Hechos 22:25 - Sinia' Jlamtis 1994

²⁵ Wakajle ja Pablo ti tilie'nitie, ti jota tajak'ni, Pablo i'yasen'ne ja tokis jika anechiyas siojo sek yi'i, ti iyo'ate: —¿Ma 'esiji jiat'eje ti asa'am ka aja'ni pa ti Romano, siuti je 'yakaj siupa jitis iyoyi?

Hechos 22:25 ပူးပေါင်းရင်းမြစ်များ

Mateo 10:17

Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi.

Mateo 8:8

'Yina iyo'ne 'ate pak tokis jika anechiyas: —'Yaka'niona, wuj ti je ani'nojonit'i ka 'o kiajwe jlaja i'yuk. Kantitie wekie pa a'leja paka ajloyi, 'yina siojo 'yakawo ja 'esie.

Hechos 10:1

Pope ja i'nio' jle' iyo'ate Cornelio, ji'wet yi'i jlaja ajnat Cesarea, tokis jika anechiyas Italia jlele.

Hechos 16:37

Pablo iyone'ate japo ijiawos: —'Yejne'n, ti sa'am Románojosts'e'm, jlam kask'ajaki'n jiwekie'e, jlam'ne je 'yaka siupa ka titiajlatats'e'm ka sitis inwo, jitieyi'i napo i'nio', je iyo ka inka'm ape'e siunie jike' iyo pa ti kia'iyo. ¿Yot'iyi'ni ti ijwilis ka kasnojwa'n kisie'e? ¡'Esiji ka jlamayis ka namts'e ka kasnojwa'n kisie'e!

Hechos 22:26

Siojo anechiyas ipi'ya wekie'e ti kia'iyo, yama ti ijwile ja jika anechiyas, ti iyo'ate: —¿Tepa jawo, siu'nie i'nio' ti Románop'an?

Hechos 23:17

Pablo sekyi'i tanayi ja tokis, ti iyone'ate: —Mayi kiu wata'a siu'nie jwemik, joyiji ja aska anechiyas. Po' siunie iyo ka injwejla'm.

Hechos 23:27

Je 'wenayi paka ijwi'la'm, 'neyek'i Judíojos isimits'i siu'nie i'nio' ti iyotaja ka inlanis. Je 'esiji pet ti ts'ajanayi pa awone ti Romano, 'yina ak'ne ti a'asi japo jika tokis, sekyi'i a'manit'ne.

Hechos 25:16

Ti akiujlieyi awope 'ate, “Ti sa'am ti Roma jlelets'e'm, je sake' ka kassesi'lie'yi ka iyoki ka iliana pa, ti je inipe'yayi siupapo ijwi'il. 'Esiji ti jlam pet ti ipi'ya ti iyoyetaja ka intamti ni i'nio', ti iyo ka ini'manit.”

Hechos 27:1

Jlampa wakajlayi ti ja kasjlok Rómaja, Pablo tekiajlajayi ja tokis jika anechiyas Capitán Julio. Tokis siupapo tiwonaja'ni 'ate ‘Anechiyas Roma Jlele Jika Tokis’ papok tijna'yi pet. Tijwanaja'a japo ijia inkipijnas.

Hechos 27:3

Jak je iyoyiji siojokia jloma kiecha awakieyi jlaja Sidón. Sek awak'i ti Julio ip'ilisina'ni ja Pablo, jikio' iliena'a kiu wata'a ka ijnoyi japo t'ajajnajwas, ka k'iejliyi pet paka iwoyisi ji'wajieta, ni'ne ka jlaka pa.

Hechos 27:43

'Yina siojo jika anechiyas, jlam iyotaja ka jajataja ja Pablo ka lajak'i paka tiwonaja, istieyeyi'i'ni paka inwonisi, najata'ne jla'am ti ijliuye papo ti iyone 'ate: —Siupa 'yijene ti ipia'an, inekiepe ka impa'an i'niat ji'wechaja.