Hechos 27:1 - Sinia' Jlamtis 1994

¹ Jlampa wakajlayi ti ja kasjlok Rómaja, Pablo tekiajlajayi ja tokis jika anechiyas Capitán Julio. Tokis siupapo tiwonaja'ni 'ate ‘Anechiyas Roma Jlele Jika Tokis’ papok tijna'yi pet. Tijwanaja'a japo ijia inkipijnas.

Hechos 27:1 ပူးပေါင်းရင်းမြစ်များ

Lucas 23:47

Jlam'ne siupa tokis jika anechiyas, ti i'winaja siupa iyot'iyipi, sekyi'i iyo'ne 'ate, ti iyunit pa Sinia': —¡Ijiatp'aneje 'ni i'nio' ti jlam je iyo ti 'es!

Lucas 7:2

Sekyi'i'ne pak tokis jika anechiyas Roma jlele, pak jikawo siupa ti wuj ti je 'es, ijlienat'ipi ka 'na'al.

Hechos 10:1

Pope ja i'nio' jle' iyo'ate Cornelio, ji'wet yi'i jlaja ajnat Cesarea, tokis jika anechiyas Italia jlele.

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 16:10

Ti kasts'ajanayi ki iyo ki Pablo jijwejlik, jlam awokiek'i'ni 'ate ti aniwakajlanitie ti jajiok Macedóniaja, lapakawo ti jlam je awoki ti kassetia'n pa Sinia' ka iyok samtikie' ka ijwila niwa jlamtis ti isis.

Hechos 18:2

Sek i'wi'ne'ne siojo i'nio' Judío jle' iyo'ate Aquila, Ponto jlele, ti 'nesayis'ni. Je pajk'i pet ti 'nes'ni ti tajlis 'niji yi'i jlaja Italia, jla'yiki jlaja jik'iemjla Priscila. Pakayi ti Claudio anechiyas ti wuj Roma jlele ji'lij ka wikie'eyeyi papo Judíojos ka nek'ni. Japoka siojopo Pablo ijioyi.

Hechos 19:21

Jlampa yama 'niji siupa iyoyisi, Pablo itienkiun'ni ti iyo'ate: —'Estaja ka ijio Macedóniaja, sekjane'yi ka ijioyena'aja Acáyaja, kayoyena'a 'ate 'niji Jerusalenne. Paj ka yiyena'a Rómaja.

Hechos 21:32

Tanayi japo jika ijiawos, siu'neje japo jijniujliejwas ti kia'iyo anechiyasas, t'osiye'ni ti ijioyisi siojo yi'i japo i'nio'. I'winis ilia'm japo tokis jika anechiyas, sekyi'i ti iliyeyisi ti yejes'ni ja Pablo.

Hechos 22:26

Siojo anechiyas ipi'ya wekie'e ti kia'iyo, yama ti ijwile ja jika anechiyas, ti iyo'ate: —¿Tepa jawo, siu'nie i'nio' ti Románop'an?

Hechos 23:11

Ajnaj ti Saka'niona ini'wenkinat'ijiampe ja Pablo, ti iyone'ate: —Pablo, jwajla'a paka wo. Wone'ate ti 'nak jle'yi 'ne yi'i jla'a Jerusalén ti sijwe'el, ka atiejna'a Rómaja.

Hechos 23:17

Pablo sekyi'i tanayi ja tokis, ti iyone'ate: —Mayi kiu wata'a siu'nie jwemik, joyiji ja aska anechiyas. Po' siunie iyo ka injwejla'm.

Hechos 24:23

Félix ijliuye'ne papo jikawos ka inekiajlis kiu'ujwe insat jiweje ja Pablo, ti iyo'ate: —Enayijpe 'ate siupa iyo ka iwoyi. Siuti japoye papo t'ajajnajwas ka ijnoyi, ka k'iejliyeyi paka intoni ka inoyeje, 'ajlinitie k'iye.

Hechos 25:12

Festo ini'yase siojopo ini'yene'ni, ti iyo'ate: —¿Tepi jiwoyeyi pet ti asa'am? Ti itimayi ti ini'yasis, sekyi'i iyonisi'ne 'ate ja Pablo: —Ijiatp'ane, 'esiji ti a'am ti ji'yasane ka saka anechiyas Roma jlele kan'ye'en, je ijiat ka je ijliu' Rómaja.

Hechos 25:25

Yam je e'ne ka poye paka woyi ka je 'esie ka pakaye ka int'emina ka tiliana. 'Yina ti jlam ti ti'yasane ka saka anechiyas in'ye'en siunie jiwet'ia iyo, jak je iyoyi atankiu'ni'ne ti awo'ate jajliuyinie'e.

Hechos 27:11

Siupa tokis jika anechiyas jakata jla'am i'ye'en ja kasejkanawo, siu'neje ja jikimett'eyijpe jlaja kasejkana, siojo iyone ja jitienkiujnieye. 'Yina ja Pablo yaka je tipe'yak, siukia iyotaja pet ti takajwejlantajam'ni japo.

Hechos 27:43

'Yina siojo jika anechiyas, jlam iyotaja ka jajataja ja Pablo ka lajak'i paka tiwonaja, istieyeyi'i'ni paka inwonisi, najata'ne jla'am ti ijliuye papo ti iyone 'ate: —Siupa 'yijene ti ipia'an, inekiepe ka impa'an i'niat ji'wechaja.

Hechos 27:6

'Yina ja tokis jika anechiyas i'wina siujlieja jawieki, kasejkana ti tal Alejandríaja ti tejep'ampe 'nijiye Itáliaja, jlajak awakieje'ijyi ti akinie.

Hechos 28:1

Jlampa ajwayejajyi ki siwet'ia iyo, a'yasajan'ne japo i'nio' ji'wet'ise' jlajak ajnat. Ijwilts'em'ne ki jle' ijio'we ti iyo'ate Malta, ajnat ti i'niat itijwape'n.

Hechos 28:16

Ti awakie Rómaja, tokis jika anechiyas je isiwitayi ja Pablo, sekyi'i ti tijwankitaja ja tena'a, tokis ijwienjli na ti'yenkinaja.

Hebreos 13:24

Wikie'eyi ti atejwile siojopo ti i'ye'nase'm pet, siu'neje japo ijia Sinia' jilis. Jlampet siojopo Italia jlele itijwi'lase.