Hechos 28:8 - Sinia' Jlamtis 1994

⁸ Jakap'anepe ti Publio jinia' je 'es'ni, ti inlaye yi'i, jla'yi ti ijliam'ni. Pablo yama ti i'yene, t'ajla ape'e jla'yi ti jikio' yina ape'e, sekyi'i tijwa'ne.

Hechos 28:8 ပူးပေါင်းရင်းမြစ်များ

Hechos 9:40

Pedro iyone'ne 'ate papo, ti ijliuk'i kisie'e: —¡Noyek'i kiu kisie'e! Sekyi'i pa Pedro t'akosjlete'l itiyyiji'n, iyoyet'ipi t'ajlayeja'. Jitiej itieteje'ni siujlieja i'nioki masa, ti iyo'ate: —¡Tabita, neppijia'm! I'yenat'ipi kisie'e, i'win jiwekie'e ja Pedro, ti ijialasat'ipi ka ineppijia'm.

Marcos 6:5

Pakayik'i'ne ti t'onie'e'ni kan'wenki'n paka k'iejliyeyi k'iye papo i'nio', pakatajimpe wek jla'am ti jikio' yink'i ape'e papo i'nio' ti ijwiejiete'n.

Marcos 16:18

'Wanjliyijna'a pet ka inki'mik'i niwa injlajas 'yina ja lajak'ipa kanwone, 'wanjliyi 'neje ka ti'yayinaja siunie inkakie' ti i'nio' ilia'an, 'yina kia'iyo ja ke inlate. Siuti ja jikioye inenk'i ape'e napo je isis, kanjwayejempe.

Mateo 9:18

Jesús je iliyi ti takamtijnien'ni, ti 'nesa jak i'nio' Judío ti anechiyas. T'akosjlete'l itiyeyijin kiajwe, sekyi'i iyo'ne 'ate: —Yase' jakia je pajk'iyi ti 'ya'al. 'Yina najna'a ja'yenaja. Akio' enna'a ape'e, ja'wasana.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 12:9

Janaka 'neje ti Sinia' jikimet ti tajle siunie ti it'imina ti ijiate ti jitienkiujnieye po' ni i'nio'; siu'neje ti iyo jijweyeja' ni i'nio' ka injwajiete'n napo je isis.

Mateo 10:8

Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, ká awoye lajaye siuti kia'iyo jiwoyeyetaja naka.

Mateo 10:1

Jesús tane'ni japok itijwa'm niwa sikioye times tom'niji t'eyasajnas ti yikiajle ni jijweye ka inojwank'i kisie'e niwa pini' yijits'i napo i'nio'. Jla'yi ka injwajiete napo niwa jiliaye iyo, siu'neje niwa iyo ni jiliaye ti iliatits'i.

Lucas 13:13

Jikioye yinatk'ipe ape'e, je yi' jlomayi ti 'esiet'ipi japa i'nioki, 'esieyiji ti tijna pijia'm. Sektaj'le ti iyunitiet'ipi pa Sinia'.

Lucas 4:40

Ti kilie' 'yuyeta, wikie'eyi siupapo i'nio' je isis, ti jiliaye je ijwienjlik'i, tikiniejat'iyijipi pa Jesús. Ijwienjlik'i'ni papo ti jikioye yink'i ape'e, sekyi'i ijwiejiete'n.

Marcos 7:32

'Yina sekyi'i ti tikiniejayi siupa i'nio' je tipechi'ni siu'neje ti 'ne'liajliyiji'ni, inip'elisinisi ja Jesús ka jikioye ne'n ape'e.

Marcos 5:23

ti iyone 'ate ti wuj ti inip'elisine: —Yase' jlaja je pi i'niokiyeyi. Nam kiu' wat ijyik'i. 'Esiji ka akioye e'n ape'e 'nakayeyi ti ja 'esie siu'neje ka 'wasana'.

Mateo 12:13

Iyone'ne 'ate jak i'nio': —'Akajni ni akio'. Ijiatjliyi iyoyi'ni jak i'nio' ti jikio' 'yakajni, sekyi'i 'es'ne, ijniujlie wita'm jawa jikioye ti isis ja i'nio'.

Hechos 28:7

Jlajak siujlieja ajnat ti i'niat itijwape'n, sekp'an 'yakamaja'ape siojowa ajnatis jikimet pet siojo i'yena siujlieja ajwel'ni isi', jle' iyo'ate Publio ja i'yena. Jaka'ne siojo iyo si'weta' paj ti saka jlomas najapeja.

Hechos 28:9

'Yijenisi pet pi iyonisi siojopo sek ji'wet'e, sekyi'i ti yamayisiji siojopo kia'iyo je isis, 'yina Pablo ijwiejiete'n jakayi.