Hechos 3:1 - Sinia' Jlamtis 1994

¹ Yit'iyipe pa jloma ti siojopa inetitinki najape'e, Pedro jla'yi ja Juan ti ijioyisi jlaja Sinia' ji'wuk, 'yina ti yiyi siojopa ti iyoyis'ni t'ajlayeja'.

Hechos 3:1 ပူးပေါင်းရင်းမြစ်များ

Mateo 17:1

Ijwienjli sikio' itij'we ijwienjli tom'niji kiwa jlomas tomk'i, Jesús ijio'wape'e siujlieja tikijnaki toj pijia'm. Japokata jla'am japo Pedro, siu'neje japo Santiago jla'yi ja ji'yini Juan, ti ya'asi.

Mateo 26:37

Ya'asi ja Pedro siu'neje japo Zebedeo jilis times jakap'ane ti iyoyi ki iyo, ti iliate ti je inkaj'ni, jla'yi ti jijliak'ali po'.

Mateo 27:45

Siukia ti 'najlikis paj ti najapeja jakia inetitinki yiyi jla'a kilie' kie', ti ajnatiok itij'wape 'ni ajnat.

Lucas 1:10

Ti tiwuniejata siupa jini inkajk'i, siupapo i'nio' ininenisi pet kisie'e, ti iyoyis t'ajlayeja'.

Lucas 18:10

—Times napo i'nio' ijio kiajwe jana 'najla'wet, ti janwoyis t'ajlayeja'. Ijwienjli pa Fariseo, siupa jikiecha pak isi'm ilia'm niwa inkat'ijnieyejes.

Lucas 22:8

Jesús ijliu'ne ja Pedro jla'yi ja Juan, ti iyone'ate: —Maye'ni, lesanayi siupa jatiuwa pet. Wakajlanitie ta'a siuti yiyi jla'a Pascua.

Lucas 24:53

'Yina je iliyisi ti ijioyisi'ni japa 'najla'wet ti iyunitis pa Sinia'.

Juan 21:7

Sekyi'i'ne siojo Jesús t'eyasanik ti jleminik iyone'ne 'ate ja Pedro: —¡Saka'niona p'an! Simón Pedro ipi'ya wekie'e ti iyo'ate, “Saka'niona p'an”, jla'm iyoye'ni 'ate ti yikiajlits'i jawa ji'wuye, kajeyepa ti 'najleje'n, yama ti yikiwaja'm ja i'niat.

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 3:3

Ti i'wina ilia'm ja Pedro siu'neje ja Juan ti ijioyi, sekyi'i iyo'ne 'ate: —¿Lajk'iyi pet japa ka k'iejliyeyi ka wenk'i'm?

Hechos 3:4

I'yenat'iyisimpe, sekyi'i Pedro jla'yi ja Juan iyone'ne 'ate: —Kas'yejne'n.

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Hechos 5:25

Jlampa iyoyet'ipi 'ate siupa takajwejlane, ti iyo'ate: —Siojopo i'nio' jit'iutietak'i'ne a'laja'm, siojopo yits'e Sinia' ji'wuk jana yi'i, 'yiyasajne'n japo i'nio'.

Hechos 8:14

Siojopo injlojwajnas ti t'ijieyeyi papo Samaria jlele ti isimits'i pa inamtik, sek ijliuyisi'ne japo Pedro jla'yi ja Juan.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”