Hechos 24:14 - Sinia' Jlamtis 1994

¹⁴ 'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 24:14 ပူးပေါင်းရင်းမြစ်များ

Hechos 9:2

ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.

Romanos 3:21

'Nakayi Sinia' ikajanit siunie iyo ti ilisajne'n napo i'nio', 'yina je naka inka'neyasajnaye ka intajle, siuti ja'yena niwaka Sinia' jlamtis yi'i naka inka'neyasajnaye siu'neje napo injwejlanawos t'ipi jip'esijna', sekyi'i ni siunie Sinia' iyoyi.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Hechos 26:22

Ka lajak'i jlam pa Sinia' ti yamjliyi'iji ti i'yenk'i'm, siu'nie jloma ti a 'ne, ti ayetaja napo i'nio' ti anechiyasas, siu'neje napo i'nio' lajk'iyi pet paka iwo, ti amtiyi k'iye niwa Sinia' jlamtis. 'Yina je aka'm ape'e ki iyo siuniwa injwejlanawos t'ipi siu'neje pa Moisés iyot'iyipi ti ijwil siupuwa ja 'nakaj ts'iji.

Hechos 24:5

A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

2 Timoteo 1:3

Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.

Hechos 26:27

Pablo iyone'ne 'ate ja anechiyas Agripa: —'Na ika anechiyas, ¿je kakiu pet siupapo injwejlanawos iyot'iyipi? Ajwelta ka je akakiu.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

Tito 3:10

Siunie ti jlam ti it'imina ti tejets'i wita'm napo Sinia' jilis, nak ja jloyeyi ti jawo jlosikie' ka ilek'i ni jike' iyone. Siuti ja ke inlek'i, ja ekiajlayina'aja ti ajloye. 'Yina siuti je iyoyiyi ka k'iu'wa'm sekjane'yi ka leyeyi jiwekie'e, 'yiniye ti ja ke a'we'en 'yina je iyo'ate ka je ti'niejenaja pa ka tiwonaja.

Gálatas 5:20

Po' napo yamisi siunie iyo niwa sisajma'l ti tewitanajak'i pi k'iejliyi ti iyunitis, siu'neje ti yame ti iyo aye'wula. Ne'wajamk'i napo ijia, yimi'n ti iniewiti napo ijia; jla'yi ti elijietas; jijwesi je tojwits'i; takalakijiejne'n; 'yakajyi'n napo ijia ti ijwienjli yita'a.

1 Corintios 11:19

¡'Wanjliyi je akakiuni, kajeyepa ti ja'nakayeyi ti ja 'nakaj siunapo ti je takalakijiejne'n ti yame siunie iyo pi Sijwajieti!

Hechos 26:6

'Nakayi siunie iyo ti 'nak soyisi'i ti i'yenis 'ni itis iyo, naka jla'am siunie Sinia' iyont'iyijipi papo saka kijilas mases t'ipi, ti akjliyi'ijyi ti anejejwijyink'iye.

Hechos 24:22

Félix ti 'yijenayiji pi iyone siukia 'NAYI INK'IE' ti ipi'yaye ja Pablo, ti 'loj napo i'nio' yamk'i, jla'yi ti je takakiunisi, sekyi'i iyo'ne 'ate: —'Nak jaliki'i kiu' wekie'e, jla'm ijiate ka 'nestana'a ja tokis jika anechiyas Lisias, siupa janwoyi. Sek jane'yi ka ts'esieyiji'nejna'a pet siunie jiwoyeyi.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Hechos 19:9

Po' siupapo t'ojnine, 'wenajliyi ti 'yakakiuyis, ti ijwilis ka je 'esie siunie 'Nayi Ink'ie' siunie Pablo yamk'i, ti yine jitieyi'i papo i'nio' ti ijwi'il. Pablo tajla'ne, tane'ni siupapo Sinia' jilis, ti ijioyiji japa inka'neyasajnaye 'wet, i'nio' siupa jle' iyo'ate Tiranno jika'neyasajnaye 'wet. Sek yiniji'ni wikie'eyi puwa jlomas ti sek ininenisi'i'ni ti takamtijniejne'n.

