Hechos 27:5 - Sinia' Jlamtis 1994

⁵ Sekyi'i ti alk'ataja'm ja i'niat lajlik'i, anewajla'a siojowa ajnatis jleyis iyo'ate Cilicia siu'neje jlaja Panfilia, awakieyi jlaja isi' jle' iyo'ate Mira, yiji jlaja ajnat Licia.

Hechos 27:5 ပူးပေါင်းရင်းမြစ်များ

Hechos 13:13

Paj ti yamat'i'nijne ja Pablo siu'neje japo jla'yis, ti tajlayisia'm japa Pafos, ti tejeyis 'niji yi'i japa isi' jle' iyo'ate Perge, ti yiyis kasejkanaja, yiji pet siojopa ajnat Panfilia. 'Yina Juan Marcos ilik'i japo Pablo, sekyi'i yapi 'niji Jerusalenne.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:38

'yina Pablo je itiliak'i ti kia'iyo, lapakawo ti i'wi'in ti yiyis Panfíliaja ti Marcos tajla, ti iliyi seka'a pa jikijmaye.

Hechos 15:41

Iniuyis 'niji yi'i jlaja Siria, ijiuti ape'e jlaja Cilicia, wuj ti iniuyeje japo i'nio' Sinia' jilis.

Hechos 2:10

Frigia jlele, Panfilia jlele, siu'neje Egipto jlele, siu'neje napo tajlits'i siuniwa iniujwape'n pet jana Libia, ti je tojwape'n jana Cirene. Po'neje napo tal 'niji Rómaja.

Hechos 21:39

Pablo isiujlie pet ti iyo'ate: —Je ya'am. Ijiatataja jiwekie'e ti yam Judíok'i'm, 'yina je japaka ka tiajle siojopa ajnat jijwel'ni, atajla'm pet jana ajnat Tarso, siojona yiji pet jana Cilicia, janak i'wit. Siojona isi' atajla'm wuj ti jle' po'. ¡Wenk'i'm kiu wata'a ka yamti'yi ape'e napo i'nio'!

Hechos 22:3

—Judíok'i'm, ajyijyi'n jana Tarso, yiji jana Cilicia, sikijliyeje siujlie'e Jerusalén, ti ani'neyasa'n. Gamaliel t'eyasanikk'i'm, atej'weje'n ti ani'neyasane ki iyo ki Moisés jika'neyasajnaye, siupapo sitise'l t'ipi isi'me naka. Wuj ti ajalas ka iyoyi naka siunie iyo pa Sinia', anipejlanit ki iyo ni ijiusik, iyoye'ateye jiwoyeyi siu'nie jloma.

Hechos 6:9

Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Gálatas 1:21

Sekyi'i ti ataye'eje 'niji siojowa ajnatis jle' iyo'ate Siria, siu'neje jlaja Cilicia.