Hechos 3:14 - Sinia' Jlamtis 1994

¹⁴ Jlam'ne ka 'yasanayi ka tiniujwana kisie'e ti jlam ti 'es ti Sinia' 'yotat, 'wenajliyi pa i'nio' siupa kalankijieta, pak ji'yasanayi ka tiniujwana kisie'e.

Hechos 3:14 ပူးပေါင်းရင်းမြစ်များ

Mateo 27:20

Lapakawo ti 'yakajle'n japo i'nio' ti iyo ka inojwanis kisie'e jak Jesús Barrabás, siojopo pa'yijis jika anechiyasas siu'neje japo kijilas, jlampet ja Jesús 'yaka ti iyo ka ilanis.

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

Lucas 23:25

Sekyi'i jikio' ilie'ne'ne siupa iyo jla'am papo ka inkio' tiliena'a, siupa jikalankijieye it'imina ti yi' insat jiweje, jla'yi ti ti'yikisane'ni papo i'nio' anechiyasas. Jlampet pa Jesús, yikiajlayi papo tokis ti its'iuyisie siupa iyo kawo papo i'nio'.

Juan 16:10

Siunie ti jayik jla'yi ti ja ke si'wena', nak ja'nakajanit ti ts'es.

Juan 18:40

Sekyi'i inikiul'ne japo ti iyoyits'i 'ate ti tanisi ape'e: —¡Je'e! ¡Ká anojwa'n kisie'e! ¡Nojwa'n jlam kisie'e ni Barrabás! Barrabás jak i'nio' kalankijieta.

Hechos 13:28

Je i'winatajas siupa ka ijiatayiji paka jitis iwo, je iyojliyi ti i'yasisiji'n pa Pilato, ti iyo ka inlanis, ti its'iejwatits'i japa cruz.

Hechos 2:27

Ja ke siliyi'i pa a'no', jla'yi ti ja ke e'nate ni 'yajwes ka insotieje, ni akawo ti 'es.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.

Hechos 5:28

—Je awenata'asempe ka woye jleye pa Jesús, jla'yi ti jit'iyasajnayi napo i'nio'. ¿Ten na siunie jiwoyeyi? Siunie jiwoyeyi jit'iyasanayi napo i'nio' itijwi'ni jana Jerusalén, siu'neje ti jlotkints'e ti jijwela' ka sama ka liana siupa i'nio' jijwela'.

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Santiago 5:6

Jlena'yi pi jitis jijwela ka iwo, sekyi'i jilianajyi'n kiapoka ti isis jitieyi'i pi Sinia', ka kiak inwo ka intayit'iase.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 2:1

I'lijwas, ajlo'wase 'niwaka, ki iyo niwa yamtis ti awotaja ka lajak'ipa ka inwo ni jike'. Siuti japoye ni i'nio' ni janwo ni jike', po'o ni i'nio' ni janoyijts'e'm; Sijwajieti Jesús naka ti jantamti sitipe'e, jla'am ti yi' jitieyi'i ni Sinia' jla'yi ti tijnajyi.

Apocalipsis 3:7

'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.