Hechos 3:21 - Sinia' Jlamtis 1994

²¹ 'Nakayi lapakawo ti 'esiji siunie tiwonaja ka nekiu poliyi, jlampa ka Sinia' intemayijna'a siunie iyo ti ilisank'i siuniwa wask'i'nelaja. 'Yina jlam pak je iyo jiwekie'e ti kia'iyo, kajeyepa ti iyo jla'am niwa jlamtis ti yi'i ni ji'wet iyot'iyipi papo Sinia' jijwejlanawos ti isis ti ijwi'il.

Hechos 3:21 ပူးပေါင်းရင်းမြစ်များ

Lucas 1:70

'Naka'ne siu'nie pajk'i ti ijwi'il pa Sinia', ti jijwejlanawos ti isis ijwilt'ipi.

Hechos 1:11

Iyonat'iyijpe 'ate japo injlojwajnas: —Galilea jlele, ¿yot'iyi'ni ti astaj je liena' poliyi? Kiaka ki Jesús ti yi'iji aska kiowe'e janapimet'eje jawo'ate ti ji'wenats'i ti yam pijia'm, ka 'nestana'a.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

Hechos 3:20

Sekjane'yi ka injloyena'ase ni asjwajieti, siunie ti pajk'i ti iwiakajlanit ask'ioye, naka ni Jesús.

Romanos 8:21

Japakayeyi ti Sinia' janlanits'i puwa t'aka, siu'neje ti janjwajiete siupa jota iwo ti jota inetiajnate'n. Ti kiak jawo pit janejyi siupa t'oniye jawo ti ijiate ti 'es, papok Sinia' jilis ti kiak janwone.

Hebreos 1:1

Ti pajk'i, Sinia' je ijwienjliyiji ka ji'lij je inwenatajam'ni papo sitise'l t'ipi, ti ijliuyi'ni papo jijwejlanawos. Po' japa jloma ti 'wena iyone ti ji'lij iwijna'm.

2 Pedro 1:21

Tepa jawo ka kiak je iwo ti siupa injwejlanik jiwo je jla'am ka jlamtisie' siupuwa ijwile pijia'm ti ijwijla'm papo i'nio', 'wenajliyi ti Sinia' tajle siupi iyo. Sinia' jikimet ti 'es japaka ti iyo ji'lijaye papo injwejlanawos t'ipi.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!

Apocalipsis 22:6

'Yina siojo injlojwanik poli jlele iyo'ne 'ate ti ijwilk'i'm: —Jla'm ijiate wek jla'am siu'niwa ka je inkakiunisi napo i'nio', 'yina ti je tak'emisie'n 'niwak inamtis. Saka'niona, ni siunie ti iyo ji'lijaye napo jijwejlanawos, naka ti ijliu' na jijliujwanik poli jlele ka in'wenkina siunapo jikawos siunie ti ja ke pajayi wat ti ja poye.