Hechos 28:9 - Sinia' Jlamtis 1994

⁹ 'Yijenisi pet pi iyonisi siojopo sek ji'wet'e, sekyi'i ti yamayisiji siojopo kia'iyo je isis, 'yina Pablo ijwiejiete'n jakayi.

Hechos 28:9 ပူးပေါင်းရင်းမြစ်များ

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Hechos 13:6

Jlampa iyoyeyi'ijyi ka injlasis ti tajlayisia'm japa Salamina, iniuyet'iyispe jikiowik'i japak ajnat siojopa i'niat tijwajiape'n, ti ijioyis 'niji yi'i japa isi' Pafos. Sekyi'i'ne ti i'winis siupa i'nio' je ijiat ka injwejlanik jiwoye, jla'yi ti aye'wu. Paka i'nio' Judea jlele jle' iyo'ate Barjesús.

Hechos 28:10

Sekyi'i ti ijiatayiji ti ti'yenats'e'm. Najape kiwa we'lajas atejwa isia'm ti sek awak'i, ti akinieja'nijne. Akiniek'i siujlieja kasejkana tal Alejandríaja, ti sek yajap'eje'n ti wi'yitipat'ipi, siojowa tewitanajak'i puwa diosis jle' iyo'ate Castor, siupa jikiecha jle' Pólux.

Hechos 28:8

Jakap'anepe ti Publio jinia' je 'es'ni, ti inlaye yi'i, jla'yi ti ijliam'ni. Pablo yama ti i'yene, t'ajla ape'e jla'yi ti jikio' yina ape'e, sekyi'i tijwa'ne.

Hechos 5:12

Je pini' siupuwa injlojwajnas iyo, i'winki'n siupuwa iniank'iye puwa ja'nakaj, siu'neje ti yisi'lietk'i'ni papo i'nio'. Ininenisi'ni yi'i ja Salomón jika 'wuk kiwet, ti initotisk'i'ni wita'm.

Hechos 5:15

Siupapo je isis titionajak'i kisie'e ti tenajats'i puwa jika'wulis japa isi', jlam 'wenajliyi siupapo tiniayejek'i ape'e puwa jlo'witis, kajeyepa ti iyoyits'i 'ate: —Ka Pedro inotiena'a 'ne k'emna'a ka jipela jiwekie'e ka ne'yi ape'e, ja ne'yi siunapo je isis, pak janjwa'.