Hechos 28:2 - Sinia' Jlamtis 1994

² I'yen selia'm japoka, ijlianayi'i sik'ioye ki jwat, jlam'ne ki pejla je 'yotatayik'i pet ti neki'n, kejlikiamt'e techajaja'n jakayi, sekyi'i tanayits'i'ni ka tieye'e ki jwat ijlianisi'i sik'ioye.

Hechos 28:2 ပူးပေါင်းရင်းမြစ်များ

Mateo 10:42

Jane'yi pa jantes, je tiwet'ianaja ka i'niata wek paka inwejna'm ka techajaje', jane'yi pa siu'napo kia'lis ti najmin'ni ijyik'i. Ka wo'ate, “Ap'elisi'n kajeyepa ti je 'wena, 'naka ni yamk'ijin'ni ni Jesús”. Ijiate i'nio ni iyoyi naka, ja jikaja poye.”

Juan 18:18

'Yina ti techaja'n jakayi, siojopo ijiawos siu'neje japo i'yena jlaja 'najla'wet, t'ajlet ijlianisi'i'ne, 'yina kiak tejeyits'i'ni'ne. Pedro kia'iyo sekyi'i teje'yi'ni pet ki jwat.

Hechos 27:3

Jak je iyoyiji siojokia jloma kiecha awakieyi jlaja Sidón. Sek awak'i ti Julio ip'ilisina'ni ja Pablo, jikio' iliena'a kiu wata'a ka ijnoyi japo t'ajajnajwas, ka k'iejliyi pet paka iwoyisi ji'wajieta, ni'ne ka jlaka pa.

Hechos 28:3

'Yina Pablo yama ti iyojyin'ni kiwa jlosili, ti ijliane'e'ni ki jwat. Yiyi ti iyoyetaja ka inene ki t'ajlet, je 'esiji ti pajat'ipi ki injla, ti iliatayi ki jwat ti yiye'e siukiwa yiji ti tijwanaja'a a'la' jlosili, tisiojmayet'iyipi ilia'm ki Pablo jikio', ti yokie.

Hechos 28:4

Siojopo i'nio' sek ji'wet'e, ti i'winayis ja Pablo ti injla 'yakapalk'i'ni ki jikio', sekyi'i iyoyis'ne 'ate: —Kalankijieta t'e siu'nie i'nio', 'yina ti tijwajyi siukia jiwet'ia iyotaja, ti yi'i i'niati, ijiate nakayeta lapakawo ti je ijiat ka jiwet'ia je poye. 'Ni i'nio' ja'na'al kajeyepa napoka jla'am napo jika diosis ka inwotajna'a lajaye, ti janejni siukia iyo.

Romanos 1:14

Kajeyepa ti 'yiniye ka ikapia' ineyi wikie'eyi napo i'nio', siunapo ji'wet yiji niwa isi'il siu'neje napo ji'wet yi 'lajni, siunapo 'yijejne'n, siu'neje napo ti je 'yijejne'n.

Romanos 14:1

Jlampet siunie akiecha ti jijweye je t'onik'i siunie jitienkiujnieye ti po', lesanayiji ti jakima'yi ilia'm, 'yina ká ayeyiji siupa jitienkiujnieye iyone.

Romanos 14:3

Siunie ti inijwe'el 'esiji ti itiujw pi k'iejliyi niwa wask'i'nelaja, je 'esiji ka ilaki siunie jikiecha siunie itiujw pet. Kia'iyojliyi siunie ti je itiujw siuniwa k'iejliyi ni itiujw pet ni jikiecha, Sinia' je 'yakawona jla'am.

Romanos 2:27

Jlampet ni siunie ti lajk'ipa ka tiwonaja ni t'ajwes ka t'isie'n jiwa tiliena'a, 'yina lapakawo ti iyoyi wek kiwa Sinia' jlamtis, 'yina kiaka ti jant'emi'nase ti astes japoye, ti asa'am Judíojosts'ase'm ti asa'am ti kiak tiwona'ase, ti 'assie'n jijwa'al tejwak'i, siu'neje ti yi'ase niwak Sinia' jlamtis, 'yina ti je woyeyi ni siunie iyo ka woyeyi.

1 Corintios 14:11

Jlampet ti je ape'ya siupa ajwelta ka 'yakamtijniene, 'yina e'ne ka 'wenayeyi siojopa ajnat tajla'm, siupet ti jla'am kia'iyojliyi yink'i'm ka 'wenayeyi japa ajnat itiajla'm.

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

Hebreos 13:2

Ke inkiwaliyeyi'ipe siunie ti 'esiji ka 'ye'n ilia'm ni askiecha ni jajno'wa ti ijio isik'i, awo kajeyepa ti pojompe pa kia'iyoyi ti siupapo ijioyi je itiant'ieje, 'yina 'yijenjlitieje pi iyone ti paja ti injlojwajnas poli jlele papoka.