Hechos 3:6 - Sinia' Jlamtis 1994

⁶ Pedro iyone'ne 'ate: —Wikiniet'aj je a'wen pet. Siu'nie a'we'en jawi'na'm. Naka ni tajle ni jijweye pi Jesús jle', Nazaret jlele: ¡Kasit, askiujni'n!

Hechos 3:6 ပူးပေါင်းရင်းမြစ်များ

Mateo 10:9

“Siuti jit'iskiuniets'iji'n, ká awoye aska wikiniet'aja,

Mateo 7:22

Siojona jloma ka inetiejenie'e, ka ti'yenajta napo i'nio', ja ke piniye napo i'nio' jawo'ate, 'Yaka'niona, 'Yaka'niona, sampe ti akinieje ni e', ti awokieyi samtikie' siunie Sinia' ijwilts'e'm ka yoki. Etinajpe it'iminape ti anojwatak'i kisie'e jawa imose'l yijits'i japo i'nio'. Nakape'eje ti it'imina ti akajlaje ti alesanaja, niwak siuniwa ti yisi'lietk'i napo i'nio'.

Marcos 14:8

Siujlie'e asejnia iyo siunie ti 'yakajli siunie iyo kawo. 'Yilini ta'a ijyik'i siunie jini inkajk'i, lapakawo ti iyo ta'a ka wakajla siu'nie 'yajwes ka titijikta k'iye ka inetiejenie'e ka kiak iyo.

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Juan 19:19

Pilato takajlunie'ne ka tilisanaja siukiwa inamtis ka tena'a jlaja jika cruz ka iwo'ate, “JESÚS TI NAZARET JLELE, JUDÍOJOS JIKA ANECHIYAS”.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 16:18

Je ijwienjliyiji ka kiak je iwo'ni, ti nam'ni sek'i, paj ti Pablo 'netajayi. Sekyi'i ti tejeye ilia'm, iyone'ne 'ate siupa imosik pa yiji: —Etijnape pa Saka'niona Jesús jle' ti Sijwajieti, ¡tajli siujlie'e asejnia! Ka pajayi wata'a ti iniuye kisie'e siupa yiji, jlajaka asejnia.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Hechos 3:16

Siunie iniuyeje ti iyo jit'iuniye siu'nie i'nio' ti ji'wena', jla'yi ti intant'iejayi, naka ti je 'yakakiu ni jle' ni Jesús ti jiweye po', 'yina siuti jlam je iyo ti jitiej iyoma, nak it'imina ti tijwa'a. Tijwa'a kalakiyik'i, mejla'ala ka je a'wena, siunie iyo.

Hechos 3:5

Je iyo ka jitiej inla'ne ja Pedro jla'yi ja Juan ti i'yen'ni, lapakawo ti itijnistieje ka poye japa ka tiwok ji'wajietiye.

Hechos 3:7

Pedro yiyik'i wekie'e ti kia'iyo, isimat'ipi kio'yi ti itiujmat jijweye, inijienat'ipi pijia'm. 'Yina je paj wata'a ti t'oniet'ik'i puwa jisietis, jisiet ji'wo'l kia'iyojliyi.

Hechos 4:10

jajwi'lase'm ja 'najanayi, jla'yi napo Israel jlele. Siunie i'nio' yi 'ne ti ji'wena', lajk'ipa jikiechaye ka 'esieyi ka injwajiet, Jesús Nazaret jlele jle' i'mienit, ti jijweye po'. Naka siunie jik'iejwata'yijpe jana cruz, jlomas 'nak nojwaja'm Sinia' iniujwa'n kisie'e ti tajle ni a'no'.

Hechos 4:7

Sekyi'i iyo'ne 'ate ti takajlunieyisi: —Mayeyi, namayeyi 'ne. Ijiawos yamat'iyipi, yinat'iyispe jikiowe'e papo anechiyasas, i'yasat'iyisimpe ti iyo'ate: —¿Tempa i'nio' jle' jijweye siupi ajweye jitiajlayiji, siuti jikajlayi siunie jiwoyeyi?

Hechos 9:34

Pedro iyone'ne 'ate: —Eneas, Sijwajieti Jesús injwajiet. Neppijia'm, jot wita'm na ajotik. Kapajat'iyijpe wata'a pa Eneas ti 'es.

1 Corintios 4:11

Awakieyi 'nijiye ti nel'lia kaslajne'n, na'la kaslajne'n, jla'yi ti laj si'wuyeye, tajak'ni siwa'm, lajk'ipa ka ijiatayiji ka si'weta',

2 Corintios 6:10

Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

2 Corintios 8:12

Jak je iyoyiji siuti ijiatk'i siunie jiwoyeyi siojopa jak'ieye japa jlenayi ti jlekiajle pa Sinia', 'yina janaka pet siojona i'wine'ni ilia'm. Ja ke in'yaseje'n siojona je 'we'en.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.