Hechos 26:2 - Sinia' Jlamtis 1994

² —Ji'yu, 'na ika anechiyas Agripa, 'esiji ti se'nate ti jayamti siu'nie jloma, ja 'nakayeyijna'a pet ka 'najane paka wone, ti jla'm iyo siunapo Judíojos siunie ijwilis ka iyoyi.

Hechos 26:2 ပူးပေါင်းရင်းမြစ်များ

Mateo 10:19

Siuti kiak jawo ti ja inekiajlayi, ke injlak'alayiji'n siupa kawoyeyi ti ja amtiyets'iji'n, siu'neje pa as'lej jawonayi. Sinia' jla'am janwe'nase'm siupa jawoyeyi ti ja amtiyets'iji'n.

Lucas 12:11

“Siuti ja tikinie'ase ti ja ijnokieyiji napo ijnosikis jiwos, ni'ne ka ijnokiji napo anechiyasas, ni'ne ka ijnokieyiji napo i'ye'en napo jitis wus, ká awo jlak'aliye siupa jawo ti ja amti astepe'e, siupa as'lej janojwata'yi.

Lucas 21:12

“Siuti ja ke inejliyi'ijyi kiu' niwaka siunapo i'nio' janki'mase'm, jantaye aselia'm, ka inekiajliyinie'e napo jlosikis jiwos, ti ja'notiets'i a'laja'm. Ti asa'am ti jlekieyi siunie awo, ja ijnokieyiji napo i'nio' anechiyasas, siu'neje napo anechiyasas wus.

Hechos 25:26

'Yina ti lajk'iyi paka 'esiejene ka yi'ne pa imp'esinikie' ka ijliuyi ja saka anechiyas, it'imina'ne ti 'nak aname'e ti ene astayi'i inwikie'eyeyi ti 'nak jiwaye'yi. 'Esiji ti a'am ti jape'ya, anechiyas Agripa, siupa janwo ti jantamti, ja 'nakayeyijna'a ti jats'esijin pet siupuwa jayamtisa' ka ilisantaja.

Hechos 26:1

Agripa iyone'ne 'ate ja Pablo: —Jejlikiame kiu' ka amti, siupa a'lej jawone ti ja amti atepe'e. Sekyi'i Pablo jikioye ijieyek'i pijia'm, ijyijlitayi ti tamti, ti iyo'ate:

Hechos 26:19

“Kia'iyo, 'ni 'yaka anechiyas Agripa, ka kia'iyo ka 'yuma ilia'm ki iyo ki a'we'en ti tal poliyi.

Hechos 26:26

Yi 'ne 'na anechiyas Agripa, siu'nie 'yijene pi iyonk'i, siuniwa ajwe'el, it'imina ti je sots'i'n ape'e ti ajwe'el. Je iyo'ate ka je 'nakaj siunie Sinia' iyo ti ilisane, iyo niwa i'wi'in na anechiyas.

Hechos 26:3

Intant'iejayi wikie'eyi siuniwa jikeyis napo Judíojos, siu'neje niwa wask'i'nelaja ti anitajlataja. It'imina ti anip'elisi'na ka anilayiti kiuwata'a ka k'iuk'i'm siuti jayamti.

Hechos 26:7

'Yina wikie'eyi siunapo atajlaja pet siunapo itijwa'm sikioye times tom'niji Israel jilis yamjliyi'iji ti inijijwijyink'iye naka, niwa jlomas ajnajas kia'iyojliyi ti ijiunitis ni Sinia'. 'Na 'yaka anechiyas Agripa, 'yina kiak awo'ni pet, it'imina siunie iyonk'iji napo Judíojos.