Hechos 24:5 - Sinia' Jlamtis 1994

⁵ A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

Hechos 24:5 ပူးပေါင်းရင်းမြစ်များ

Mateo 10:25

Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzebú, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 23:19

Siupa jitis iyo pa Barrabás ti yi' insat jiweje, pakayi ti ti'yikisane'ni papo anechiyasas yiji japa isi', siu'neje ti takalankit'ipi.

Lucas 23:2

Sekyi'i ti ijyijlitat'iyisijpe ti takajwejlanisia'm siupi iyo pi itiajlatisie, ti iyo'ate: —A'wenajaja siu'nie i'nio', ti itiejietk'i wita'm napo saka kia'lis. Ijwil je 'esiji ti akat'ina'ni ape'e niwa inkat'ijnieyejes, 'etsakaja ti ijwil ka nakaye ni Injwajieti ni Sinia' jijliujwanik, ka anechiyasa'.

Lucas 23:25

Sekyi'i jikio' ilie'ne'ne siupa iyo jla'am papo ka inkio' tiliena'a, siupa jikalankijieye it'imina ti yi' insat jiweje, jla'yi ti ti'yikisane'ni papo i'nio' anechiyasas. Jlampet pa Jesús, yikiajlayi papo tokis ti its'iuyisie siupa iyo kawo papo i'nio'.

Lucas 23:5

Kat'ajat'iyijpe ti ijialaskinisi, ti iyo'ate: —Siunie iyo ni jika'neyasajnaye, wuj ti 'yakajyijne'n napo i'nio'. Tajlap Galiléaja ti 'nelanjie'e, 'nakayi yi'ne Judéaja, ti je ilik'i siunie iniwone.

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

Hechos 21:28

'Yina tanayi japo i'nio' ti iyo'ate: —¡Israel jika kia'lis, joniemet, noyeyits'e'm! ¡Siu'nie i'nio' yamk'i'ni napo ti 'yiyasane siuniwa wask'i'nelaja ti teje selia'm ti Judíojosts'e'm, teje'yi ilia'm ni Moisés jika'neyasajnaye, siu'neje jana 'najla'wet! ¡Je najata, siu'neje ni iyo ti iliaki jana 'najla'wet, ti jla'yis'ni napo i'nio' je Judíojos ti 'yuyisietaja kiajwe!

Hechos 22:22

Sek jla'a siukiwa jlamtis ti tik'iukie ja Pablo, sekyi'i ti ijiatayiji ti tanisi ape'e ti iyoyits'i 'ate: —¡Je 'esiji ka 'wanjliye'e. Lana' jla'm 'esiji ka inetia'n!

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 24:4

“Ajwel'ni je 'esiji ka kaspa'a siu'nie jayoki, 'lojwinie'e ka poye paka woyi kapajata, it'imina ti anip'elisi'na ka k'iuts'e'm siu'nie jayoki ti jayamtiye.

Hechos 25:7

Ti Pablo yiyeyi, siojopo Judíojos ti tal Jerusalenne 'loj siupuwa ijwil ka iwo ja Pablo, ka puwakaye ka intajlatisie, 'yina je 'yijenisi paka iwonisi ka tik'iukie siupuwa ijwilistajam'ni pa anechiyas, kajeyepa ti jla'am ijiutkinistaja'ni jiwekie'e.

Hechos 26:5

Siuniwa jlomas atalk'i'ni ti itiant'iejesk'i, kawo ka sijwelis, ka injwelisie'amna'a ti Fariseok'i'm. Anoyeje siunie saka'neyasajnaye iyo.

Hechos 28:22

Awoktajan pet k'iye ka ipi'yak siupa atankiujnieye jiwone, kajeyepa ti wikie'eyi ape'e 'na ajnat ti ijwela ka je 'esie siupa aka'neyasajnaye ink'ie'.

Hechos 5:17

Siupa pa'yijis jika anechiyas ti wuj, ti 'yijenat'iyijpe pi iyone, siu'neje papo Saducéojos sekyi'i ti yijap, je jlase' pi iyo ti a'tiejesiam'ni japo injlojwajnas.

Hechos 6:13

Ya'asiyet'iyispe siupapo i'nio' ijwil ka impe'ya, ti iyoyits'i 'ate: —Siu'nie i'nio' je iliyiji ti iliaki siujlie'e Sinia' ji'wuk ti 'es, siu'neje ni Moisés jika'neyasajnaye.

1 Corintios 11:19

¡'Wanjliyi je akakiuni, kajeyepa ti ja'nakayeyi ti ja 'nakaj siunapo ti je takalakijiejne'n ti yame siunie iyo pi Sijwajieti!

1 Corintios 4:13

Siuti kia'iyo ti kassamtikieta, akiujliek'i jiwek puwa jlamtis ti ap'elisina. Kaswona 'ate iyo ni jlolimak, awokie 'ate iyo ni siunie k'iejliyi ti 'nachiyisi. Jlomas ti kiak iyonts'e awakieyi 'nijiye.

1 Pedro 2:19

Siuti asjlak'ali poyeta, 'wanjliyi ka jla'm it'emi'nase'm ni jiwek, laja po' siuti jinilayitieyi, kajeyepa ti je inkiwaliyeyi ni Sinia'.