Hechos 27:2 - Sinia' Jlamtis 1994

² Akiniek'i 'ne siujlieja kasejkana, siujlieja tajle pet jlaja yajap'ejen'ni jle' iyo'ate Adramitio, ti awak'i ape'e ti iyo kanek ti yapilie'eje 'niji yi'i siojowa yajap'ek'ijin'ni yi' Ásiaja. Jakayi ti sa'yi ja Aristarco, ji'wet yi' Tesalónicaja, siujlieja yiji pet jlaja Macedonia.

Hechos 27:2 ပူးပေါင်းရင်းမြစ်များ

Lucas 8:22

Po' japa jloma Jesús tisiojmajia'm japa kasejkana, sekyi'i iyone'ne 'ate japo t'eyasajnas ti i'yase: —Naja'ni jatiuma 'wechaja siujlie'e i'niat. Yamat'i'nijpe.

Hechos 16:17

'Yina ti awokieyi ni sikijmaye ti askiuniejak'iji'n, tajla t'ipi si'niak'i ti nam sek'i ti tan'ni ti iyo'ate: —¡Siu'napo i'nio' 'napok jikawos pa Sinia' ti lajk'ipa ka ijnojliji, iyo jika'niyeja'ase siunie 'nayi ijioyi jana in'wasankiye!

Hechos 17:1

Pablo jla'yi ja Silas iniuyisk'i jaka 'nayi siojo teje'ni yi'i jlaja isi' jle' iyo'ate Anfípolis, siu'neje jlaja Apolonia, paj ti yiyeyis 'niji yi'i japa Tesalónica, isi' ti wuj. Siupapo Judíojos t'ajla'wet po' japa sekyi'i, yi'i japak isi'.

Hechos 19:19

Siupapo iniwojwa'n t'ipi aye'wula' yamayisi kiwa jip'esijna', ti jwat 'yutiamk'i jitieyi'i papo sek yinayi'i. Ti ti'yena japa laja siupa nojwe'e puwa imp'esijna', cincuenta mil puwa wikijniest'ejes nojwe'e.

Hechos 19:29

Jlampa iyoyets'i'ni papo i'nio' yiji japak isi'. Yamisi'ni ja Gayo siu'neje ja Aristarco, siojopo Pablo jla'yis, ji'wet yi' Macedóniaja, ijioyisi'ne ts'e yi'i'ni papo ti kia'iyo ti initotk'i wita'm.

Hechos 2:9

Siuti atajla 'niji yi'i jana Partia, 'nak awak'i. Siu'neje napo tajle jana Media, Elam kia'iyojliyi. Mesopotamia, Judéaja, siu'neje napo tal Capadóciaja. Siu'neje napo tal Póntojo, siu'neje napo tal Ásiaja.

Hechos 21:5

Ti awakiek'i siukiwa jlomas aninenaja, sekyi'i ti akinieja'ni ti jatiajlaja japo si'lijwas. Pajlat ti namisek'i kisie'e jlaja isi', jijwa'yis namisik'i pet, jilis kia'iyojliyi. Ti awakie jikiuts'i ja i'niat lajlik'i, sek awak'i ti ts'akosjlete'l ateyejayijk'iji'n, ti awok ts'ajlayeja', kaswikie'eyi ti awok ts'ajlayeja'.

Hechos 28:10

Sekyi'i ti ijiatayiji ti ti'yenats'e'm. Najape kiwa we'lajas atejwa isia'm ti sek awak'i, ti akinieja'nijne. Akiniek'i siujlieja kasejkana tal Alejandríaja, ti sek yajap'eje'n ti wi'yitipat'ipi, siojowa tewitanajak'i puwa diosis jle' iyo'ate Castor, siupa jikiecha jle' Pólux.

Hechos 28:12

Awakieyi jlaja isi' jle' iyo'ate Siracusa, saka jlomas najape ti sek kas'wanjle'e,

Hechos 28:16

Ti awakie Rómaja, tokis jika anechiyas je isiwitayi ja Pablo, sekyi'i ti tijwankitaja ja tena'a, tokis ijwienjli na ti'yenkinaja.

Hechos 28:2

I'yen selia'm japoka, ijlianayi'i sik'ioye ki jwat, jlam'ne ki pejla je 'yotatayik'i pet ti neki'n, kejlikiamt'e techajaja'n jakayi, sekyi'i tanayits'i'ni ka tieye'e ki jwat ijlianisi'i sik'ioye.

Colosenses 4:10

Aristarco, siu'nie iliaye iniuyi wita'm ti awaki jla'a insat jiwe, itijwi'lase pit. Marcos kia'iyojliyi, siojo Bernabé jikilia jlas. 'Yina je int'ayeyiji'n siunie awotaja ka wonayi ni sikiecha, siuti kiak jawo ti jajno'wase 'esiji ka 'yena'yi ilia'm.

Filemón 1:24

Kia'iyo 'ni Marcos, Aristarco, Demas, Lucas, napoka ti isijmape'n pa Sinia', itijwi'lase pit.