Hechos 3:13 - Sinia' Jlamtis 1994

¹³ 'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Hechos 3:13 ပူးပေါင်းရင်းမြစ်များ

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 20:19

Janekiajlayinie'e napok Roma jlele ti janlakiyis siunie janwonisi, ti jank'ajas'ni, siu'neje ti jank'iejwatits'i jana cruz. 'Yina jloma janajapeja janapi pijia'm ti jantajli ni a'no'.

Mateo 22:32

“Yam ti Abraham Jiniak'i'm, siu'neje napo Isaac, Jacob.”? Je jlam jiwek ni awoyi ti ajwe'el naka ti Sinia' jlam ti Jinia' napok siunapo 'wasajne'n, 'wanjliyi ka kia'iwo ka pajak'i pa ka 'na'al.

Mateo 27:2

Tilie'nitieja ti iyoyeyisi ka nekisi ti ijioyisiji ja Pilato, jla'am ti anechiyas Roma jlele.

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Lucas 22:57

Pedro iyo'ne 'ate ti inikakiuyeyi: —¡Jla'a i'nioki, jlam jiwoyi, je sitiant'ieje pak jijwel'ni!

Lucas 23:4

Pilato sekyi'i iyone'ne 'ate papo pa'yijis jika anechiyasas, siu'neje papo i'nio': —Je a'we'en paka jitis iwo siu'nie i'nio'.

Lucas 6:37

“Ká alakiye napo as'lejwas pi k'iejliyi ti ji'wenayi, 'nakayeyijna'a ka Sinia' je inkajanitie'yi astepe'e pet siunie jiwoyeyi. Ká atajlatayi pa k'iejliyeyi ti ji'wenayeje pi akiecha. Sinia' ja ke intajlat'ase'm pet paka k'iejliyeyi siuti jiwoyeyi. Nip'elisinapi 'nakayeyipe pet ti Sinia' janwe'nase'm pet pi k'iejliyeyi.

Juan 18:40

Sekyi'i inikiul'ne japo ti iyoyits'i 'ate ti tanisi ape'e: —¡Je'e! ¡Ká anojwa'n kisie'e! ¡Nojwa'n jlam kisie'e ni Barrabás! Barrabás jak i'nio' kalankijieta.

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Juan 19:12

Sekyi'i ja Pilato ti iyoyetajayi'n siupi ka inwone ka inojwa'n kisie'e ja Jesús. Siojopo Judíojos iyo'ne 'ate: —¡Ka anojwantana'a kisie'e, ka akojwayena'a ni saka anechiyas Roma jlele! ¡Kajeyepa siunie iniwojwa'n anechiyasa' iyoye'ate ti jla'am ti teje'yi ilia'm ni saka anechiyas!

Juan 19:15

Iyoyis'ne 'ate ti tanisi ape'e: —¡La'an! ¡La'an! ¡K'iejwat'e japa cruz! Pilato i'yasen'ne ti iyo'ate: —Jlam'ne asa'am ti aska anechiyas, ¿jiwoyeyi'iji ka ts'iejwat'e japa cruz? Siojopo pa'yijis jika anechiyasas isiujlie ti iyo'ate: —¡Lajk'ipa ka jikiechaye ka saka anechiyasa', ijwienjli jla'am ni saka anechiyas ni Roma jlele!

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 3:12

Pedro, ti i'wina papo ti 'yakapajle, iyone'ne 'ate: —Israel jlele, ¿yot'iyi'ni ti kas'yen'ni? ¿Jijwelt'e ka sama ka ijwiejieta siu'nie i'nio'? ¿Ent'a jijwela' ka sijweye poye, ni'ne ka nakaye ti je aleki ti awunitie pa Sinia', ka nakaye ka int'emina ka injwa'a?

Hechos 3:26

“'Yina asa'am ti inajnata ti imp'elisina' ti ijliuye ni jlas ti jikawo, ti ijliu'wase ti initiajnat ni siunie iyo niwa askeyis ti wuj ti je isis.”

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.

Hechos 4:30

Kajanit ni ajweye iyo ka ajwajiete'n napo i'nio' je isis, jla'yi niwa iniank'iye siuniwa ja 'nakaj pet ajnat'e, siu'neje niwa ti yisi'lietk'i napo i'nio', 'esi ni jle' iyo ni akawo ti 'es Jesús.”

Hechos 7:32

“Ya'am, ti atese'l Jiniak'i'm. Ya'am ti Abraham Jiniak'i'm, Isaac Jiniak'i'm, jla'yi pa Jacob Jiniak'i'm.” “Moisés kititiyeyi'ni kajeyepa ti jnots'ijni ti ipi'yayeyi pak ina'lap, je 'yakajli ka ijiatayi kan'yen'nine siupa iyoyi.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

Hebreos 2:9

Jlam pet pi Jesús a'wena ni siunie Sinia' iyone ti jwajla'a ti ijliasat isia'm, jak je iyoyiji siunapo injlojwajnas poli jlele t'ana wat ape'e. 'Yina ts'ijiye initojmat jla'm ape'e napo i'nio' ti ijioyi ni jiliaye. Ka lajk'i na jikap'ijliuskiye ti yints'e'm, nak it'imina ti 'ya'al pa Jesús. Jak je iyoyiji siuti kiak iyoyi ki inilayiti, sekyi'i Sinia' yin'ne ape'e siunie jiwunitieyi siu'neje ti iyojwa'n anechiyasa'.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.