Hechos 27:4 - Sinia' Jlamtis 1994

⁴ Sek atajla'a ti akinieja'ni ti atajla Sidone, ti awak kasejkanaja'. 'Yina ti ataye ilia'm ki jlajwu, kas'manit 'ne jlaja Chipre, ajnat siujlieja i'niat itijwape'n, ti je 'yejents'e'm wata'a ki jlajwu.

Hechos 27:4 ပူးပေါင်းရင်းမြစ်များ

Mateo 14:24

Jlampa yiye jikiowe'eyi jlaja kasejkana je jnanjliyi ja jikius, 'yina ti tejeyisi ilia'm pa jlajwu, it'imina'ne jawa ji'wukijlimpejes ti itie'e'ni siujlie'e yiyisi.

Marcos 6:48

'Yina i'wini'ni japa kasejkana ti t'o'ni'ni kanek kajeyepa ti tejeyi ilia'm pi jlajwu. Siupi ti jloma je tojwayi Jesús ijyijlayi, ti ya'an japo t'eyasajnas ti iniu ape'e pa i'niat ti t'iskiujni'n, sekyi'i ti iyoyetaja ka inojwap ti jla'm iyone.

Lucas 8:22

Po' japa jloma Jesús tisiojmajia'm japa kasejkana, sekyi'i iyone'ne 'ate japo t'eyasajnas ti i'yase: —Naja'ni jatiuma 'wechaja siujlie'e i'niat. Yamat'i'nijpe.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 15:39

Wuj wata'a siupa iyoyisi ti je ijniul wita'm japo Pablo, paj ti ini'wenakitiet'iyispe. Bernabé jla'yi pet ja Marcos ti yamisk'i japa kasejkana ti ijio Chípreje,

Hechos 21:16

'Nak nojwaja'm japo si'lijwas tal Cesaréaja 'yuninsek'i. A'nesa'ni ti kassokiejayiji ja sikiecha Mnasón, tajle jlaja ajnat jle' iyo'ate Chipre, inamtik jiwo paj t'ipi. Awakiap'ne kajeyepa ti iyo si'weta'.

Hechos 21:3

A'wenaja'ni jiwekie'e jlaja Chipre. Ti akinieja'ni, alekieyi 'niji si'lieme, ti atayeja 'nijiye siujlieja isi' jle' iyo'ate Tiro, ajnat ti yiji jlaja Siria. Sek tijwosa'aja'n siojowa wask'i'nelaja yiji jlaja kasejkana.

Hechos 27:7

'Yina ti je ilijyi ki jlajwu ti yejwuti siukia ataye ilia'm, it'imina'ne ti je ta'a ka i'nisaj'ni, 'wes jiwekie'e ti anewajla'a jlaja isi' jle' iyo'ate Gnido. Mawat je netiank'i ti atayeje ilia'm ki jlajwu, anok jikiusk'i jlaja Salmón, ti anokiajap ts'iji jlaja Creta, siujlieja isi' i'niat iniujwape'n 'neje.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.