Hechos 27:23 - Sinia' Jlamtis 1994

²³ Siukia ajnaje injlojwanik poli jlele ini'wenkink'i'm tajle siunie Inia' pet ti ajonit,

Hechos 27:23 ပူးပေါင်းရင်းမြစ်များ

Juan 12:26

Siuti japoye pa jankijme'n ijiap, kanamana'a ijyik'i. Siunie jayi'i, sekjane'yi pet. Siunie Inia' janteme pet siunie janoyijk'i'm.

Hechos 12:23

'Yina ti je iyunit siupa ti jlam ijiate jla'am ti Sinia', ta'a'ne siupa Saka'niona jijliujwanik poli jlele ti jiliaye itione, jiwos itiujwkinayi. Sekyi'i 'yal'ne paka.

Hechos 16:17

'Yina ti awokieyi ni sikijmaye ti askiuniejak'iji'n, tajla t'ipi si'niak'i ti nam sek'i ti tan'ni ti iyo'ate: —¡Siu'napo i'nio' 'napok jikawos pa Sinia' ti lajk'ipa ka ijnojliji, iyo jika'niyeja'ase siunie 'nayi ijioyi jana in'wasankiye!

Hechos 18:9

Yi'i pa ajnaj Pablo Sinia' ini'wenkijna'm ti iyone'ate: —'Otale t'onit, katate ti jiwo amtikie', ká ak'iu'wate.

Hechos 23:11

Ajnaj ti Saka'niona ini'wenkinat'ijiampe ja Pablo, ti iyone'ate: —Pablo, jwajla'a paka wo. Wone'ate ti 'nak jle'yi 'ne yi'i jla'a Jerusalén ti sijwe'el, ka atiejna'a Rómaja.

Hechos 5:19

Ajnaj ti Saka'niona jijliujwanik poli jlele ijyijlat'ik'ipe ti 'yajliniti ti iliejnamk'i puwa 'wuk kiwitawa p'otis japa insat jiwe, sekyi'i iyonat'iyijpe 'ate ti itionak'i kisie'e:

Hechos 8:26

Jlampa yamat'ipi 'niji paka, Saka'niona jijliujwanik poli jlele iyona 'ate ja Felipe: —Kasit, majna'a, tanie'e 'nijiye iniwuki, sekjane'yi ka noyek'ina'a siunie 'nayi tal Jerusalenne, ti ijio pet Gázaja, 'nayi ti iniu 'nijiye ajnat laj i'nioye'e.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 1:9

Sinia', siunie ti awoyi'ni yamtikie' ti ajwe'el ni jlas, ti anayi wita'm 'ni ijiusik ti anoyeje, si'we'en ni awoyi ti je aleyi ti je sikiwali'ase'm ti 'ajlana'ni.

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

1 Corintios 6:20

Ijiate Sinia' pajk'i ti takat'i'n astepe'e, kajeyepa ti jla'am ti ya'mase. It'imina ti kiak awo, ti awo'ate, wunitieyi ni Sinia' niwa 'assienis ti jla'am ti jikimet.

2 Timoteo 1:3

Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.

2 Timoteo 2:24

Siunie Saka'niona jikawo je 'yu'we ka inilanejen'ni napo ijia. 'Esiji ka wujwa ka inemi'n napo ijia. Ja'naja'n 'nakayi ti ja'neyasajne'n pet napo ijia, jla'yi ti 'esiji ka nakaye siunie ti janilayiti ti k'iejlitieje pa iyo napo i'nio'.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Apocalipsis 22:16

“Ya'am ti Jesúsk'i'm, ya'am ti ajlo'wase ni ijliujwanik poli jlele, 'yina ti awojonk'iye ka injwe'lase siu'niwa wask'i'nelaja, sekjane'yi ti jajwelayi pit napo Sinia' jilis. Ya'am ti atajlaja'm siupapo David jilis t'ipi ti tomik'i pijia'm. Ya'am siojona kates jloma jla'yiki ti jlal po'.”