Hechos 26:22 - Sinia' Jlamtis 1994

²² Ka lajak'i jlam pa Sinia' ti yamjliyi'iji ti i'yenk'i'm, siu'nie jloma ti a 'ne, ti ayetaja napo i'nio' ti anechiyasas, siu'neje napo i'nio' lajk'iyi pet paka iwo, ti amtiyi k'iye niwa Sinia' jlamtis. 'Yina je aka'm ape'e ki iyo siuniwa injwejlanawos t'ipi siu'neje pa Moisés iyot'iyipi ti ijwil siupuwa ja 'nakaj ts'iji.

Hechos 26:22 ပူးပေါင်းရင်းမြစ်များ

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Lucas 24:46

ti iyoyet'ipi 'ate: —Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e.

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 1:45

Felipe yam'ne ti ijioyi ja Natanael, yiyi ti iyonayi 'ate: —A'wena siojo ijwilt'ipi ta'a siupa Moisés siu'neje papo injwejlanawos siupuwa 'yit'iyijpe. Je 'wena pa i'nio' ka jikiechaye naka Jesús, José jlas, Nazaret jlele.

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Juan 5:46

Siuka ka je akakiuye siupi Moisés iyot'iyipi, kiak iyotaja'ni pet siuniwa ajwe'el ka je sakakiuyeyeta, kajeyepa siupa Moisés t'ipi ya'am ti sijwe'el.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 13:29

Ijiatjlit'iyijpe ti nojwa'asia'm siupa iyo puwa inamtis siupa ja tiwonaja, jiwekie'aja t'ipi ti tenaja'n pa t'ajwes mases, ti tokiji pa a'no' ti titijik k'iye.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 26:17

Sipo' ti ja'ye'na'm k'iye napo Judíojos, siu'neje napo i'nio' 'wena 'lij, siupa janjwel kanwo'na, 'yina napok i'nio' awo ka joyi.

Hechos 26:6

'Nakayi siunie iyo ti 'nak soyisi'i ti i'yenis 'ni itis iyo, naka jla'am siunie Sinia' iyont'iyijipi papo saka kijilas mases t'ipi, ti akjliyi'ijyi ti anejejwijyink'iye.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Romanos 3:21

'Nakayi Sinia' ikajanit siunie iyo ti ilisajne'n napo i'nio', 'yina je naka inka'neyasajnaye ka intajle, siuti ja'yena niwaka Sinia' jlamtis yi'i naka inka'neyasajnaye siu'neje napo injwejlanawos t'ipi jip'esijna', sekyi'i ni siunie Sinia' iyoyi.

1 Corintios 15:3

Ta'ape ti 'eyasanayi siunie ti kia'iyo akimpe ilia'm. 'Yina nak 'eyasanayijpe: ti Sijwajieti jla'am ti iniwe'n ape'e niwa sakeyis, pakayi ti 'ya'al, iyo niwa inamtis t'ipi ti yi'i ni ji'wet.

1 Corintios 15:4

Ti kia'iyojliyi niwaka 'neje inamtis ti ijwi'il ti titijik k'iye, sekyi'i jlomas najape iniu kisie'e ti tajli pi a'no'.

2 Timoteo 3:11

Mejla'a ka je 'najane ki iwit'ia iyo ti ape Antioquíaja, siu'neje ti a Icóniojo, siu'neje ti a Lístraja. Wuj ti a'tisk'iji'n siukiwa iyonk'iji japo i'nio', 'yina Saka'niona sijwajiete jakayi.

Apocalipsis 11:18

Wikie'eyi napo i'nio' yijits'i niwa ajnatis jwesis, 'yina jlam'ne yiyi pet siojona jloma ti awak yiji, ja'ye'en siupi iyo siunapo ti pajk'i ti 'yajle'n. 'Yina siunapo ajwejlanawos, napoka ti ja en jikiojyi siojona ti i'yakanis, wikie'eyi 'neje siunapo ti aka kia'lis, siu'neje napo ti inwunit, 'wanjliyi ka napokaye siunapo i'nio' ti jle' po' ti anechiyasas, napoka 'neje siunapo ti i'nio' jiniliaja ti lajk'iyi paka woyi. Kia'iyo janetiajnat napoka i'nio' ti ikajyijne'n 'ni ajnat.”

Apocalipsis 15:3

Takelisiejne'n, 'yina yilisisk'i siukia Sinia' jikawo Moisés jika'le, jika'le 'neje ni 'wolepo 'woma, ti iyo'ate: “Saka'niona, Sinia' ti lajk'ipa ka ijnojliji, wikie'eyi siunie jiwoyi je jlase' ni iyo, siu'neje ti ijiate ti 'es. A'm ti siuniwa ajnatis jika anechiyasts'a'm, 'yina siuniwa a'najia tijnajyits'i siu'neje ti je tak'emiyeje wek.

Apocalipsis 20:12

Sekyi'i ti a'wena siojopo ti 'yalt'ijyimpe, siojopo i'nio' ti jleyis ti pope ti 'wanjlijliyits'i kiu', siu'neje japo ti lajt'ik'iyipe pet paka iwoyi ti jiniliaja t'ipi pet, ti takasitk'i jitieyi'i siojo i'nio' ti yi'iji'n jlajak in'wet ti 'es. Sekyi'i ti tilienajamk'i siojowa imp'esijna' ti ineyis ji'wet, jaka 'neje jla'am siojo imp'esinik jikiecha, jleyis yi'i siunapo ti ji'wasankiye ti t'o'n po'. 'Yina siojopo ti 'yalt'ijyimpe, siuti Sinia' i'ye'en siupi iyoyi kiak iyonayiji siupa iyone ti yi'i jawak imp'esijna'.