis jika anechiyas ti tijna'yi ti i'yena japa Sinia' ji'wuk, siu'neje papo pa'yijis ti kia'iyo anechiyasas, ininekiajlat'iyisijpe ti ini'yasis, ti iyoyits'i 'ate: —Ijiate wata'a, ¿majmat'e wata'a ka nojwi siu'niwa wask'i'nelaja kia'iyo?

Hechos 5:26

Yamat'i'nijpe papo tokis, jla'yis papo jika anechiyasas, ti yamisi japo injlojwajnas. 'Yina lajk'ipa ka iwonisi ka insayits'i lapakawo ti je ijwiye papo i'nio' ka sisajas intatisiji'n.

Hechos 6:12

'Yina siuti kia'iyo, ijwisin'ne papo i'nio', siu'neje papo kijilas t'ipi, jla'yi papo taka'neyasane pa Moisés jika'neyasajnaye. T'ekiyet'iyisijpe pa Esteban, isimits'i'ne ti 'yutits'i a'laja'm. Sekyi'i ti yamayisi ti itiunisi papo jlosikis jiwos, siupapo jlamt'iyijipe.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.