Hechos 22:24 - Sinia' Jlamtis 1994

²⁴ Tokis jika anechiyas takajlunie ka toki kiajwe siojopa tokis 'loj ji'wuk, ka tak'ajaki'n ka injwe'el siupa titiajlataja ti kia'iyo ti tank'i wita'm papo i'nio'.

Hechos 22:24 ပူးပေါင်းရင်းမြစ်များ

Hechos 23:10

'Yina ti ijiatayiji ti je inilesaniji ti iniewitis papo i'nio', siu'neje ti jlampa iyoyisits'i'ni, tokis jika anechiyas isiwitayi ja Pablo ka ijiatayiji paka tiwonaja ka t'ekiyeje ka tiwok jijwala'. Sekyi'i ijliuye'ne japo jikawos tokis ka intonis kisie'e ka inekiajlisia'm jlaja tokis 'loj ji'wet.

Hechos 21:34

'Yina ti jlam pak iyots'i'ni japo i'nio', 'wena japo tom ts'e, 'wena japo 'wenayi siupi yiyiji, jak je iyoyiji'ni ja tokis jika anechiyas ka 'najane siupa jitis. It'imina pa tokis jika anechiyas ti takajlunie ka tokiji siupi yi'i japa tokis 'loj ji'wet.

Juan 19:1

Pilato ijliuye japo tokis ka inkimits'i ka ink'ajas'ni.

Hebreos 11:35

'Yina pot'i 'nejepe papo asejnia ti tekiajla jikiojia'm papo ji'wet jlele, siuti kia'iyo 'yalt'ijimpe kajeyepa ti yapits'i pijia'm. Ijia siupapo inine'nate k'iye siupapo ti yejesk'i'ni, 'yina je inikakiuyi siupa titiajlataja ti tilianaja'n, lapakawo ti iyo ka napits'i pijia'm ti jlajma ijiatayi jla'am ti ja 'esie siojona ji'wasankiyeja'.

Hechos 23:27

Je 'wenayi paka ijwi'la'm, 'neyek'i Judíojos isimits'i siu'nie i'nio' ti iyotaja ka inlanis. Je 'esiji pet ti ts'ajanayi pa awone ti Romano, 'yina ak'ne ti a'asi japo jika tokis, sekyi'i a'manit'ne.

Hechos 16:37

Pablo iyone'ate japo ijiawos: —'Yejne'n, ti sa'am Románojosts'e'm, jlam kask'ajaki'n jiwekie'e, jlam'ne je 'yaka siupa ka titiajlatats'e'm ka sitis inwo, jitieyi'i napo i'nio', je iyo ka inka'm ape'e siunie jike' iyo pa ti kia'iyo. ¿Yot'iyi'ni ti ijwilis ka kasnojwa'n kisie'e? ¡'Esiji ka jlamayis ka namts'e ka kasnojwa'n kisie'e!

Hechos 21:37

Ti Pablo je tikiniejliyi'iji ti ja toki siupa yi'i papo tokis 'loj, i'yasen'ne ja tokis jika anechiyas ti iyo'ate: —¿'Esiji ka 'yakamtijniena kiu'? Tokis jika anechiyas isiujlie ti iyo'ate: —'Najanp'ane ki Griego ji'lij.

Hechos 28:18

Japoka'ne siojopo ti si'yasis'ni ka itis iwo paka poye. Iyoyistaje'ni ka jikio' ilanisk'i'm, kajeyepa ti je i'winis paka itis iwo, je 'yu'we ka siliana.