Hechos 13:15

Ti itimat'iyisijpe ti yamtijienis puwa Sinia' jlamtis yi'i pa Moisés jika'neyasajnaye. Sekyi'i siupapo i'yena japa 'najla'wet i'yasat'iyipi ka poye paka injwele ape'e pet papo.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 7:32

“Ya'am, ti atese'l Jiniak'i'm. Ya'am ti Abraham Jiniak'i'm, Isaac Jiniak'i'm, jla'yi pa Jacob Jiniak'i'm.” “Moisés kititiyeyi'ni kajeyepa ti jnots'ijni ti ipi'yayeyi pak ina'lap, je 'yakajli ka ijiatayi kan'yen'nine siupa iyoyi.

Hechos 5:30

Sitise'l Jiniajimpe pet paka'ne pinitia iniujwa'n kisie'e ti tajli pa a'no', siupa ti jlena pijia'm ape'e japa cruz, ti jilianayepe ja Jesús.

Juan 1:45

Felipe yam'ne ti ijioyi ja Natanael, yiyi ti iyonayi 'ate: —A'wena siojo ijwilt'ipi ta'a siupa Moisés siu'neje papo injwejlanawos siupuwa 'yit'iyijpe. Je 'wena pa i'nio' ka jikiechaye naka Jesús, José jlas, Nazaret jlele.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Lucas 16:29

'Yina Abraham isiujli ti iyo'ate, “Jla'm ijiattaja ka lajak'ipa ka neyisi siuniwa ilisant'iyijpe pa Moisés, siu'neje niwa jilisajnat'ipi papo injwejlanawos. ¡'Esiji kank'iuye siunie iyoyi!”

Lucas 16:16

“Siunie Moisés jika'neyasajnaye, siu'neje niwa jilisajna' t'ipi papo injwejlanawos, laja po' yiyi pet siunie yi'i ni Juan inajiejnawo. Sektajlap'e ti tiwok jika'niyeja' napo i'nio' ni Sinia' jika anechijiayas, 'yina wikie'eyi ti ini'netisi ti iyo ka 'noyisi.

Lucas 1:70

'Naka'ne siu'nie pajk'i ti ijwi'il pa Sinia', ti jijwejlanawos ti isis ijwilt'ipi.

Mateo 22:40

'Niwajata 'niwak siuniwa times Sinia' jlamtis ti 'yaka'm ape'e niwa ijia, siuniwa yiji pet nak Moisés jika'neyasajnaye, siu'neje niwa taka'neyasane papo Sinia' jijwejlanawos t'ipi.

Mateo 10:32

“Siuti japoye ni jawo'ate, ti janijwejla'm napo i'nio', “Ya'am ti akk'i pet ni Jesús”, ijiate kiak jayo'ojyi pet ti jajwijla'm ni Inia' ti yi' poliyi, ti jayo'ate, “Ijiate nak sa'yi pet”.

Mateo 7:12

“Siunie inteliaja ka a'lejwas kiak iwo'naja, kiak jawonayi'iji pet napo a'lejwas. 'Yina niwak 'yijie'ne ni i'nio' ni Moisés jika'neyasajnaye, siu'neje ni jika'neyasajnaye iyo papo Sinia' jijwejlanawos t'ipi.

Hechos 19:23

Wujwe pi iyo papo Éfeso jlele ti initajlatisi siunie 'Nayi Ink'ie'.

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

Hechos 25:8

Pablo iyo'ne 'ate: —Ya'am laj itisa'. Ka itis poye pa, ti je ata'yi ilia'm ni Moisés jika'neyasajnaye, tiwet'ianaja ka itie 'neje jiwek ilia'm jana 'najla'wet yi' Jerusalenne, ni'ne ka nakaye ni saka anechiyas ni Roma jlele ka itie'yi ilia'm, jeyi kat'aja.

Hechos 26:4

“Wikie'eyi siunapo Judíojos ti 'yijene pi iyone siunie aniwone ti ajyi jana 'yaka ajnat Jerusalenne siu'neje ti awo jwemikie'.

Hechos 28:22

Awoktajan pet k'iye ka ipi'yak siupa atankiujnieye jiwone, kajeyepa ti wikie'eyi ape'e 'na ajnat ti ijwela ka je 'esie siupa aka'neyasajnaye ink'ie'.

Romanos 1:9

Sinia', siunie ti awoyi'ni yamtikie' ti ajwe'el ni jlas, ti anayi wita'm 'ni ijiusik ti anoyeje, si'we'en ni awoyi ti je aleyi ti je sikiwali'ase'm ti 'ajlana'ni.