Hechos 3:17 - Sinia' Jlamtis 1994

¹⁷ “I'lijwas, je sit'iayiji'n ti asa'am jla'yi napo aska anechiyasas ti jiwoyeyipi ka alana ki Saka'niona, ijiate ti lajk'iyipa ka awoyeyi ka akiowe awonayi.

Hechos 3:17 ပူးပေါင်းရင်းမြစ်များ

Lucas 23:13

Pilato tanat'iyits'ipi papo pa'yijis jika anechiyasas ti initotk'i wita'm, siu'neje papo anechiyasas t'ipi 'neje, wikie'eyi 'neje papo i'nio'.

Lucas 23:34

Pakayi ti Jesús iyo'ate: —Inia', p'elisijne'n jiwekie'e 'napo i'nio', jlam kia'iyo je 'yijenisi siunie iyoyisi. Siupapo tokis ti iyoyeyisi ka inik'isajasi puwa ji'wuye pa Jesús, 'yina tiliakinieyists'i ape'e.

Juan 15:21

Niwaka siuniwa janwo'nase napo i'nio', lapawo ti ya'am ti jat'imi'nase, ti je itiant'iejesi ni Siunie sijliu'.

Juan 16:3

Niwak siuniwa janwo napo i'nio', lajk'ipa ka intajle ti naka, ti je itiant'iejts'e ti sa'am, ya'am jla'yi ni Inia'.

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 13:27

Siupapo i'nio' ji'wet japa Jerusalén, siu'neje papo anechiyasas sekyi'i, je po' japa jlomaye ka intant'ieje pa Saka'niona Jesús, ti Injwajieti. 'Wanjliyi jlomasata ti ipi'yayis siupuwa injwejlanawost'ipi jlamtis ti yiyetaja siojopa jloma i'nio 'wanjlijyi'n, ti yiyis 'wuk kiajwe. 'Yina ti yinayits'i pa jitis pa Jesús, pakayi ti yiyeyi siupa k'ie' siupapo injwejlanawos ti ijwi'il.

Hechos 22:5

Siunapo pa'yijis jika anechiyasas, siu'neje napo kijilas jle' po', 'yijene pi iyone ti jlam je awo. Kajeyepa ti napokape ti tajle ki isio' jlele ti iwinisk'i'm ka 'ajla its'ioye ka ijiojwa'm napo si'lijwas Judíojos yiji jana Damasco, ti akk'i'ni siunapo yamk'i pa Jesús, ti awo ka ijioyi'ni Jerusalenne, ti tajaki'n.

Hechos 26:9

“Ajwelp'ampe ka 'esie siukia awoyi ti ata'yi ilia'm siojopo je 'yakakiu pa Jesús Nazaret jlele, siu'neje ti iyoyis jleye.

Hechos 28:21

Yiyik'i wekie'e ja Pablo ti tamti, sekyi'i iyoyis'ne 'ate: —Lajk'iyipa ka imp'esinikie' ka i'wina ilia'm ka tijliukts'e, ka intajle jana ajnat Judea, ka injwe'el siupa ates iyo, ni'ne ka poye paka Judíoja' ka inamti'ni ka k'iejliyeyi paka je 'esie ka woyi.

Hechos 7:40

Ijliuyet'iyisijpe pa Aarón, Moisés jikilia, ti iyonisi 'ate, “Lesane sik'ioye puwa saka diosisa', ka najne'n sik'ioye. Je 'esiji 'na Moisés, je kasts'ajane tent'ipa iyo, ti jla'am ti namts'e.”

Romanos 11:2

Lapakawo ti Sinia' ta'a ti tijnayi siuti 'nelanjie'e ti iyo jika kia'lisa', jak je iyoyiji 'nakayi yamjliyi ti iyojonk'iye. ¿Jet'i 'najanayi siuniwa Sinia' jlamtis yi'i ni ji'wet, ti ijwi'il pak injwejlanik jiwo Elíasjimpe, pakayi ti ijwile pa Sinia' ti iyo t'ajlayeja' siupi iyot'iyipi papo Israel jika kia'lis?, ti wuj ti je 'es siupa iyoyi, ti iyo'ate,

1 Corintios 2:8

Niwaka ni siuniwa ajwel'ni napo i'nio' ti iyo anechiyasisa' je itiant'ieje. 'Yina siut'itie ka intant'ieje, ka kiak iwoyetaja ka je ink'iejwatits'i japa cruz pi Sijwajieti, ti jla'am ti tajle nak injweye.

2 Corintios 3:14

Kajeyepa siupa ajnatiok itij'w ape'e siupa jlosik papo i'nio' t'ipi, it'imint'iyijpe ti je itijnisisie siupa iyot'iyipi. Yamjliyi ti kia'iyo siupapo jilis t'ipi papoka, 'wanjliyi kan'yenis niwa Sinia' jlamtis ti yi'i ni paj imp'esinik, 'yina je itiant'iejesi siunie yi'i, kajeyepa ti 'yiniye ka poye pa ka imp'o'n ape'e siunie jlosik. 'Yina naka'ne ni siunie tomk'iye, paka 'najanisi paka iwonisi, 'yina lajk'iji pa ka ilank'i ape'e siunie yi' ape'e ni jitiokio', ijwienjli jla'am pa Sijwajieti ti i'nio' 'esi ti kia'iyo.

Efesios 4:18

itiusina ape'e ni jlosik iyo. 'Yina siojona ji'wasankiye ti Sinia' iwijna'm napo jilis je tijna'yi, kajeyepa ti je itiant'iejesi pa Sinia' jla'yi ti t'o'n ni jlosik.

Filipenses 1:22

Jlampet ti kiak jayo ti ja si'wasa'n ape'e 'ni ajnat, janakaye'eje pet ti ja 'esieyi ni isijmaye, kajeyepa ti jajwi'il ape'e napo i'nio'. Naka'ne jla'am ni siunie sit'iajanit'ni, ¿tepat'e ja iniwone?

1 Timoteo 1:13

Ijiate wuj ti je alesanataja pi Sinia', 'wena awo ti i'lijp'an je 'esijpe, ti ata'yi ilia'm kajeyepa ti sijwesieja'm. 'Yina ti jakayi ti lajk'iyi pa ka iyoyi ti je sitiant'ieje pi Sinia', wuj ti sip'elisi'n.